Morael er sel llomes er a Dios

Sel mnguu a techolb e ke soiseb er a deureng el telbiil el deluill lobengkel a Chedam er a Babeluades me a Jesus Kristo. Ngara templo, e kau a mo meruul a lmuut el bebil er a telbiil el ngii a sebechel smisichii tial deleuill. Sel bek el sandei er a chedaol belsoil, e kau omekbeches er sel telbilem. Ke ochotii er a rengum el soam el oltirakl a llechul, ea Rubak a omekngeltengat er a techall el moba Chedaol Reng el mo blechoel el kldemem. Tia tara kot el ngarbab el sengk er Ngii el merkau.

A melilt a ungil tekoi a rulii el moungil er kau el mo melchesuar er a Reng. Ng morngii a ungil me a klebechel tekoi er tial beluulechad. El kmal di ua bedengem el kall me a ilumel a ngarngii a relii er ngii, a uldesuem me a reng er kau a lmuut el ngarngii a klou el relii er ngii a monguiu, omomes, me a omorrenges.

Mdedesii a taem el kirel a Rubak er a bek el sils. Mosuub er Ngii. Blechoel melatk er Ngii. Moluluuch el mo er a Demam er a Babeluades. Mosuub er a chedaol llechukl me a tekingir a re kiei el profet. E molasem el kiei loltirakl oblam suub.

Mosiik aikel lungil ra reng, omekellomes, e oleker er a Reng. Mesel molilt aikel bo momes, menguiu, orrenges, malechub e ke mo teloi er ngii, e momdasu el kmo ngerang ke mo melechesiu el kirel. Tiang oleker a ungil uldasu? Mcheridau er a ngii dil ngerang el oltuub chedaol tekoi malechub eng delngerenger. Lak bo moruul a ngiidil ngerang el ngii a nogsengesii a uldesuel lungil lomdasu malechub a momelchesiu er a Reng, el reua klaudechelakl, rrom, me a melemall el kar. Bol meduch a rengum el mekodir a video game, morael tuobed er a movie malechub a ngloik, mngedechii a chelitakl, malechub e bo mikrii a ngii di el ngerang el diak el tabesul ngii me a Reng.

Mousbech er a social media el melekoi a ungil tekoi. A social media a sebechel dongu er a mesisiich el cheldecheduch. Alsekum me ke ousbech er ngii, a osengem bol bedul a llomes, klaumerang, me a klemerang. Lak mongaisisiu er a klengar er kau el mora bebil er a loruul a rechad. Lak mobes el ultutelem a mengai er kau el ngelekel a roungalek er kau er a babeluades, el diak el social media.

Mosiik a ungil omeruul me a merang e meketeket el deliongel. Bom kerekikl me omousbech er a technology me a media eng diak el metechir a chemoit a temem er a bedengem lobengterir a telungalek er kau me a rsechelim. A social media me a bebil er a technology a sebechel nguu a klou el temem el diak a ngera moungil kirem er ngii. Bo molengull er a beluulechad er a melidiul, e bo moak lobengterir a rechad er a meral klengar.

Ng sebechem loba Reng el di blechoel el obengkem. A Chedaol Reng a mo sioning el merkau er a Chedam er a Babeluades me a Jesus Kristo. Ngii a mo mengelaod, omekrael, ouchais, e mengikiid er kau. Ngii a mo ngosukau el mtab a klemerang e mes a ungil er a beluulechad.

Ker me a nger

Ak mekera e momedengei el kmo a kumelchesiu er a Chedaol Reng? A subii el mo medengelii a Reng a mo meketeket, blechoel meruul er ngii, e oba klou el reng. Ngii a mengedecheduch el mora kakerous el chad er a kakerous el teletael. Lak bol chib a medal er a beot el tekoi—a budech el omnguu sel morrenges er a chad lolecholt a klaumerang er ngii malechub a diak lungil er a rengum el momelchesiu er ngii sel ngiltii a cheleuid el tekoi. Mosuub er a chedaol llechukl er a kakerous el teletael el Reng a mengedecheduch, moluluuch el kirel, el molemolem el omes a techall el mo melchesuar a Reng.

Ngera delbeoes el tekoi? Ngera meng kirek el mo cheroid er ngii? A delboes a olecholt, lokiu a siasing malechub a tekoi, el ngii a kldmokl el mo rullau el mo soam lousecheli. A delboes a mei el bekbedengel teletael, uldimukl er a video, siading, hong, me a chelitakl. Ng dirrek el sebechel llechukl malechub eng siading el le kadurokl er a delongelir a re sechelei. A delboes a mes a chedaol—el bedenged me a omelchesiu el sexual—el diak lolengeseches. Ke sebechem el soiseb er a delboes el dimlak er a rengum. Alsekum eng ngarngii ra rengum omes a delboes malechub eng diak, e bom cheroid er ngii el di mereched. Ng locha dirrek el soam el mo mengedecheduch er a rechad ra blim malechub omoumerang er ngii a klou el chad. A meral ngara rengum el omes a delboes a klengit e tomelii a duch er kau el momelchesiu er a Reng. Ng oitechetur a olserechakl rengum e ngodechii a osengem er kau me a rebebil. A Jesus Kristo a oba klisiich el mo ngosukau el mo mesisiich loldngakl a delboes e mouchel er a kngtim. Bo bedul Ngii; e bo mikrii a ilkolk. A bisop er kau a sebechel ngosukau el mo ngmai a klisiich me a klausubes lokiu a Osobel.

Mesa Amos 5:14 (mosiik a ungil); Galatia 5:22–23 (redechel a Reng); Moroni 7:18–19 (llomes er a Kristo); Doctrine and Covenants 6:23 (A Rubak a mengedecheduch a budech); 20:77, 79 (nglunguuch er a chedaol belsoil).

Ker er a kengei el mora templo

A Rubak a dilung el kmo a rokui el tekoi a mo keldmokl e beches er a uchei er Ngii (mesaDoctrine and Covenants 42:41). Ke melasm el mo klikiid a uldesuem me a omrelem? Ke oltirakl er a llach el kirel a klikiid er a tekoi er a deleboes?

Kau ke melasm el mengull er a Chedaol sils, sel om ngara blim me a Ikelesia; e mora rokui el miting; keldmokl el mo melai er a sakrament; e mesmechokl er a klengar kau el oltirakl a llechul ebangkelio?