« ១៥. ថ្នាក់សិក្ខាសាលា និងថ្នាក់វិទ្យាស្ថានសាសនា » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ១៥. ថ្នាក់សិក្ខាសាលា និងថ្នាក់វិទ្យាស្ថាននៃសាសនា » ជម្រើសចេញមកពីក្បួនខ្នាតទូទៅ
១៥.
ថ្នាក់សិក្ខាសាលា និងថ្នាក់វិទ្យាស្ថាននៃសាសនា
១៥.០
សេចក្ដីផ្ដើម
ថ្នាក់សិក្ខាសាលា និងថ្នាក់វិទ្យាស្ថានសាសនា ( ស&វ ) ជួយឪពុកម្ដាយ និងថ្នាក់ដឹកនាំសាសនាចក្រដើម្បីជួយយុវវ័យ និងយុវមជ្ឈិមវ័យឲ្យកាន់តែផ្លាស់ប្រែចិត្ត ជឿខ្លាំងទៅលើព្រះយេស៊ូវគ្រីស្ទ និងដំណឹងល្អដែលបានស្ដារឡើងវិញរបស់ទ្រង់ ។
អ្នកតំណាងផ្នែក ស&វ ម្នាក់ត្រូវបានចាត់ឲ្យទៅកាន់ស្តេកនីមួយៗដើម្បីជួយថ្នាក់ដឹកនាំឲ្យគ្រប់គ្រងកម្មវិធី ស&វ ។
១៥.១
ថ្នាក់សិក្ខាសាលា
ថ្នាក់សិក្ខាសាលាគឺជាកម្មវិធីសិក្សាបួនឆ្នាំ ដែលយុវវ័យសិក្សាដំណឹងល្អរបស់ព្រះយេស៊ូវគ្រីស្ទ ដូចដែលមាននៅក្នុងព្រះគម្ពីរ និងការបង្រៀនរបស់ពួកព្យាការីថ្ងៃចុងក្រោយ ។ ជាទូទៅ សិស្សថ្នាក់សិក្ខាសាលាមានអាយុពី ១៤–១៨ ឆ្នាំ ។
ថ្នាក់រៀនទាំងឡាយត្រូវចូលរៀននៅថ្ងៃធ្វើការនៅពេលសាលាចូលរៀន ។ ចំនួនថ្ងៃដែលថ្នាក់សិក្ខាសាលាបង្រៀននៅសប្តាហ៍នីមួយៗអាចសម្របទៅតាមលក្ខខណ្ឌក្នុងមូលដ្ឋាន ។ ( សូមមើល ជម្រើសថ្នាក់សិក្ខាសាលា សម្រាប់ព័ត៌មានបន្ថែម ) ។
គណៈប៊ីស្សព ថ្នាក់ដឹកនាំយុវវ័យ និងគណៈប្រធានកូរ៉ុម ព្រមទាំងគណៈប្រធានថ្នាក់លើកទឹកចិត្តយុវវ័យគ្រប់រូបឲ្យចូលរួមយ៉ាងសកម្មនៅក្នុងថ្នាក់សិក្ខាសាលា ។
១៥.១.១
គ្រូបង្រៀន
គ្រូបង្រៀនថ្នាក់សិក្ខាសាលា គួរតែជាសមាជិកសាសនាចក្រដែលមានសេចក្ដីជំនឿលើព្រះអម្ចាស់ព្រះយេស៊ូវគ្រីស្ទ ហើយមានទីបន្ទាល់មួយអំពីដំណឹងល្អដែលបានស្ដារឡើងវិញរបស់ទ្រង់ ។ ពួកគេគួរតែរស់នៅតាមគោលការណ៍ដែលពួកគេបង្រៀន ហើយធ្វើការចុះសម្រុងគ្នាជាមួយនឹងយុវវ័យ ។ នៅពេលដែលអាចធ្វើទៅបាន គ្រូបង្រៀនគួរតែមានប័ណ្ណចូលព្រះវិហារបរិសុទ្ធមានសុពលភាព ។
សមាជិកមួយរូបនៃគណៈប្រធានស្តេក ឬទីប្រឹក្សាជាន់ខ្ពស់ដែលបានចាត់តាំង ធ្វើការហៅ ធ្វើពិធីញែកចេញ និងដោះលែងគ្រូបង្រៀនថ្នាក់សិក្ខាសាលាក្នុងស្តេក និង អ្នកគ្រប់គ្រងក្នុងស្តេក ។
ដើម្បីការពារគ្រូបង្រៀន និងសិស្ស នោះមជ្ឈិមវ័យពីរនាក់គួរតែមានវត្តមាននៅក្នុងអគារ ឬផ្ទះដែលថ្នាក់សិក្ខាសាលាមួយត្រូវបានបង្រៀន ។
១៥.១.២
អគារ សម្ភារ និងគ្រឿងផ្គត់ផ្គង់
ថ្នាក់ដឹកនាំស្ដេក និងវួដត្រូវប្រាកដថា ទីតាំងទាំងឡាយ ដូចជាសាលាប្រជុំ ឬផ្ទះរបស់សមាជិកនៅទំនេរសម្រាប់ថ្នាក់សិក្ខាសាលា ។
អ្នកតំណាង ស&វ ផ្ដល់ឯកសារដល់គ្រូបង្រៀន និងសិស្សសម្រាប់ថ្នាក់នីមួយៗ ។ សិស្សគួរប្រើព្រះគម្ពីរផ្ទាល់ខ្លួនរបស់ពួកគេ ជាព្រះគម្ពីរបោះពុម្ព ឬជាឌីជីថល ។
១៥.១.៤
ក្រេដីឌ និងការបញ្ចប់ការសិក្សា
សិស្សថ្នាក់សិក្ខាសាលាអាចរៀនកាន់តែមានប្រសិទ្ធភាព ហើយធ្វើឲ្យការប្រែចិត្តជឿរបស់ពួកគេកាន់តែស៊ីជម្រៅ ប្រសិនបើពួកគេចូលរៀនជាទៀងទាត់ ហើយសិក្សាបទគម្ពីរនៅក្រៅថ្នាក់រៀន ។ នៅពេលពួកគេធ្វើរឿងទាំងនេះ នោះពួកគេក៏ទទួលបានក្រេដីឌសម្រាប់ថ្នាក់សិក្ខាសាលាជារៀងរាល់ឆ្នាំ ហើយអាចបញ្ចប់ការសិក្សាថ្នាក់សិក្ខាសាលាបានផងដែរ ។
ដើម្បីបញ្ចប់ការសិក្សាពីថ្នាក់សិក្ខាសាលា សិស្សម្នាក់ត្រូវតែទទួលក្រេដីឌដែលរៀនរយៈពេលបួនឆ្នាំ ហើយទទួលបានការចារយល់ព្រមខាងបព្វជិតភាពពីសមាជិកម្នាក់នៃគណៈប៊ីស្សព ។
១៥.២
ថ្នាក់វិទ្យាស្ថាន
ថ្នាក់វិទ្យាស្ថានផ្ដល់ថ្នាក់សិក្សាដំណឹងល្អនៅថ្ងៃធម្មតា ដែលពង្រឹងសេចក្ដីជំនឿ និងទីបន្ទាល់លើព្រះយេស៊ូវគ្រីស្ទ និងដំណឹងល្អរបស់ទ្រង់ដែលបានស្ដារឡើងវិញ ។ ថ្នាក់ដឹកនាំស្ដេកត្រូវប្រាកដថាថ្នាក់វិទ្យាស្ថានមានសម្រាប់យុវមជ្ឈិមវ័យនៅលីវទាំងអស់ដែលមានអាយុ ១៨–៣០ ឆ្នាំ ។
យុវមជ្ឈិមវ័យនៅលីវទាំងអស់ត្រូវបានលើកទឹកចិត្តឲ្យចូលរៀនថ្នាក់វិទ្យាស្ថាន ទោះបីជាពួកគេនៅសិក្សា ឬអត់ក្ដី ។
១៥.៣
សាលារៀនរបស់សាសនាចក្រ និងប្រព័ន្ធអប់រំសាសនាចក្រ
សម្រាប់ព័ត៌មានស្ដីពីសាលាបឋមសិក្សា និងអនុវិទ្យាល័យសាសនាចក្រ BYU–Pathway Worldwide និងស្ថាប័នឧត្តមសិក្សា សូមមើល CES.ChurchofJesusChrist.org ។ ព័ត៌មានអំពីការបំពេញការចារយល់ព្រមខាងបព្វជិតភាព ដើម្បីសិស្សចូលរៀនសាលាទាំងនេះបានក៏ត្រូវបានផ្ដល់ជូននៅទីនោះផងដែរ ។
បន្ថែមពីលើនេះទៀត ព័ត៌មានអំពីការបញ្ជាក់មកពីបព្វជិតសម្រាប់ការងារតាមប្រព័ន្ធ ស៊ី.អ៊ី.អេស ការិយាល័យបញ្ជាក់ខាងបព្វជិត អាចរកបាននៅគេហទំព័រ help.ChurchofJesusChrist.org ។