« ១២. អង្គការបឋមសិក្សា » ជម្រើសចេញមកពីក្បួនខ្នាតទូទៅ ( ឆ្នាំ២០២៣ ) ។
« ១២. អង្គការបឋមសិក្សា » ជម្រើសចេញមកពីក្បួនខ្នាតទូទៅ
១២.
អង្គការបឋមសិក្សា
១២.១
គោលបំណង និងអង្គការ
អង្គការបឋមសិក្សាជួយបុត្រាបុត្រីរបស់ព្រះឲ្យរៀបចំខ្លួនដើម្បីត្រឡប់ទៅទីវត្តមានរបស់ទ្រង់វិញ ។
១២.១.១
គោលបំណង
អង្គការបឋមសិក្សាជួយដល់កុមារឲ្យ ៖
-
ទទួលអារម្មណ៍នូវសេចក្ដីស្រឡាញ់របស់ព្រះវរបិតាសួគ៌ ហើយរៀនអំពីផែនការនៃសុភមង្គលរបស់ទ្រង់ ។
-
រៀនសូត្រអំពីព្រះយេស៊ូវគ្រីស្ទ និងតួនាទីរបស់ទ្រង់នៅក្នុងផែនការរបស់ព្រះវរបិតាសួគ៌ ។
-
រៀនសូត្រ និងរស់នៅតាមដំណឹងល្អរបស់ព្រះយេស៊ូវគ្រីស្ទ ។
-
ទទួលអារម្មណ៍ ទទួលស្គាល់ និងធ្វើតាមព្រះចេស្ដានៃព្រះវិញ្ញាណបរិសុទ្ធ ។
-
រៀបចំខ្លួន ចុះសេចក្ដីសញ្ញា និងគោរពតាមសេចក្តីសញ្ញាដ៏ពិសិដ្ឋទាំងឡាយ ។
-
ចូលរួមនៅក្នុងកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ ។
១២.១.៣
ថ្នាក់ទារកដ្ឋាន
ថ្នាក់ទារកដ្ឋានជួយកុមារអាយុពី១៨ ខែ ដល់ ៣ ឆ្នាំ ឲ្យទទួលអារម្មណ៍នូវសេចក្ដីស្រឡាញ់របស់ព្រះវរបិតាសួគ៌ ហើយរៀនអំពីផែនការនៃសុភមង្គលរបស់ទ្រង់ ។
១២.១.៤
ថ្នាក់ទាំងឡាយ
នៅពេលមានកុមារគ្រប់គ្រាន់ នោះពួកគេត្រូវបានបែងចែកជាថ្នាក់ផ្អែកតាមអាយុរបស់ពួកគេ ។
ជាទូទៅកុមារឡើងពីថ្នាក់អង្គការបឋមសិក្សាទៅថ្នាក់យុវនារី ឬកូរ៉ុមឌីកុននៅក្នុងខែមករានៃឆ្នាំដែលពួកគេចូលដល់អាយុ ១២ ឆ្នាំ ។
១២.១.៥
ម៉ោងច្រៀងចម្រៀង
ម៉ោងច្រៀងចម្រៀងជួយកុមារឲ្យទទួលអារម្មណ៍នូវសេចក្ដីស្រឡាញ់របស់ព្រះវរបិតាសួគ៌ ហើយរៀនអំពីផែនការនៃសុភមង្គលរបស់ទ្រង់ ។ នៅពេលកុមារច្រៀងអំពីគោលការណ៍នៃដំណឹងល្អ នោះព្រះវិញ្ញាណបរិសុទ្ធថ្លែងទីបន្ទាល់ពីសេចក្ដីពិតពេញលេញនៃគោលការណ៍ទាំងនោះ ។
គណៈប្រធានអង្គការបឋមសិក្សា និងអ្នកដឹកនាំតន្ត្រីជ្រើសរើសចម្រៀងសម្រាប់ខែនីមួយៗ ដើម្បីពង្រឹងគោលការណ៍ដំណឹងល្អដែលកុមារកំពុងរៀននៅក្នុងថ្នាក់ និងនៅឯគេហដ្ឋានរបស់ពួកគេ ។
