Meļeļe ko Rekkar

The Office of General Counsel (OGC) em̧ōj an kōmālimi ļaajrak in unin tōl ko n̄an EnglishConnect būrookraam̧ eo. Unin tōl kein renaaj jerbal ipeļaakin laļ in n̄an EnglishConnect 1 im 2, ejelet jabdewōt laļ-kajjojo mennin aikuj ko rekkar rej ellaajrak ilo EnglishConnect ilo tukaduin kōmeļeļe ko rekkar n̄an kajjojo laļ (lale country-specific requirements ilo englishconnect.org/leader/approved-locations).

• Bōk mālim eo an ro jinen im jemān ajri ro kajjojo rej bōk koņaer im 18 iiō rūttoier ak dikļo̧k ilo am̧ kōjerbale peba in mālim an ro jinen im jemān ajri ro. Peba kein rej pād online ilo elōn̄ kajin ko ilo englishconnect.org/resources/leader.

  • Bōk peba in jain eo an jiner im jemāer eļan̄n̄e ekkar. Eļan̄n̄e ewōr juon ej 18 an iiō ak dikļo̧k im ej jokwe ippān make, peba in mālim eo an jinen im jemān ajri eo ejjab menin aikuj.

  • Peba ko rededeļo̧k raikuj in koņ im pād ippān ritōl ro an im aikuj in pād n̄an etali.

• Kōmeļeļeik aikuj eo n̄an an rūkaki ro kadedeļo̧k kamminene eo an Kabun̄ in “Kōjparok Ajri ro im Jodikdik ro.” Ļoore aolep jon̄ok ko an laļ ko n̄an wāween etale im kūr rūkaki ro an jodikdik ro n̄an jabdewōt rūkaki in EnglishConnect ro renaaj katakin jabdewōt ro rej dikļo̧k jān 21 iiō.

• Ejjeļo̧k wōņāān n̄an ro rej bōk koņaer ilo aer pād ilo būrookraam̧ in.

  • Ro rej bōk koņaer ilo EnglishConnect remaron̄ downloadi kein katak ko ilo online ilo ejjeļo̧k wōņāān, ak iunit ko aer remaron̄ wiaki kein katak ko n̄an kurup ko ilo jānōļ in leto letak m̧weiuk ko ilo store.churchofjesuschrist.org. Rein rej bōk koņaer remaron̄ barāinwōt wiaki kein katak ko jān jānōļ eo eļan̄n̄e rekōņaan.

  • Rūkaki in EnglishConnect ro rejjab aikuj im leļo̧k ak ebbōk jāān ak mennin leļo̧k ko āinwōt m̧ōttan wōt jabdewōt jipan̄ ilo kōmeļeļeiki katak ko ak kōtaan jem̧jerā ko ippān ro uwaan EnglishConnect eo.

• Kobaik meļeļe ko kōn kabun̄ in diktata juon m̧ōttan in jilu ilo aolep katak ko. (Meļeļe ko kōn kabun̄ in ren kōm̧m̧an eļapļo̧k jen 20 minit ilo kajjojo awa in katak ko ak 30 minit in kajjojo 90 minit in katak ko.) Kakeememej: Eļan̄n̄e katak ko rej kōm̧m̧an n̄an rijikuuļ ro āinwōt aer kar ejaaki im juon rūkaki ej aolep iien kobaik m̧akūtkūt ko “Ekōnono kōn Pedped in Katakin” ilo iien ekōnono eo an krup, mennin aikuj in enaaj tōprak.

• Ļoore aolep unin tōl ko an būrookraam̧ in im epād ilo Unin Tōl eo n̄an Kōjerbal EnglishConnect im bok in katakin eo an rūkaki, ekoba kōjerbale online registeration system eo QuickReg (quickreg.englishconnect.org) n̄an kōjparok ittiņo̧ in meļeļe ko.

• N̄an bōbrae jorāān n̄an visa ko an mijenede ro ak jekjek eo Kabun̄ in epād ie ilo kien ko an juon laļ, jabdewōt mijen eo ejjan̄in kar kōjerbale kajin Pālle n̄an katakin āinwōt juon wāween katakin eaikuj bōk kajjojo OGC kōmālim m̧okta jān kōjerbale kein katakin ko an EnglishConnect.

EnglishConnect 3 ej jerbal im ejaak jān BYU–Pathway Worldwide. Āindein, ej jerbal ium̧win ejja jekjek ko rōmālim āinwōt BYU–Pathway.

