« ៣០. ការហៅទាំងឡាយក្នុងសាសនាចក្រ » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ៣០. ការហៅទាំងឡាយក្នុងសាសនាចក្រ » ជម្រើសចេញមកពីក្បួនខ្នាតទូទៅ
៣០.
ការហៅទាំងឡាយក្នុងសាសនាចក្រ
៣០.០
សេចក្ដីផ្ដើម
ការហៅទាំងឡាយផ្ដល់ឱកាសឲ្យសមាជិកទាំងឡាយមានអំណរក្នុងការបម្រើដល់ព្រះ តាមរយៈការបម្រើដល់បុត្រាបុត្រីរបស់ទ្រង់ ( សូមមើល ម៉ូសាយ ២:១៧ ) ។ ការហៅទាំងឡាយក៏ជួយសមាជិកឲ្យបង្កើនសេចក្ដីជំនឿរបស់ពួកគេទៅលើព្រះអម្ចាស់ និងខិតកាន់តែជិតទៅទ្រង់ផងដែរ ។
វាមិនសមរម្យនោះឡើយដែលប្រាថ្នាចង់បានការហៅណាមួយក្នុងសាសនាចក្រ ( សូមមើល ម៉ាកុស ១០:៤២–៤៥; គោលលទ្ធិ និងសេចក្ដីសញ្ញា ១២១:៣៤–៣៧ ) ។ ហើយសមាជិកក្នុងសានាចក្រក៏មិនត្រូវ « ឡើងតំណែង » ពីការហៅមួយទៅការហៅមួយទៀតដែរ ។ ការបម្រើដោយស្មោះត្រង់នៅក្នុងការហៅមួយគឺសំខាន់ជាងមុខងារនៃការហៅនោះទៅទៀត ។ ព្រះអម្ចាស់សព្វព្រះទ័យនឹងការលះបង់ដ៏ស្មោះត្រង់របស់សមាជិកទាំងអស់ដែលបម្រើនៅក្នុងសាសនាចក្ររបស់ទ្រង់ ។
៣០.១
ការកំណត់ពីបុគ្គលដែលត្រូវហៅ
៣០.១.១
គោលការណ៍ណែនាំទូទៅ
សមាជិកទាំងឡាយដែលបម្រើនៅក្នុងសាសនាចក្រត្រូវបានហៅដោយព្រះ ( សូមមើល ហេព្រើរ ៥:៤; មាត្រានៃសេចក្ដីជំនឿ ១:៥ ) ។ ថ្នាក់ដឹកនាំស្វែងរកការណែនាំពីព្រះវិញ្ញាណដើម្បីកំណត់ពីបុគ្គលដែលត្រូវហៅ ( សូមមើលផងដែរ ៤.២.៦ ) ។ ពួកគាត់ក៏ពិចារណាអំពីចំណុចខាងក្រោមផងដែរ ៖
-
ភាពស័ក្ដិសមរបស់សមាជិកនោះ ( ដូចបានកំណត់នៅក្នុងការសម្ភាស ) ។
-
អំណោយទាន និងសមត្ថភាពដែលសមាជិកនោះមាន ឬអាចអភិវឌ្ឍបាន ដើម្បីផ្ដល់ពរជ័យដល់មនុស្សដទៃ ។
-
កាលៈទេសៈផ្ទាល់ខ្លួនរបស់សមាជិកនោះ រួមមានសុខភាព និងការងាររបស់គាត់ ។
-
ឥទ្ធិពលដែលការហៅនោះអាចមានលើអាពាហ៍ពិពាហ៍ និងគ្រួសាររបស់សមាជិករូបនោះ ។
សមាជិកមានពរជ័យដោយសារការលះបង់ដែលពួកគេធ្វើ ដើម្បីបម្រើនៅក្នុងសាសនាចក្រ ។ ប៉ុន្ដែការហៅមួយមិនគួរដាក់បន្ទុកជ្រុលហួសទៅលើបុគ្គលម្នាក់ៗ និងក្រុមគ្រួសារនោះឡើយ ។ ហើយការហៅទាំងឡាយក៏មិនគួរធ្វើឲ្យសមាជិកពិបាកបំពេញការងារ និងការទទួលខុសត្រូវរបស់ពួកគេនោះដែរ ។
ជាទូទៅ សមាជិកម្នាក់ៗត្រូវបានហៅឲ្យបម្រើនៅក្នុងការហៅតែមួយប៉ុណ្ណោះនៅក្នុងពេលមួយ បន្ថែមពីលើការធ្វើជាបងប្អូនប្រុសស្រីដែលផ្ដល់ការងារបម្រើ ។