១២.១.៦
បទបង្ហាញរបស់កុមារនៅក្នុងការប្រជុំសាក្រាម៉ង់
បទបង្ហាញរបស់កុមារនៅក្នុងការប្រជុំសាក្រាម៉ង់ប្រចាំឆ្នាំ ធ្វើឡើងនៅអំឡុងពីរបីខែមុនដំណាច់ឆ្នាំ ។
គណៈប្រធានអង្គការបឋមសិក្សា និងអ្នកដឹកនាំតន្រ្តីដាក់ផែនការពីបទបង្ហាញនេះប្រកបដោយការអធិស្ឋាន ។ គណៈប៊ីស្សពផ្តល់ឲ្យនូវការណែនាំ ។ កុមារអាចច្រៀងចម្រៀង ឡើងនិយាយ និងចែកចាយដំណើររឿង បទគម្ពីរ ឬថ្លែងទីបន្ទាល់ ។
១២.១.៧
ការប្រជុំរៀបចំខ្លួនសម្រាប់ព្រះវិហារបរិសុទ្ធ និងបព្វជិតភាព
គណៈប្រធានអង្គការបឋមសិក្សាដាក់ផែនការធ្វើការប្រជុំរៀបចំខ្លួនសម្រាប់ព្រះវិហារបរិសុទ្ធ និងបព្វជិតភាពជារៀងរាល់ឆ្នាំ ។ គណៈប៊ីស្សពផ្តល់ឲ្យនូវការណែនាំ ។ ការប្រជុំនេះគឺសម្រាប់កុមារអាយុ ១០ ឆ្នាំ ។ ឪពុកម្តាយត្រូវបានអញ្ជើញឲ្យចូលរួម ។
១២.២
ការចូលរួមនៅក្នុងកិច្ចការនៃសេចក្តីសង្រ្គោះ និងភាពតម្កើងឡើងរបស់ព្រះ
១២.២.១
ការរស់នៅតាមដំណឹងល្អរបស់ព្រះយេស៊ូវគ្រីស្ទ
១២.២.១.២
ការរៀនសូត្រដំណឹងល្អ
ការប្រជុំអង្គការបឋមសិក្សានៅថ្ងៃអាទិត្យ ។ សមាជិកមួយរូបនៃគណៈប្រធានអង្គការបឋមសិក្សាដឹកនាំការបើកកម្មវិធី ។
កាលវិភាគគឺមានដូចខាងក្រោមនេះ ៖
|
ផ្នែកនៃការប្រជុំ |
រយៈពេល |
|---|---|
ផ្នែកនៃការប្រជុំ ការបើកកម្មវិធី ( ការអធិស្ឋាន បទគម្ពីរ ឬមាត្រានៃសេចក្តីជំនឿ និងសុន្ទរកថា—កុមារជាអ្នកធ្វើកិច្ចការទាំងអស់នេះ ) | រយៈពេល ៥ នាទី |
ផ្នែកនៃការប្រជុំ ម៉ោងច្រៀងចម្រៀង | រយៈពេល ២០ នាទី |
ផ្នែកនៃការប្រជុំ ការផ្លាស់ប្តូរទៅថ្នាក់ | រយៈពេល ៥ នាទី |
ផ្នែកនៃការប្រជុំ ថ្នាក់ និងការអធិស្ឋានបិទ | រយៈពេល ២០ នាទី |
ថ្នាក់ទារកដ្ឋានសម្រាប់កុមារអាយុ ១៨ខែ ទៅ ៣ ឆ្នាំមានរយៈពេល ៥០ នាទី ។ សៀវភៅ មើលន៍ កូនតូចៗរបស់អ្នករាល់គ្នា ផ្តល់ឲ្យនូវកាលវិភាគដែលបានស្នើ ។
១២.២.១.៣
ការបម្រើ និងសកម្មភាពនានា