Ilo laļ ko em̧ōj aer kar kōmālimi kareleel kōn EnglishConnect 1 im 2 , stake ko, ward ko, im mijen ko remaron̄ kareleel kake kurup ko an EnglishConnect 1 im 2 n̄an jukjukinpād ko reļļapļo̧k ekkar n̄an jabdewōt unin tōl in kareleel ko an kajjojo laļ (lale mennin aikuj ko an kajjojo laļ ilo englishconnect.org/leader/approved-locations). Kareleel ko rej aikuj kobaik aolep men kein rej ellaajrak:

1. Aorōk in likūt etan Kabun̄ in.

2. Juon ennaan ilo peba ej kwaļo̧k bwe ejjeļo̧k wōņāān EnglishConnect 1 im 2.

3. Juon ennaan ilo peba ej kwaļo̧k bwe EnglishConnect 1 im 2 rejjab kōjerbale jabdewōt accreditation.

EnglishConnect ej juon būrookraam̧ letok jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. Aolep jim̧we ko n̄an kein katakin ko an EnglishConnect rej m̧weien ak mālim jān Intellectual Reserve, Inc, n̄an kōjerbale jān iunit ko an Kabun̄ in āinwōt stake ko, district ko, im mijen ko. Jabdewōt jerbal ko jet an kein katakin ko an EnglishConnect rej aikuj m̧okta kōmālim ilo jeje. N̄an kajjitōk mālim n̄an kōjerbal kein katakin ko an EnglishConnect, jouj im kadedeļo̧k juon peba in kajjitōk mālim ilo Permissions.ChurchofJesusChrist.org.

Kurup ko an EnglishConnect rej aikuj aolep iien ļoore Church policies for protecting youth (eo ekitbuuj ro rej bōk koņaer im rej 18 aer iiō rūtto ak dikļo̧k). Ajri jiddik ro rej aikuj bōk juon peba in kōmālim jān ro jineer im jemāer m̧okta jān aer deļo̧n̄e juon kurup in EnglishConnect. Boom̧ kein rej pād ilo elōn̄ kajin ko ilo online ilo englishconnect.org/resources/leader. Peba ko em̧ōj kanni remaron̄ koņ im pād ippān ritōl ro ijo rej jokwe ie n̄an maron̄ bōnbōn.

Kōnke rūkatak ro an EnglishConnect remaron̄ in kobaik ajri jiddik ro, ritōl ro an Kabun̄ in raikuj intōrpiuki kajoojo rūkaki im etale rekoot eo an membōr eo n̄an lale mo̧ ko ie m̧okta jān leļo̧k juon kūr. N̄an kakobaba, en aikuj wōr ruo rūtto aolep iien ilo an kurup in kweilo̧k. Rūkaki ro rejjab aikuj jerbal-juon ilo̧k-juon ippān ajri ro reddik ilo aer makeļo̧k iaer. Kwoj aikuj ļoore kakien kein men̄e kurup eo ej kweilo̧k ilo online.

EnglishConnect ej juon būrookraam̧ eo letok jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. N̄an meļeļe ko kōn wāween an meļeļe ko an juon armej make kōm̧m̧an, jouj im loļo̧k ChurchofJesusChrist.org im jipped Privacy Notice ilo tulaļtata in peij in.

Aolep ro rej bōk koņaer rej aikuj errā kōn jekjek ko ilo aer bōk koņaer, eo maron̄ loe ilo ChurchofJesusChrist.org/legal/englishconnect-terms-of-participation. Ro rej bōk koņaer rej aikuj in errā electronically kōn jekjek ko karōki n̄an bōk koņaer n̄e juon rikōjjekiik EnglishConnect eo ej kadeļo̧n̄ etaer ilo QuickReg.

Rūkaki ro an EnglishConnect rejjab aikuj likūt pija ko ilo social media an jabdewōt ro rej tutōr ak katakin er.

EnglishConnect eo ejjab leļo̧k jabrewōt kain accreditation, degree, ak iunit kōn jabdewōt jikin jikuuļ ak būrookraam̧ in kaminene ak jikuuļ in kaminene. An juon pepe n̄an bōk koņaan. Ro rej bōk koņaer remaron̄ em̧m̧akūt jān būrookraam̧ eo ak bōjrak jabdewōt iien.