នៅពេលផ្ដល់ការហៅមួយដល់សមាជិកដែលបានរៀបការ នោះថ្នាក់ដឹកនាំត្រូវធានាថា ស្វាមី ឬភរិយារបស់សមាជិកនេះដឹង និងគាំទ្រដល់ការហៅនេះ ។ ពីមុនផ្ដល់ការហៅដល់យុវជន ឬយុវនារីម្នាក់ នោះថ្នាក់ដឹកនាំត្រូវទទួលបានការអនុ័តមកពីឪពុកឬម្ដាយ ឬអាណាព្យាបាលរបស់ពួកគេជាមុនសិន ។
មុនពេលផ្ដល់ការហៅមួយ នោះប៊ីស្សពពិនិត្យមើលដោយប្រុងប្រយ័ត្នទៅលើកំណត់ត្រាសមាជិកភាពរបស់បុគ្គលនោះ ដើម្បីបញ្ជាក់ថា វាមិនមានចំណារពន្យល់ ឬការដាក់កំហិតលើសមាជិកភាពជាផ្លូវការឡើយ ។
៣០.១.២
ការហៅទាំងឡាយសម្រាប់សមាជិកថ្មី
ឱកាសដើម្បីបម្រើជួយសមាជិកឲ្យរីកចម្រើនខាងវិញ្ញាណ ។
ថ្នាក់ដឹកនាំវួដផ្ដល់ឱកាសឲ្យសមាជិកថ្មីបម្រើភ្លាមៗ ក្រោយពីពួកគេបានទទួលពិធីបុណ្យជ្រមុជទឹក និងពិធីបញ្ជាក់ហើយ ។
៣០.១.៣
ការហៅទាំងឡាយសម្រាប់អ្នកដែលមិនមែនជាសមាជិក
បុគ្គលណាដែលមិនមែនជាសមាជិកនៃសាសនាចក្រអាចត្រូវបានហៅឲ្យមានតំណែងមួយចំនួន ដូចជាអ្នកលេងព្យាណូ អ្នកដឹកនាំតន្ដ្រី ឬការហៅដើម្បីជួយដាក់ផែនការសកម្មភាពនានា ។ ទោះជាយ៉ាងណាក៏ដោយ ពួកគេមិនគួរត្រូវបានហៅឲ្យធ្វើជាគ្រូបង្រៀន ជាសមាជិកគណៈប្រធានកូរ៉ុម ឬគណៈប្រធានអង្គការជំនួយ ឬជាថ្នាក់ដឹកនាំតន្ដ្រីក្នុងអង្គការបឋមសិក្សាឡើយ ។
៣០.១.៤
ភាពសម្ងាត់
ការហៅ និងការដោះលែងគឺជាកិច្ចការដ៏ពិសិដ្ឋ ។ ដោយសារតែហេតុនេះហើយទើបថ្នាក់ដឹកនាំត្រូវរក្សាព័ត៌មានអំពីការហៅ និងការដោះលែងដែលបានស្នើនោះទុកជាការសម្ងាត់ ។
៣០.១.៥
ការចេញអនុសាសន៍ និងការអនុម័តសម្រាប់ការហៅបម្រើទាំងឡាយ
តារាងពីការហៅទាំងឡាយចង្អុលបង្ហាញថា នរណាអាចចេញអនុសាសន៍សម្រាប់ការហៅនីមួយៗ ហើយនរណាជាអ្នកផ្តល់ការអនុម័ត ( សូមមើល ៣០.៨ ) ។
ប៊ីស្សព និងប្រធានស្តេកធ្វើការពិចារណាដោយប្រុងប្រយ័ត្នអំពីអនុសាសន៍នីមួយៗ ដោយទទួលស្គាល់ថា វាត្រូវបានធ្វើឡើងប្រកបដោយការអធិស្ឋាន ។ គណៈប៊ីស្សព ឬគណៈប្រធានស្តេកមានការទទួលខុសត្រូវចុងក្រោយ ដើម្បីទទួលបានការបំផុសគំនិតអំពីអ្នកដែលត្រូវហៅ ។
៣០.២
ការផ្តល់ការហៅ
ការទទួលបានការហៅឲ្យបម្រើ គួរតែជាបទពិសោធន៍ខាងវិញ្ញាណដ៏មានអត្ថន័យមួយសម្រាប់សមាជិកម្នាក់ ។
នៅពេលអ្នកដឹកនាំផ្ដល់ការហៅមួយ នោះគាត់ពន្យល់ថា វាបានមកពីព្រះអម្ចាស់ ។
អ្នកដឹកនាំរូបនេះក៏អាច ៖
-
ពន្យល់ពីគោលបំណង សារៈសំខាន់ និងការទទួលខុសត្រូវនៃការហៅនេះ ។
-
លើកទឹកចិត្តសមាជិកនោះឲ្យស្វែងរកព្រះវិញ្ញាណនៃព្រះអម្ចាស់ក្នុងការបំពេញការហៅបម្រើនោះ ។
-
ថ្លែងទីបន្ទាល់ថា ព្រះអម្ចាស់នឹងជួយដល់សមាជិកនោះ ហើយនឹងប្រទានពរដល់គាត់សម្រាប់ការបម្រើដោយស្មោះត្រង់ ។
