Iren Mahsen sang Presidensi Keieu

Se poakohng kumwail oh se kopworopworkin kumwail. Ke iang mih Nan pwungen Sapwelimen Sahm Nanleng seri ngehn pilipilda kei, pekederdo sampah Nan ansou et pwe en wia mehkot kesempwal kei.

E pahn mie ansou kei me ke pahn sohte kehn kehlail oh sohte kak. E mwahute. Ahpw mehlel Nan ansou pwuko, sohpeiong Sounkomouro. Ih me wia “kakehlepen me pwulopwul kan.”

Irair wet pahn sewesei komwi en ahniki poahson kehlail ni amw pahn kin wiahda pilipil en idawehn inou sarawi kan. E pahn sewesei komwi wiahda inou sarawi kan nan tehnpas sarawi, kounopada en wia misin, oh rapahkihda peren en idawehn Sises nan amw mour. Se kopworopworki me ke kehn me ke iang Mwomwodisio en Sounkomouro oh ahneki manaman sang Rehn en kanekehla Sapwelime kosondi Ong kowe.

Se ese me Koht ieias. Se kapakapki me kumwail en kehlail Nan ahl en inou o me pahn kapwurei kumwail rehn Sahm Nanleng. Ni omw wia met, ke pahn ahneki mwekid me mwahu, ehukiwei rongamwahu kapereno oh koukounop sampah Ong Ketido Keriau en Sounkomour o.