Ta Eo Rūkatak eo ej Kōm̧m̧ane?

Āinwōt juon rūkaki an EnglishConnect, kwoj aikuj in meļeļe ta eo rūkatak ro renaaj kōm̧m̧ane bwe kwon maron̄ jipan̄ er maron̄ tōprak. Rūkatak ro renaaj lukkuun tōprak n̄e renaaj kadedeļo̧k m̧akūtkūt in ekkatak ko aer make, bōk koņaer ilo ekōnono ko an kurup, im ejaake juon imminene in kamminene kajin Pālle aolep raan. Kajjojo katak ilo EnglishConnect 1 for Learners im EnglishConnect 2 for Learners ej ajej ilo ruo m̧ōttan ko: “Personal Study” (Ekkatak an Juon Make) im “Conversation Group” (Ekōnono an Kurup). Etale “Kadkad” eo ilo bok in katakin ko an rūkatak ro an EnglishConnect n̄an an jipan̄ eok meļeļe en̄jake eo an rikatak eo.

pija eo ej kwaļo̧k bwe ekkatak an juon make im kūrup in ekōnono eo ej juon jerbal eo ej ero̧lo̧l.

Kappukot Jeļāļo̧kjeņ jān Katak im barāinwōt jān Tōmak

Pedped in ekatak eo an EnglishConnect ej n̄an jipan̄ rūkatak ro “kappukot jeļāļo̧kijen, em̧ool jān katak im barāinwōt jān tōmak” (Katak im Bujen Ko 88:118). Aolep katak ilo EnglishConnect ej pedped ioon juon pedped an ekkatak. Men kein rej pedped ko an jetōb me rej jipan̄ kōj atartar wōt ippān Irooj n̄an kōļapļo̧k jon̄ak eo ad n̄an ekatak im katakin. Pedped in ekkatak ko remaron̄ jipan̄ kōj meļeļe jibadbad eo ad em̧ool im maron̄ eo an Rilo̧mo̧o̧r n̄an jipan̄ kōj. Pedped in ekkatak ko me jenaaj katak im waanjonak kaki ilo ad ekatak ilo EnglishConnect ekitbuuj:

Kwoj Juon Ajri Nejin Anij

N̄aij juon ajri nejin Anij ewōr an jibadbad im kōttōbar.

(Lale Rom 8:16–17; “Baam̧le Eo: Juon Naan in Kean̄ n̄an Laļ in.”)

Kōjerbal Tōmak ilo Jisōs Kraist

Jisōs Kraist emaron̄ jipan̄ eō kōm̧m̧ane men otemjej ilo aō kōjerbal tōmak ilo E.

(Lale Philipai 4:13; Ether 12:27; Moronai 7:33.)

Bōk Eddo

Ewōr aō kajoor n̄an kāālet, im ij bōk eddo in ekkatak eo aō make.

(Lale 2 Nipai 2:14, 16; Katak im Bujen Ko 58:27–28.)

Iakwe im Katakin Doon

Imaron̄ ekkatak jān Jetōb Kwojarjar eo ilo Aō iakwe, katakin, im ekkatak ippān ro jet.

(Lale Jon 13:34–35; Jon 14:26–27; Katak im Bujen Ko 84:106; 88:77, 122–23.)

Bun̄m̧aanļo̧k Wōt

Kōn jipan̄ eo an Anij, imaron̄ bun̄m̧aanļo̧k wōt men̄e ij ioon apan̄ ko.

(Lale 2 Nipai 31:20; 32:9; Katak im Bujen Ko 50:41–42.)

Kapilōk ippān Irooj

Ij kōkm̧anm̧anļo̧k aō ekkatak kōn kapilōk eo an Anij aolep iien kōn kijejeto ko aō.

(Lale Jabōn Kōnnaan Ko 3:5–6; Matu 7:7–8; Alma 37:37.)

Am̧ Make Ekkatak

M̧okta jān deļo̧n̄e juon ekōnono in kurup , rūkatak ro rej kadedeļo̧k “Personal Study” (Katak an Juon Make) m̧ōttan eo ilo bok in katakin an rukatak eo. Ilo jākjen in, rūkatak eo ej katak juon pedped in ekkatak, kakilōklōke naan ko, im kamminene kōjerbal jon̄ak ko an juon jentōj.

Kakilōklōke naan ko im kammineneiki jon̄ak ko rej m̧akūtkūt ko im rej kōm̧m̧an ilo ekkatak an juon make. Menin ej kōtļo̧k an rikatak ro wājabdik kin wāween ko ilo iien ko aer make.

Kurup in Ekōnono eo

Ilo kurup in ekōnono eo, rūkatak ro rej kadedeļo̧k “Conversation Group” (Kurup in ekōnono) m̧akūtkūt ko ilo bok in katakin an rikatak eo. Jerbal ilo kurup ko reddik ak ippen ruo armej , kōnono kōn juon pedped in ekkatak, etale naan ko im jon̄ak ko an jentōj ko, im kamminene ekōnono. Kajjojo m̧akūtkūt ej kōpoje rūkatak ro n̄an m̧akūtkūt eo tok juon. Ilo jem̧ļo̧kin kajjojo kurup in ekōnono, rūkatak ro rej etale eddōkļo̧k eo aer im kōm̧m̧an kōttōpar ko n̄an kamminene ko aolep raan.

Kamminene Aolep Raan

Bwe en em̧m̧an am̧ ekkatak kajin Pālle, rūkatak ro rej aikuj ejaake juon imminene in kamminene aolep raan. N̄an ejaake imminene in, rūkatak ro rej aikuj pukot wāween ko n̄an kōjerbal kajin Pālle ilo m̧akūtkūt ko aer aolep raan. N̄an waanjon̄ak, n̄e rej ron̄jake al, remaron̄ ron̄jake ilo kajin Pālle. Rūkatak ro remaron̄ barāinwōt kōnono naan ko repidodo ilo kajin Pālle ilo m̧weeo, ak ilo MōnJar eo. (Lale bar m̧eļeļe ko jet ilo mōttan in ilo “Study Suggestions” ilo bok in katakin eo an rūkatak ro ilo EnglishConnect.) Men eo eaorōk n̄an kamminene aolep raan ej n̄an jipan̄ rūkatak ro pukot wāween ko n̄an kōjerbale kajin Pālle ilo iien kamminene ko aer make.

Āinwōt m̧ōttan wōt kamminene eo aer aolep raan, rūkatak ro remaron̄ in kadedeļo̧k kōmeļeļe ko “Personal Study” (Katak an Juon Make) jākjen ilo bok in katakin eo an rūkatak eo. Remaron̄ barāinwōt kadedeļo̧k m̧akūtkūt ko an katak eo im ekkatak ko ilo online ilo englishconnect.org/learner/resources im ilo EnglishConnect 1 Workbook im EnglishConnect 2 Workbook.