-
ប្រាប់សមាជិកនោះពីអ្នកដែលនឹងផ្ដល់ការបំពាក់បំប៉ន និងការគាំទ្រដល់ការហៅនេះ ។
-
ប្រាប់សមាជិកនោះអំពីការប្រជុំនានាដែលគាត់គួរតែចូលរួម និងអំពីធនធានទាំងឡាយដែលមាន ។
៣០.៣
ការគាំទ្រសមាជិកចំពោះការហៅទាំងឡាយ
អ្នកដែលត្រូវបានហៅឲ្យកាន់តំណែងក្នុងសាសនាចក្រភាគច្រើន គួរតែឧទ្ទេសនាមសម្រាប់ការគាំទ្រ មុនពេលពួកគេចាប់ផ្តើមបម្រើ ( សូមមើល គោលលទ្ធិ និងសេចក្ដីសញ្ញា ២៨:១៣; ៤២:១១ ) ។
បុគ្គលដែលដឹកនាំការគាំទ្រនេះប្រកាសពីអ្នកដែលត្រូវដោះលែងពីតំណែងនេះជាមុនសិន ( ប្រសិនបើមាន ) ។ គាត់អញ្ជើញសមាជិកទាំងឡាយឲ្យសម្ដែងការអរគុណដល់ការបម្រើរបស់បុគ្គលនេះ ( សូមមើល ៣០.៦ ) ។
នៅពេលធ្វើឧទ្ទេសនាមបុគ្គលមួយរូបសម្រាប់ការគាំទ្រ នោះអ្នកដឹកនាំបព្វជិតភាពដែលមានសិទ្ធិអំណាច អញ្ជើញឲ្យគាត់ក្រោកឈរឡើង ។ អ្នកដឹកនាំនោះអាចប្រើពាក្យពេចន៍ដូចតទៅនេះបាន ៖
« [ ឈ្មោះ ] ត្រូវបានហៅឲ្យធ្វើជា [ តំណែង ] ។ អ្នកទាំងឡាយដែលគាំទ្រ [ គាត់ ] សូមបង្ហាញដោយការលើកដៃ ។ [ សូមផ្អាកបន្ដិចសិន ] ។ ប្រសិនបើមានអ្នកណាដែលជំទាស់ ក៏សូមបង្ហាញដោយការលើកដៃផងដែរ ។ [ សូមផ្អាកបន្ដិចសិន ] » ។
ប្រសិនបើសមាជិកមានគោលជំហរល្អមួយរូបលើកដៃជំទាស់ការហៅនោះ នោះអ្នកដឹកនាំជាអធិបតី ឬអ្នកកាន់តំណែងបព្វជិតភាពដែលបានចាត់តាំងម្នាក់ទៀត ជួបជាមួយគាត់ ឬនាងជាលក្ខណៈឯកជនបន្ទាប់ពីការប្រជុំនោះ ។
៣០.៤
ការញែកចេញសមាជិកឲ្យបម្រើនៅក្នុងការហៅទាំងឡាយ
សម្រាប់ព័ត៌មានបន្ថែម សូមមើល ១៨.១១ ។
៣០.៦
ការដោះលែងសមាជិកពីការហៅទាំងឡាយ
នៅពេលប្រធាន ឬប៊ីស្សពម្នាក់ត្រូវបានដោះលែង នោះទីប្រឹក្សារបស់គាត់ត្រូវបានដោះលែងដោយស្វ័យប្រវត្តិ ។
ការដោះលែងគឺជាឱកាសដ៏សំខាន់មួយសម្រាប់អ្នកដឹកនាំ ដើម្បីសម្ដែងការដឹងគុណ និងទទួលស្គាល់ព្រះហស្ដរបស់ព្រះនៅក្នុងការបម្រើរបស់សមាជិកនោះ ។ ថ្នាក់ដឹកនាំជួបជាមួយនឹងសមាជិកដោយផ្ទាល់ ដើម្បីជូនដំណឹងដល់គាត់អំពីការដោះលែង មុនពេលគាត់ប្រកាសវាជាសាធារណៈ ។ មានតែអ្នកដែលត្រូវដឹងប៉ុណ្ណោះ ទើបទទួលបានការជូនដំណឹងអំពីការដោះលែងមួយ ពីមុនវាត្រូវប្រកាស ។
អ្នកដឹកនាំបព្វជិតភាពដែលមានសិទ្ធិអំណាច ប្រកាសពីការដោះលែងនេះនៅក្នុងមជ្ឈដ្ឋានដូចគ្នានឹងពេលដែលបុគ្គលនេះត្រូវបានគាំទ្រដែរ ។ អ្នកដឹកនាំនោះអាចប្រើពាក្យពេចន៍ដូចតទៅនេះបាន ៖