នៅដើមខែមករា នៃឆ្នាំដែលពួកគេឈានចូលអាយុ ៨ ឆ្នាំ នោះកុមារអាចចាប់ផ្តើមចូលរួមក្នុងសកម្មភាពអង្គការបឋមសិក្សាបាន ។
សកម្មភាពអង្គការបឋមសិក្សាត្រូវធ្វើឡើងខុសពីថ្ងៃអាទិត្យ ឬល្ងាចថ្ងៃចន្ទ ។
-
សកម្មភាពទាំងឡាយរបស់អង្គការបឋមសិក្សាធ្វើឡើងពីរដងក្នុងមួយខែ នៅពេលដែលអាចធ្វើបាន ។
-
ជាធម្មតា កុមារា និងកុមារីជួបដាច់ដោយឡែកពីគ្នា ។ ទោះជាយ៉ាងណាក្តី ពួកគេអាចចូលរួមគ្នាសម្រាប់សកម្មភាពមួយចំនួន ឬនៅក្នុងទីតាំងដែលមានកុមារតិច ។
គណៈប៊ីស្សពធានាឲ្យបានថាថវិកា និងសកម្មភាពនានាសម្រាប់កុមារា និងកុមារីនៅក្នុងអង្គការបឋមសិក្សាមានភាពគ្រប់គ្រាន់ និងសមភាព ។
១២.២.១.៤
ការអភិវឌ្ឍផ្ទាល់ខ្លួន
នៅក្នុងការខិតខំរបស់ពួកគេដើម្បីប្រែក្លាយកាន់តែដូចជាព្រះអង្គសង្រ្គោះ នោះកុមារ—ចាប់ផ្តើមនៅឆ្នាំ ដែលពួកគេឈានដល់អាយុ ៨ឆ្នាំ—ត្រូវបានអញ្ជើញឲ្យដាក់គោលដៅដើម្បីរីកចម្រើនខាងវិញ្ញាណ ខាងសង្គម ខាងរាងកាយ និងខាងបញ្ញា ( សូមមើល លូកា ២:៥២ ) ។
ពួកគេអាចប្រើ ការអភិវឌ្ឍផ្ទាល់ខ្លួន ៖ សៀវភៅណែនាំកុមារ ដើម្បីកំណត់ និងកត់ត្រាគោលដៅ ។
១២.៣
ថ្នាក់ដឹកនាំអង្គការបឋមសិក្សាវួដ
១២.៣.១
គណៈប៊ីស្សព
ការទទួលខុសត្រូវដ៏សំខាន់បំផុតរបស់ប៊ីស្សពគឺ ត្រូវមើលថែ ជំនាន់ដែលកំពុងពេញវ័យ នៅក្នុងវួដរបស់គាត់ ។ ប៊ីស្សពអាចចាត់ឲ្យទីប្រឹក្សាម្នាក់ជួយនៅក្នុងការទទួលខុសត្រូវរបស់គាត់សម្រាប់អង្គការបឋមសិក្សាបាន ។ ប៊ីស្សព ឬទីប្រឹក្សាដែលបានចាត់តាំងម្នាក់ជួបជាប្រចាំជាមួយប្រធានអង្គការបឋមសិក្សា ។
ប៊ីស្សព និងទីប្រឹក្សារបស់គាត់ចូលរួមក្នុងអង្គការបឋមសិក្សាជាប្រចាំ ។
១២.៣.២
គណៈប្រធានអង្គការបឋមសិក្សា
ប៊ីស្សពហៅ ហើយញែកចេញស្ត្រីមជ្ឈិមវ័យម្នាក់ឲ្យបម្រើជាប្រធានអង្គការបឋមសិក្សាក្នុងវួដ ។
