Fillorja

Fillorja i ndihmon fëmijët që:

• Të ndiejnë dashurinë e Atit të tyre Qiellor dhe të mësojnë për planin e Tij të lumturisë.

• Të mësojnë rreth Jezu Krishtit dhe rolit të Tij në planin e Atit Qiellor.

• Ta mësojnë dhe ta jetojnë ungjillin e Jezu Krishtit.

• Ta ndiejnë, dallojnë dhe të veprojnë sipas ndikimit të Frymës së Shenjtë.

• Të përgatiten për besëlidhje të shenjta, t’i bëjnë dhe t’i mbajnë ato.

• Të marrin pjesë në veprën e Perëndisë për shpëtimin dhe ekzaltimin.

Çerdhja i ndihmon fëmijët e moshave 18 muajsh deri në 3 vjeç të ndiejnë dashurinë e Atit Qiellor dhe të mësojnë rreth planit të Tij për lumturinë.

Kur ka mjaft fëmijë, ata ndahen në klasa nisur nga mosha e tyre.

Fëmijët në përgjithësi përparojnë nga Fillorja tek Të Rejat ose në kuorumin e dhjakëve në janarin e vitit kur do të mbushin 12 vjeç.

Koha e të kënduarit i ndihmon fëmijët të ndiejnë dashurinë e Atit Qiellor dhe të mësojnë rreth planit të Tij për lumturinë. Kur fëmijët këndojnë për parimet e ungjillit, Fryma e Shenjtë dëshmon për vërtetësinë e tyre.

Presidenca e Fillores dhe udhëheqësi/ja i/e muzikës përzgjedhin këngë për çdo muaj për t’i përforcuar parimet e ungjillit që fëmijët po i mësojnë në klasat e tyre dhe në shtëpi.

Programi vjetor i fëmijëve në mbledhjen e sakramentit zhvillohet në një prej muajve të fundit të vitit.

Presidenca e Fillores dhe udhëheqësi/ja i/e muzikës me lutje planifikojnë programin. Peshkopata jep udhëzime. Fëmijët mund të këndojnë, të japin biseda dhe të tregojnë histori, shkrime të shenjta ose të japin dëshmi.

Presidenca e Fillores planifikon çdo vit një mbledhje të Përgatitjes për Tempullin dhe për Priftërinë. Peshkopata jep udhëzime. Mbledhja është për fëmijët e moshës 10 vjeç. Ftohen prindërit.

Përgjegjësia kryesore e peshkopit është për brezin e ri në lagjen e tij. Peshkopi mund të caktojë një këshilltar për ta ndihmuar në përgjegjësinë e tij për Filloren. Peshkopi ose një këshilltar i caktuar takohet rregullisht me presidenten e Fillores.

Peshkopi dhe këshilltarët e tij e frekuentojnë rregullisht Filloren.

Peshkopi thërret dhe veçon një grua në moshë madhore që të shërbejë si presidente e Fillores së lagjes.

Në një njësi të vogël, presidentja e Fillores mund të jetë udhëheqësja e vetme, e thirrur në Fillore. Në këtë rast, ajo punon me prindërit që të organizojë mësimet, kohën e të kënduarit dhe aktivitetet. Nëse njësia është mjaft e madhe, thirrjet shtesë mund të plotësohen sipas këtij rendi: këshilltaret, udhëheqësi/ja i/e muzikës, mësuesit/et dhe udhëheqësit/et e çerdhes, sekretarja dhe udhëheqësit/et e aktiviteteve.

Presidenca e Fillores i ndihmon prindërit për t’i përgatitur fëmijët që të hyjnë dhe të përparojnë përgjatë shtegut të besëlidhjeve.

Për ta përmbushur këtë, presidentja e Fillores mund të caktojë një anëtare të presidencës që t’i ndihmojë prindërit për t’i përgatitur fëmijët e tyre që të pagëzohen dhe konfirmohen. Presidentja e Fillores mund të caktojë një anëtare tjetër të presidencës për t’i ndihmuar prindërit lidhur me përgatitjen për tempull dhe priftërinë për fëmijët e tyre.

Presidentja e Fillores ka përgjegjësitë e mëtejshme vijuese. Këshilltaret e saj e ndihmojnë atë.

• Të shërbejë në këshillin e lagjes.

• Të zhvillojë rregullisht mbledhjet e presidencës së Fillores dhe të takohet me peshkopin ose këshilltarin e caktuar prej tij.

• Të ndihmojë për të planifikuar shërbesa të pagëzimeve për fëmijët që janë anëtarë prej dokumentit, kur i kërkohet kjo gjë (shihni te 18.7.2).

• Të planifikojë dhe drejtojë hapjen e mbledhjeve të Fillores të dielave.

• T’u japë shërbesë fëmijëve, mësuesve/eve dhe udhëheqëseve veç e veç në Fillore.

• T’u japë mësim udhëheqësve/eve dhe mësuesve/eve të Fillores lidhur me përgjegjësitë e tyre dhe t’i përkrahë ata në përgjegjësitë e tyre duke i orientuar në thirrjet e tyre (shihni te Mësimdhënia sipas Mënyrës së Shpëtimtarit [2016], f. 38).

• Të mbikëqyrë dokumentet, raportet, buxhetin dhe financat e Fillores.

Udhëheqësi/ja i/e muzikës dhe pianisti/ja ua mësojnë fëmijëve ungjillin e Jezu Krishtit nëpërmjet muzikës gjatë kohës së të kënduarit.

Nëse një pianist/e ose piano nuk është në dispozicion, udhëheqësit mund të përdorin regjistrime të këngëve.

Presidenca e Fillores i rekomandon peshkopatës burra e gra që të shërbejnë si mësues/e të Fillores dhe si udhëheqës/e të çerdhes. Këta anëtarë thirren për t’u dhënë mësim dhe shërbesë grupmoshave të caktuara të fëmijëve.

Mësuesit/et e Fillores japin mësim nga programi Eja, Më Ndiq (moshat 3–11).

Udhëheqësit/et e çerdhes japin mësim nga materiali Behold Your Little Ones [Vini Re Të Vegjlit Tuaj].

Udhëheqësit/et e aktiviteteve të Fillores u japin shërbesë fëmijëve ndërkohë që planifikojnë shërbim dhe aktivitete duke filluar nga janari i vitit kur fëmijët mbushin 8 vjeç (shihni te 12.2.1.3). Shërbimi dhe aktivitetet përqendrohen te vepra e shpëtimit dhe e ekzaltimit. Ato janë zbavitëse dhe tërheqëse.

Kur personat në moshë madhore po ndërveprojnë me fëmijët në mjediset e Kishës, duhet të jenë të pranishëm të paktën dy persona të përgjegjshëm në moshë madhore.

Të gjithë personat në moshë madhore që punojnë me fëmijët, duhet ta kryejnë trajnimin për mbrojtjen e fëmijëve dhe rinisë brenda një muaji nga dita e mbështetjes (ProtectingChildren.ChurchofJesusChrist.org).