« [ ឈ្មោះ ] ត្រូវបានដោះលែងពី [ តំណែង ] ។ អ្នកទាំងឡាយដែលចង់សម្ដែងការដឹងគុណសម្រាប់ការបម្រើ [ របស់គាត់ ] សូមបង្ហាញដោយការលើកដៃ » ។
អ្នកដឹកនាំមិនសួរថា តើមានការបដិសេធឬអត់នោះឡើយ ។
៣០.៨
តារាងពីការហៅទាំងឡាយ
៣០.៨.១
|
ការហៅ |
បានចេញអនុសាសន៍ដោយ |
បានអនុម័តដោយ |
បានគាំទ្រដោយ |
បានហៅ និងញែកចេញដោយ |
|---|---|---|---|---|
ការហៅ | បានចេញអនុសាសន៍ដោយ គណៈប្រធានស្តេក ដោយប្រើ ធ.ថ.ស. | បានអនុម័តដោយ គណៈប្រធានទីមួយ និងកូរ៉ុមនៃពួកដប់ពីរនាក់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក បន្ទាប់ពីទទួលបានការអនុម័តមកពីគណៈប្រធានទីមួយ |
ការហៅ | បានចេញអនុសាសន៍ដោយ ប៊ីស្សព | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក ឬទីប្រឹក្សា ឬទីប្រឹក្សាជាន់ខ្ពស់ដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក ឬទីប្រឹក្សា ឬទីប្រឹក្សាជាន់ខ្ពស់ដែលបានចាត់តាំង |
ការហៅ | បានចេញអនុសាសន៍ដោយ គណៈប្រធានស្តេក ( ដោយពិគ្រោះគ្នាជាមួយប៊ីស្សព ) | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក |
ការហៅ | បានចេញអនុសាសន៍ដោយ ប្រធានកូរ៉ុម ( ដោយពិគ្រោះគ្នាជាមួយប៊ីស្សព ) | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ | បានគាំទ្រដោយ សមាជិកវួដ | បានហៅ និងញែកចេញដោយ ប្រធានស្តេក ឬទីប្រឹក្សា ឬទីប្រឹក្សាជាន់ខ្ពស់ដែលបានចាត់តាំង |
ការហៅ ការហៅផ្សេងទៀតនៅក្នុងកូរ៉ុមអែលឌើរ | បានចេញអនុសាសន៍ដោយ គណៈប្រធានកូរ៉ុម | បានអនុម័តដោយ គណៈប៊ីស្សព | បានគាំទ្រដោយ សមាជិកកូរ៉ុម | បានហៅ និងញែកចេញដោយ ប្រធានកូរ៉ុម ឬទីប្រឹក្សាដែលបានចាត់តាំង |
ការហៅ ប្រធានអង្គការវួដ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព |
ការហៅ ទីប្រឹក្សានៅក្នុងគណៈប្រធានអង្គការវួដ | បានចេញអនុសាសន៍ដោយ ប្រធានអង្គការ | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ ការហៅផ្សេងទៀតនៅក្នុងសមាគមសង្គ្រោះ យុវនារី អង្គការបឋមសិក្សា និងសាលាថ្ងៃអាទិត្យក្នុងវួដ | បានចេញអនុសាសន៍ដោយ គណៈប្រធានអង្គការ | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព ( ដោយពិគ្រោះគ្នាជាមួយប្រធានកូរ៉ុមអែលឌើរ និងប្រធានសមាគមសង្គ្រោះ ) | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព ឬប្រធានកូរ៉ុមអែលឌើរ និងប្រធានសមាគមសង្គ្រោះ | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព ( ដោយពិគ្រោះគ្នាជាមួយប្រធានកូរ៉ុមអែលឌើរ និងប្រធានសមាគមសង្គ្រោះ ) | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ ប៊ីស្សព ( ដែលជាប្រធានកូរ៉ុមសង្ឃ ) | បានអនុម័តដោយ គណៈប៊ីស្សព | បានគាំទ្រដោយ សមាជិកកូរ៉ុម | បានហៅ និងញែកចេញដោយ ប៊ីស្សព |
ការហៅ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប៊ីស្សព | បានគាំទ្រដោយ សមាជិកកូរ៉ុម | បានហៅ និងញែកចេញដោយ បានហៅដោយប៊ីស្សព ឬទីប្រឹក្សាដែលបានចាត់តាំង ហើយបានញែកចេញដោយប៊ីស្សព |
ការហៅ ទីប្រឹក្សានៅក្នុងគណៈប្រធានកូរ៉ុមគ្រូ និងគណៈប្រធានកូរ៉ុមឌីកុន និងលេខាកូរ៉ុម | បានចេញអនុសាសន៍ដោយ ប្រធានកូរ៉ុម | បានអនុម័តដោយ គណៈប៊ីស្សព | បានគាំទ្រដោយ សមាជិកកូរ៉ុម | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ គណៈប៊ីស្សព ( ពិគ្រោះគ្នាជាមួយគណៈប្រធានយុវនារី ) | បានអនុម័តដោយ គណៈប៊ីស្សព | បានគាំទ្រដោយ សមាជិកថ្នាក់ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ | បានចេញអនុសាសន៍ដោយ ប្រធានថ្នាក់ | បានអនុម័តដោយ គណៈប៊ីស្សព | បានគាំទ្រដោយ សមាជិកថ្នាក់ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ អ្នកបកប្រែប្រសិនបើត្រូវការ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
ការហៅ ការហៅផ្សេងទៀតក្នុងវួដ | បានចេញអនុសាសន៍ដោយ គណៈប៊ីស្សព | បានអនុម័តដោយ គណៈប៊ីស្សព | បានគាំទ្រដោយ សមាជិកវួដ | បានហៅ និងញែកចេញដោយ ប៊ីស្សព ឬទីប្រឹក្សាដែលបានចាត់តាំង |
៣០.៨.២
|
ការហៅ |
បានចេញអនុសាសន៍ដោយ |
បានអនុម័តដោយ |
បានគាំទ្រដោយ |
បានហៅ និងញែកចេញដោយ | ||||||||||||
|---|---|---|---|---|---|---|---|---|---|---|---|---|---|---|---|---|
ការហៅ | បានចេញអនុសាសន៍ដោយ គណៈប្រធានស្ដេក គណៈប្រធានបេសកកម្ម ឬគណៈប្រធានមណ្ឌល | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ ឬគណៈប្រធានបេសកកម្ម | បានគាំទ្រដោយ សមាជិកសាខា | បានហៅ និងញែកចេញដោយ ប្រធានស្ដេក ឬប្រធានបេសកកម្ម ( ឬប្រធានមណ្ឌល ប្រសិនបើបានចាត់តាំង ) | ||||||||||||
