Kuorumi i Pleqve

Mbledhjet zhvillohen të dielat e dyta dhe të katërta të muajit. Ato zgjatin 50 minuta. Këto mbledhje i planifikon presidenca e kuorumit të pleqve. Një anëtar i presidencës drejton.

Mbledhjet e kuorumit përqendrohen tek temat në një ose më shumë biseda nga konferenca e përgjithshme më e fundit.

Presidencat e kuorumeve të pleqve mund të planifikojnë aktivitete. Shumica e aktiviteteve nuk zhvillohen të dielave ose në mbrëmjet e të hënave.

Anëtarët e kuorumit të pleqve marrin caktime për dhënien e shërbesës nga presidenca e kuorumit. Për më shumë informacion, shihni te kapitulli 21.

Vëllezërit shërbestarë përpiqen t’i kuptojnë dhe t’u përgjigjen nevojave të njerëzve të cilëve u shërbejnë. Anëtarëve mund t’u nevojitet ndihmë afatshkurtër në kohë sëmundjeje, lindjeje, vdekjeje, humbjeje të punësimit dhe rrethana të tjera.

Kur nevojitet, vëllezërit shërbestarë i kërkojnë ndihmë presidencës së kuorumit të pleqve.

Siç bashkërendohen nga peshkopi, presidencat e kuorumit të pleqve dhe të Shoqatës së Ndihmës i ndihmojnë anëtarët për nevojat afatgjata dhe për mbështetjen te vetja.

Presidenti i kuorumit të pleqve, presidentja e Shoqatës së Ndihmës apo një udhëheqës tjetër e ndihmon personin ose familjen që të zhvillojë një Plan të Mbështetjes te Vetja. Vëllezërit ose motrat shërbestare mund të ndihmojnë gjithashtu për planin.

Kur vdes një anëtar/e i/e lagjes, presidencat e kuorumit të pleqve dhe të Shoqatës së Ndihmës ofrojnë ngushëllim e ndihmë. Nën udhërrëfimin e peshkopit, ato mund të ndihmojnë për ceremoninë e varrimit.

Për më shumë informacion, shihni te 38.5.8.

Pasi këshillohet me peshkopin, presidenti i kunjit thërret një plak ose prift të lartë për të shërbyer si president i kuorumit të pleqve.

Nëse njësia është mjaft e madhe, presidenti i kuorumit të pleqve i rekomandon presidentit të kunjit një ose dy pleq apo priftërinj të lartë që të shërbejnë si këshilltarët e tij.

Presidenti i kuorumit të pleqve ka përgjegjësitë vijuese. Këshilltarët e tij e ndihmojnë.

• Shërben në këshillin e lagjes.

• Udhëheq përpjekjet e kuorumit për të marrë pjesë në veprën e shpëtimit dhe të ekzaltimit (shihni te kapitulli 1).

• Organizon dhe mbikëqyr shërbimin e vëllezërve shërbestarë.

• Nën udhërrëfimin e peshkopit, këshillohet me anëtarë në moshë madhore të lagjes.

• Bashkërendon përpjekjet e kuorumit të pleqve për t’i forcuar vëllezërit e rinj në moshë madhore, si të pamartuar dhe të martuar.

• Takohet me secilin anëtar të kuorumit individualisht të paktën një herë në vit.

• U mëson anëtarëve të kuorumit detyrat e tyre të priftërisë (shihni te Doktrina e Besëlidhje 107:89). Kjo përfshin që t’u japë mësim se si ta ushtrojnë priftërinë e tyre në kryerjen e ordinancave dhe bekimeve.

• Mbikëqyr dokumentet, raportet dhe financat e kuorumit (shihni te LCR.ChurchofJesusChrist.org).

Presidenca e kuorumit të pleqve dhe sekretari bëjnë mbledhje rregullisht. Këto mbledhje i drejton presidenti. Herë pas here merr pjesë këshilltari i lartë i caktuar për kuorumin.

Rendi i ditës mund të përfshijë pikat vijuese:

• Të planifikojnë se si t’i forcojnë anëtarët e kuorumit (përfshirë pleqtë e ardhshëm) dhe familjet e tyre.

• Të bashkërendojnë punën misionare, punën në tempull dhe për historinë familjare.

• T’u përgjigjen detyrave nga mbledhjet e këshillit të lagjes.

• Të rishikojnë informacionin nga intervistat për dhënien e shërbesës.

• Të marrin parasysh vëllezër që të shërbejnë në thirrje dhe detyra të caktuara.

• Të planifikojnë mbledhje dhe aktivitete të kuorumit.