Diar Peren rehn Krais

Mehn pilipil pil kesempwal. Mehn pilipil poahsondahsang padahk en rongamwahuo kan wia kahk kei me pahn kahreiong uhk en karaniahla Sahm Nanleng oh Sises Krais. Sises masanih, “Mepwukat koaros me Ih kosoiaiong kumwail ehu, … pwe amwail meren en unsekila” (Sohn 15:11). Sang ni kahk kan Ong Ih, ke pahn karaniahla Ngehno oh amw inou kan Ong Koht pahn kehlail la.

Ahpw e sohte wewehki me ahlo pahn sohte lelohng kahpwal. Eri pwehki sohte me kin alu Nan ahl me inen o, kin ansou koaros tehk iawasa ke kokohla ie oh wauneki sapwelimen Koht kosonned akan. Kolokol amw inou kan Ong Koht, oh kounopada kehn wiahda pil ekei. Inou kan kin kahreda amw ehu Ong Samatail Nanleng oh Sounkomour o. Irail kin kalaudehla sapwelimen Koht manaman Nan amw mour oh kounopada uhkada kehn alehdi mour soutuk.

Mehn pilipil mwahu kan koaros, me keieu kesempwal iei en pilada pilipil en idahwen Sises Krais. Sises Krais me wiakakehlepen me pwulopwul kan. Sapwelime rongamwahuo o iei ahl en pwurala rehn Samatail Nanleng.