« តើការរៀនភាសាអង់គ្លេសមានអត្ថប្រយោជន៍អ្វីខ្លះ ? » មគ្គទេសក៍សិក្សាកម្មវិធី EnglishConnect សម្រាប់ពួកអ្នកផ្សព្វផ្សាយសាសនា
« អត្ថប្រយោជន៍នៃការរៀនភាសាអង់គ្លេស » មគ្គទេសក៍សិក្សាកម្មវិធី ECM
តើការរៀនភាសាអង់គ្លេសមានអត្ថប្រយោជន៍អ្វីខ្លះ ?
ការរៀនភាសាអង់គ្លេសអាចផ្ដល់ពរជ័យដល់អ្នកក្នុងនាមជាអ្នកផ្សព្វផ្សាយសាសនា និងបង្កើនឱកាសសម្រាប់ការបម្រើ ការអប់រំ និងការងារនៅក្រោយបេសកកម្មរបស់អ្នក ។
ការបម្រើ
« ប្រសិនបើអ្នកមិនចេះភាសាអង់គ្លេសទេ អ្នកគួរតែសិក្សាវាក្នុងនាមជាអ្នកផ្សព្វផ្សាយសាសនា ។ ការណ៍នេះនឹងផ្ដល់ពរជ័យដល់អ្នកអំឡុងបេសកកម្មនិងពេញមួយជីវិតរបស់អ្នក » ( ប្រកាសដំណឹងល្អរបស់យើង ទំព័រ ១៣០ ) ។ ការរៀនភាសាអង់គ្លេសក្នុងអំឡុងពេលបេសកកម្មរបស់អ្នកអាចផ្តល់ឱកាសដល់អ្នក និងដៃគូរបស់អ្នកដើម្បីពង្រឹង និងគាំទ្រគ្នាទៅវិញទៅមក ។ « ជួយដៃគូរបស់អ្នកឲ្យដកពិសោធន៍នូវភាពជោគជ័យ ហើយទទួលបានទំនុកចិត្តក្នុងការរៀនភាសាបេសកកម្ម ឬការរៀនភាសាអង់គ្លេស ។ សូមសរសើរដៃគូរបស់អ្នក និងអ្នកផ្សព្វផ្សាយសាសនាផ្សេងទៀតដោយស្មោះ និងឲ្យបានញឹកញាប់ចំពោះការរីកចម្រើនរបស់ពួកគេ » ( ប្រកាសដំណឹងល្អរបស់យើង ទំព័រ ១៣៣ ) ។ នៅពេលអ្នកត្រឡប់មកផ្ទះវិញ អ្នកអាចប្រើជំនាញភាសាអង់គ្លេសរបស់អ្នកដើម្បីជួយអ្នកដទៃ ។ « សូមបន្តប្រើភាសាបេសកកម្មរបស់អ្នកបន្ទាប់ពីអ្នកត្រឡប់ទៅផ្ទះវិញ ។ ព្រះអម្ចាស់បានដាក់ទុនច្រើនណាស់ទៅលើអ្នក ហើយទ្រង់ប្រហែលជាប្រើសមត្ថភាពភាសារបស់អ្នកនៅពេលក្រោយក្នុងជីវិតរបស់អ្នក » ( ប្រកាសដំណឹងល្អរបស់យើង ទំព័រ ១៣០ ) ។
ការអប់រំ
ពួកអ្នកផ្សព្វផ្សាយសាសនាពេញម៉ោងវ័យក្មេងទាំងអស់ដែលបានបញ្ចប់ការបម្រើជាអ្នកផ្សព្វផ្សាយសាសនារបស់ខ្លួន ( រួមទាំងពួកអ្នកផ្សព្វផ្សាយសាសនាផ្នែកផ្សព្វផ្សាយ និងពួកអ្នកផ្សព្វផ្សាយសាសនាផ្នែកសេវាកម្មដែលដោះលែងមុនកំណត់ ) ត្រូវបានអនុម័តជាមុនឲ្យរៀននៅ BYU–Pathway Worldwide និងទទួលបាន ការបញ្ចុះតម្លៃសិក្សា ។ នៅពេលពួកអ្នកផ្សព្វផ្សាយសាសនាបញ្ចប់វគ្គសិក្សា EnglishConnect កម្រិត៣ តាមអនឡាញ ឬការវាយតម្លៃផ្នែកភាសាអង់គ្លេសបានពិន្ទុល្អ នោះពួកគេមិនចាំបាច់ធ្វើការវាយតម្លៃដើម្បីបានចូលរៀនភាសាអង់គ្លេសក្នុងកម្មវិធីសិក្សា BYU-Pathway Worldwide ទៀតនោះទេ ។ BYU-Pathway គឺជាកម្មវិធីសាកលវិទ្យាល័យដែលផ្តល់វិញ្ញាបនបត្រ និងសញ្ញាបត្រតាមអនឡាញ ។
ការងារ
ការរៀនភាសាអង់គ្លេសអាចបង្កើនឱកាសការងារសម្រាបអ្នក ។ ឱកាសការងារទាំងនេះអាចមានក្នុងស្រុក ឬពីចម្ងាយ ។ នៅក្នុងប្រទេសដែលភាសាអង់គ្លេសមិនមែនជាភាសាចម្បង បុគ្គលដែលនិយាយភាសាអង់គ្លេសបានមានជម្រើសការងារច្រើន និងអាចទទួលបានប្រាក់ខែខ្ពស់ជាងបុគ្គលដែលមិនចេះនិយាយភាសាអង់គ្លេសជាមធ្យម ពី ៣០–៥០ភាគរយ ។
សូមចូលមើល គេហទំព័រ missionary.englishconnect.org ដើម្បីស្វែងយល់បន្ថែម និងចូលប្រើធនធានបន្ថែម ។