Ewi wāween Aō Tōl juon Iien Ekōnono an Kurup?

Kwonaaj kōjerbale EnglishConnect 1 for Learners ak EnglishConnect 2 for Learners n̄an tōl kurup eo. Kajjojo katak ren ļoor ejja format in:

Karuwainene: Karuwaineneik rūkatak ro im kwaļo̧k kadkad in ro rej bōk koņaer. Ejaake kōtmāne eo bwe kwonaaj kōnono kajin Pālle im karuwainene aolep n̄an kōjerbal kajin Pālle jon̄an wōt maron̄. kwaļo̧k jidik kadkad in unin kōnono eo an katak eo.

Jar: Karuwaineneik juon rūkatak n̄an kōļap anikien an jar. Kajjieon̄ in kāālet juon rūkatak eo ejjab mijak in jar ilo Kajin Pālle. Kwomaron̄ karuwaineneik armej eo n̄an pojak m̧okta ilo an ekkatak “Jar ilo Kajin Pālle” ilo appendix an bok in katakin eo an rūkatak eo.

Pedped in Ekkatak: Riit im ekōnono pedped in ekkatak eo ej pād ilo “Personal Study” (Personal Study) jekjōn eo ilo bok in katakin an rūkatak eo. Kōttōpar eo an pedped eo an ekkatak in ej n̄an karuwaineneik Jetōb ilo am̧ kwaļo̧k im ekkatak ippān doon “jān katak im barāinwōt jān tōmak” (Katak im Bujen Ko 88:118).

Kwaļo̧k wāween kōnono eo kōn pedped eo jān am̧ kwaļo̧k jidik wāween am̧ naaj uwaake juon iaan kajjitōk in kōnono ko. Kōjerbal naan im ennaan ko repidodo.

Karuwaineneik rūkatak ro n̄an kwaļo̧k ļōmņak ko im en̄jake ko n̄an doon. Rūkatak ro remaron̄ in kōnono ilo kajin ko aer make. Eļan̄n̄e em̧m̧an aer en̄jake, rūkatak ro remaron̄ in kāālet n̄an kōjerbal naan ko ak ennaan ko ilo kajin Pālle ilo aer kōnono kaki.

Makūtkūt 1: Tōl rūkatak ro ilo m̧akūtkūt ko ilo “Conversation Group” (Ekōnono eo an Kurup) jekjōn eo an bok in katakin eo an rūkatak eo. Kajjojo m̧akūtkūt ej kepooj rūkatak ro n̄an m̧akūtkūt eo tok juon. Makūtkūt ko rej jipan̄ rūkatak ro eddōkļo̧k jān kamminene ko rej ālij n̄an ejaake kōnono ko aer make.

Ilo m̧akūtkūt 1, jipan̄ rūkatak ro etale naan ko im jon̄ak ko ilo “Personal Study” jekjōn eo an bok in katakin eo an rūkatak eo. Kōttōpar eo ej n̄an kōpooje rūkatak ro n̄an m̧akūtkūt 2 im 3 jān jipan̄ er meļeļe jejjo naan ko raorōk im ba jon̄ak ko.

Makūtkūt 2: Ilo m̧akūtkūt 2, rūkatak ro rej kōjerbale naan ko im jon̄ak ko n̄an kamminene kajjitōk im uwaake kajjitōk ko ippān eo juon m̧ōttam̧ n̄an kōjerbale meļeļe kein kōpooji. Kōttōpar eo ej n̄an rūkatak ro n̄an ejaake elōn̄ jentōj ko ilo kajin Pālle n̄e remaron̄.

Rōjan̄ rūkatak ro n̄an jāniji ro m̧ōttāer n̄an kōļapļo̧k iien kamminene ko. Ilo am̧ kōnono ippān rūkatak ro, kajjieon̄ in kappukot ro rej aikuj bar jipan̄. Kwon rōjan̄ im kōketak.

Makūtkūt 3: Ilo m̧akūtkūt 3, rūkatak ro ewōr juon aer iien em̧m̧an n̄an kōjerbale naan ko im jon̄ak ko n̄an tōpar juon likio in kōnono ilo juon bwebwenato em̧ool in kōm̧m̧an. Kōttōpar eo ej bwe rūkatak ro ren kōm̧m̧ane kōnono ko ewōr tokjāer ilo kajin Pālle.

Rōjan̄ rūkatak ro n̄an jāniji ro m̧ōttāer n̄an leļo̧k n̄an er eļapļo̧k iien kamminene. Ilo jem̧ļo̧kin m̧akūtkūt 3 ļōmņak eo in bwe aolep rūkatak ro ren kōnono kajin Pālle ilo aer jab lale bok in katakin ko aer. Kurup eo ej aikuj kajoor im emouruur ilo iien an rūkatak ro kōnono im kammineneik doon. Ilo am̧ bōk koņaam̧ ippān rūkatak ro, kwomaron̄ kile bwe jet em̧m̧an aer meļeļe im wanlōn̄ļo̧k ilo m̧akūtkūt in. Ļōmņak in leļo̧k ekkatak n̄an rūkatak rein n̄an kam̧wilaļļo̧k aer ekkatak ekoba eļapļo̧k meļeļe ak kōm̧m̧an ejja m̧akutkūt eo wōt ilo juon jekjek eoktak. N̄an waanjon̄ak, n̄e rūkatak ro rej kamminene kōnono ippān juon armej, kajjitōk ippāer n̄an kamminene bwebwenato ko roktak āinwōt ioone juon m̧ōttan ekāāl ak juon an boss ekāāl.

Etale: Jipan̄ rūkatak ro etale eddōkļo̧k im kijejeto ko aer. Jipan̄ er en̄jake tōprak ko aer ilo am̧ kwaļo̧k ta eo remaron̄ kōm̧m̧ane n̄an kōkm̧anm̧anļo̧k. Jipan̄ rūkatak ro kōjerbale “Personal Study Tracker” (Personal Study Tracker) n̄an kōm̧m̧an kōttōar ko n̄an kamminene aolep iien.

Makūtkūt ilo Tōmak n̄an Kamminene Kajin Pālle Aolep Iien: Kōļap anikien ilo an riiti kout eo ippān kūrup eo. Kwaļo̧k am̧ tōmak bwe Irooj emaron̄ jipan̄ er ekkatak kajin Pālle. Karuwaineneiki er n̄an kamminene kajin Pālle aolep iien im m̧aanjabpopo n̄an katak eo tok juon jān kadedeļo̧k “Personal Study” (Katak An Juon Make) m̧akūtkūt ko.

Jar: Karuwaineneik juon rūkatak n̄an bōk juon jar in ikkilōk ilo kajin Pālle. Kāālet juon rūkatak eo ewōr lōke ippān ak juon eo kwaar kajjitōk ippān m̧oktaļo̧k.

Katak ko an EnglishConnect kar ejaaki n̄an kōjerbali im kōmeļeļeik pedped in katak ko n̄an ekkatak kajin eo. Kwonaaj maron̄ tōprak ilo am̧ ļoori katak ko im ejaake juon mejatoto in tōmak, jem̧jerā, im eddōkļo̧k.