នៅក្នុងអង្គភាពតូចមួយ ប្រធានអង្គការបឋមសិក្សាប្រហែលជាអ្នកដឹកនាំតែម្នាក់គត់ដែលបានហៅនៅក្នុងអង្គការបឋមសិក្សា ។ នៅក្នុងករណីនេះ គាត់ធ្វើការជាមួយនឹងឪពុកម្ដាយដើម្បីរៀបចំមេរៀន ម៉ោងច្រៀងចម្រៀង និងសកម្មភាពនានា ។ ប្រសិនបើអង្គភាពនោះធំល្មមគ្រប់គ្រាន់ នោះអាចមានការហៅបន្ថែមទៀតតាមលំដាប់លំដោយនេះ ៖ ទីប្រឹក្សា អ្នកដឹកនាំភ្លេង គ្រូបង្រៀន និងថ្នាក់ដឹកនាំថ្នាក់ទារកដ្ឋាន លេខា និងថ្នាក់ដឹកនាំសកម្មភាព ។
គណៈប្រធានអង្គការបឋមសិក្សាជួយឪពុកម្ដាយឲ្យរៀបចំកុមារដើម្បីចាប់ផ្ដើមដើរ និងរីកចម្រើននៅលើផ្លូវនៃសេចក្ដីសញ្ញា ។
ដើម្បីសម្រេចការណ៍នេះបាន ប្រធានអង្គការបឋមសិក្សាអាចចាត់សមាជិកម្នាក់ក្នុងគណៈប្រធានរបស់ខ្លួន ឲ្យជួយឪពុកម្ដាយដើម្បីរៀបចំកូនៗរបស់ពួកគាត់ឲ្យទទួលពិធីបុណ្យជ្រមុជទឹក និងពិធីបញ្ជាក់ ។ ប្រធានអង្គការបឋមសិក្សាអាចចាត់សមាជិកម្នាក់ទៀតក្នុងគណៈប្រធានរបស់ខ្លួន ឲ្យជួយឪពុកម្ដាយដើម្បីរៀបចំកូនៗរបស់ពួកគាត់ទៅព្រះវិហារបរិសុទ្ធ និងទទួលបព្វជិតភាព ។
ប្រធានអង្គការបឋមសិក្សាមានការទទួលខុសត្រូវបន្ថែមទៀតដូចខាងក្រោមនេះ ។ ទីប្រឹក្សារបស់គាត់ជួយដល់គាត់ ។
-
បម្រើនៅក្នុងក្រុមប្រឹក្សាវួដ ។
-
ធ្វើការប្រជុំគណៈប្រធានអង្គការបឋមសិក្សាជាទៀងទាត់ ហើយជួបនឹងប៊ីស្សព ឬទីប្រឹក្សាដែលបានចាត់តាំងរបស់គាត់ ។
-
ជួយដាក់ផែនការធ្វើកម្មវិធីបុណ្យជ្រមុជទឹកសម្រាប់កុមារដែលមានកំណត់ត្រា នៅពេលមានការស្នើសុំឲ្យធ្វើដូច្នោះ ( សូមមើល ១៨.៧.២ ) ។
-
ដាក់ផែនការ ហើយដឹកនាំការបើកកម្មវិធីប្រជុំអង្គការបឋមសិក្សានៅថ្ងៃអាទិត្យ ។
-
ធ្វើការងារបម្រើដល់កុមារ គ្រូបង្រៀន និងថ្នាក់ដឹកនាំម្នាក់ៗក្នុងអង្គការបឋមសិក្សា ។
-
បង្រៀនថ្នាក់ដឹកនាំ និងគ្រូបង្រៀនក្នុងអង្គការបឋមសិក្សាពីការទទួលខុសត្រូវរបស់ពួកគេ ហើយគាំទ្រពួកគេនៅក្នុងការទទួលខុសត្រូវទាំងនោះ ដោយណែនាំពួកគេពីការហៅរបស់ពួកគេ ( សូមមើល ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០១៦ ] ទំព័រ ៣៨ ) ។
-