ការហៅ | បានចេញអនុសាសន៍ដោយ ប្រធានសាខា | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ ឬគណៈប្រធានបេសកកម្ម ( ឬនៅពេលដែលមានការផ្ដល់សិទ្ធិអំណាចមកពីប្រធានបេសកកម្ម គណៈប្រធានមណ្ឌល ) | បានគាំទ្រដោយ សមាជិកសាខា | បានហៅ និងញែកចេញដោយ ប្រធានស្តេក ប្រធានបេសកកម្ម ឬប្រធានមណ្ឌល ឬទីប្រឹក្សាដែលបានចាត់តាំង | ||||||||||||
ការហៅ | បានចេញអនុសាសន៍ដោយ គណៈប្រធានសាខា | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ ឬគណៈប្រធានបេសកកម្ម ( ឬនៅពេលដែលមានការផ្ដល់សិទ្ធិអំណាចមកពីប្រធានបេសកកម្ម គណៈប្រធានមណ្ឌល ) | បានគាំទ្រដោយ សមាជិកសាខា | បានហៅ និងញែកចេញដោយ ប្រធានស្តេក ឬទីប្រឹក្សា ឬទីប្រឹក្សាជាន់ខ្ពស់ដែលបានចាត់តាំង ( សម្រាប់សាខានៅក្នុងស្ដេក ) ប្រធានមណ្ឌល ឬអ្នកដឹកនាំបព្វជិតភាពដែលគាត់ចាត់តាំង ( សម្រាប់សាខានៅក្នុងបេសកកម្ម ) | ||||||||||||
ការហៅ | បានចេញអនុសាសន៍ដោយ គណៈប្រធានស្ដេក គណៈប្រធានមណ្ឌល ឬគណៈប្រធានបេសកកម្ម ( ដោយពិគ្រោះគ្នាជាមួយប្រធានសាខា ) | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ ឬគណៈប្រធានបេសកកម្ម ( ឬនៅពេលដែលមានការផ្ដល់សិទ្ធិអំណាចមកពីប្រធានបេសកកម្ម គណៈប្រធានមណ្ឌល ) | បានគាំទ្រដោយ សមាជិកសាខា | បានហៅ និងញែកចេញដោយ ប្រធានស្ដេក ឬប្រធានបេសកកម្ម ( ឬប្រធានមណ្ឌល ប្រសិនបើបានចាត់តាំង ) | ||||||||||||
ការហៅ | បានចេញអនុសាសន៍ដោយ ប្រធានកូរ៉ុម ( ដោយពិគ្រោះជាមួយប្រធានសាខា ) | បានអនុម័តដោយ គណៈប្រធានស្តេក និងក្រុមប្រឹក្សាជាន់ខ្ពស់ ឬគណៈប្រធានបេសកកម្ម ( ឬនៅពេលដែលមានការផ្ដល់សិទ្ធិអំណាចមកពីប្រធានបេសកកម្ម គណៈប្រធានមណ្ឌល ) | បានគាំទ្រដោយ សមាជិកសាខា | បានហៅ និងញែកចេញដោយ ប្រធានស្ដេក ឬប្រធានបេសកកម្ម ឬទីប្រឹក្សា ឬទីប្រឹក្សាជាន់ខ្ពស់ដែលបានចាត់តាំង ( ឬប្រធានមណ្ឌល ឬអ្នកដឹកនាំបព្វជិតភាពម្នាក់ទៀត ប្រសិនបើបានចាត់តាំង ) | ||||||||||||
ការហៅ ការហៅផ្សេងទៀតនៅក្នុងសាខា | បានចេញអនុសាសន៍ដោយ សូមមើល ៣០.៨.១ ដោយជំនួសពាក្យ ប្រធានសាខា សម្រាប់ ប៊ីស្សព និងពាក្យ សាខា សម្រាប់ វួដ ។ | បានអនុម័តដោយ សូមមើល ៣០.៨.១ ដោយជំនួសពាក្យ ប្រធានសាខា សម្រាប់ ប៊ីស្សព និងពាក្យ សាខា សម្រាប់ វួដ ។ | បានគាំទ្រដោយ សូមមើល ៣០.៨.១ ដោយជំនួសពាក្យ ប្រធានសាខា សម្រាប់ ប៊ីស្សព និងពាក្យ សាខា សម្រាប់ វួដ ។ | បានហៅ និងញែកចេញដោយ សូមមើល ៣០.៨.១ ដោយជំនួសពាក្យ ប្រធានសាខា សម្រាប់ ប៊ីស្សព និងពាក្យ សាខា សម្រាប់ វួដ ។ | ||||||||||||