Ta Eddo eo an Rūkaki eo?

Rōjan̄ rūkatak ro n̄an kappukot jipan̄ eo im kile jipan̄ eo an Irooj ilo aer ekkatak kajin Pālle. Rōjan̄ er n̄an kōjerbal pedped in ekkatak ko “jān katak im barāinwōt jān tōmak” (Katak im Bujen Ko 88:118). Jipan̄ rūkatak ro en̄jake iakwe eo an Irooj, kajoor, im tūriam̧o ilo mour ko aer. Karuwaineneik er n̄an kwaļo̧k aer en̄jake ekajoor ilo tōmak. Kwaļo̧k en̄jake ko am̧ ilo am̧ bōk jipan̄ jān Irooj. (Lale jekjōn eo ilo “Jipan̄ Rūkatak ro Itok n̄an Jisōs Kraist” jān Katakin ilo Wāween eo an Rilo̧mo̧o̧r [2022].)

Karuwaineneik Jetōb ilo am̧ jipan̄ rūkatak ro iakwe im jipan̄ doon. Jipan̄ er en̄jake iakwe eo an Anij. Ejaake juon mejatoto in karuwainene ijo aolep rūkatak ro rej en̄jake aer uwaanļo̧k wōt juon. Kajjieon̄ jeļā kajjeen rūkatak ro im jipan̄ er jeļā kajjeen doon. Jipan̄ er ejaake lōke āinwōt aer kamminene, kōm̧m̧an bōd ko, im em̧m̧anļo̧k wōnm̧aanļo̧k ippān doon. (Lale m̧ōttan eo “Iakwe Ro Kwoj Katakin Er” jān Katakin ilo Wāween eo an Rilo̧mo̧o̧r [2022].)

Jipan̄ rūkatak bōk tōmak n̄an kamminene kajin Pālle n̄an em̧m̧anļo̧k. Jet rūkatak emaron̄ ejjeļo̧k aer lōke ilo maron̄ ko aer n̄an ekkatak kajin Pālle. Kwomaron̄ jipan̄. N̄e kwoj kōnono kajin Pālle n̄an er, kwoj kwaļo̧k am̧ tōmak bwe Anij emaron̄ jipan̄ er ekkatak. Rōjan̄ rūkatak ro n̄an kōnono kajin Pālle. Nōbar kijejeto ko aer. Jipan̄ rūkatak ro keememej etke rej ekkatak kajin Pālle. Rōjan̄ er n̄an kōm̧m̧ani kōttōpar ko im kamminene kajin Pālle aolep iien. (Lale m̧ōttan eo “Karuwaineneik Niknik Ekkatak” jān Katakin ilo Wāween eo an Rilo̧mo̧o̧r [2022].)