មើលការខុសត្រូវលើកំណត់ត្រា របាយការណ៍ ថវិកា និងហិរញ្ញវត្ថុនៃអង្គការបឋមសិក្សា ។
១២.៣.៤
អ្នកដឹកនាំភ្លេង និងអ្នកលេងព្យាណូ
អ្នកដឹកនាំភ្លេង និងអ្នកលេងព្យាណូបង្រៀនកុមារអំពីដំណឹងល្អនៃព្រះយេស៊ូវគ្រីស្ទ តាមរយៈតន្ត្រីអំឡុងម៉ោងច្រៀងចម្រៀង ។
ប្រសិនបើគ្មានអ្នកលេងព្យាណូ ឬគ្មានព្យាណូទេ នោះថ្នាក់ដឹកនាំអាចប្រើឧបករណ៍ដែលថតទុក ។
១២.៣.៥
គ្រូបង្រៀន និងអ្នកដឹកនាំថ្នាក់ទារកដ្ឋាន
គណៈប្រធានអង្គការបឋមសិក្សាផ្តល់អនុសាសន៍ឲ្យគណៈប៊ីស្សពហៅបុរស និងស្រ្តីមកបម្រើជាគ្រូបង្រៀនក្នុងថ្នាក់អង្គការបឋមសិក្សា និងជាអ្នកដឹកនាំថ្នាក់ទារកដ្ឋាន ។ សមាជិកទាំងនេះត្រូវបានហៅឲ្យបង្រៀន និងផ្ដល់ការងារបម្រើដល់ក្រុមកុមារដែលមានអាយុជាក់លាក់ ។
គ្រូបង្រៀនបឋមសិក្សាបង្រៀនមកពីសៀវភៅ ចូរមកតាមខ្ញុំ ( អាយុ ៣–១១ ឆ្នាំ ) ។
ថ្នាក់ដឹកនាំថ្នាក់ទារកដ្ឋានបង្រៀនចេញមកពីសៀវភៅ មើលន៏ កូនតូចៗរបស់អ្នករាល់គ្នា ។
១២.៣.៦
អ្នកដឹកនាំសកម្មភាព
អ្នកដឹកនាំសកម្មភាពក្នុងអង្គការបឋមសិក្សាផ្ដល់ការងារបម្រើដល់កុមារ នៅពេលពួកគាត់ដាក់ផែនការបម្រើ និងធ្វើសកម្មភាពសម្រាប់កុមារនៅខែមករា នៃឆ្នាំដែលកុមារឈានដល់អាយុ ៨ ឆ្នាំ ( សូមមើល ១២.២.១.៣ ) ។ ការបម្រើ និងសកម្មភាពនានាផ្តោតទៅលើកិច្ចការនៃសេចក្តីសង្រ្គោះ និងភាពតម្កើងឡើង ។ សកម្មភាពទាំងនេះផ្ដល់ភាពសប្បាយរីករាយ និងការចូលរួមចំណែក ។
១២.៥
គោលការណ៍ណែនាំ និងគោលនយោបាយបនែ្ថម
១២.៥.១
ការការពារកុមារ
នៅពេលមជ្ឈិមវ័យប្រាស្រ័យទាក់ទងជាមួយកុមារនៅក្នុងបរិវេណរបស់សាសនាចក្រ យ៉ាងហោចណាស់គួរមានមជ្ឈិមវ័យពីររូបដែលមានការទទួលខុសត្រូវ មានវត្តមាននៅទីនោះ ។
មជ្ឈិមវ័យទាំងអស់ដែលធ្វើការជាមួយកុមារត្រូវតែបញ្ចប់វគ្គបណ្តុះបណ្តាលស្ដីពីការការពារកុមារ និងយុវវ័យអំឡុងពេលមួយខែ ក្រោយពីទទួលបានការគាំទ្រចំពោះការហៅនេះ ( នៅលើគេហទំព័រ ProtectingChildren.ChurchofJesusChrist.org ) ។