« សូមស្វាគមន៍មកកាន់កម្មវិធី EnglishConnect សម្រាប់ពួកអ្នកផ្សព្វផ្សាយសាសនា » មគ្គទេសក៍សិក្សាកម្មវិធី EnglishConnect សម្រាប់ពួកអ្នកផ្សព្វផ្សាយសាសនា
« សូមស្វាគមន៍ » មគ្គទេសក៍សិក្សាកម្មវិធី ECM
សូមស្វាគមន៍មកកាន់កម្មវិធី EnglishConnect សម្រាប់ពួកអ្នកផ្សព្វផ្សាយសាសនា
« ប្រសិនបើអ្នកមិនចេះភាសាអង់គ្លេសទេ អ្នកគួរតែសិក្សាវាក្នុងនាមជាអ្នកផ្សព្វផ្សាយសាសនា ។ ការណ៍នេះនឹងផ្ដល់ពរជ័យដល់អ្នកអំឡុងបេសកកម្ម និងពេញមួយជីវិតរបស់អ្នក ។ ការរៀនភាសាអង់គ្លេសក៏នឹងផ្ដល់ពរជ័យដល់គ្រួសាររបស់អ្នកដែរ » ( ប្រកាសដំណឹងល្អរបស់យើង ១៣០ ) ។
គោលបំណង
កម្មវិធី EnglishConnect សម្រាប់ពួកអ្នកផ្សព្វផ្សាយសាសនា ត្រូវបានផ្តល់ជូនដើម្បីជួយអ្នករៀនភាសាអង់គ្លេស « ដោយសារការសិក្សា និងដោយសារសេចក្ដីជំនឿផង » ( គោលលទ្ធិ និងសេចក្ដីសញ្ញា ៨៨:១១៨ ) ។ កម្មវិធីEnglishConnect អាចជួយអ្នក ៖
-
បង្កើនសេចក្តីជំនឿលើព្រះយេស៊ូវគ្រីស្ទ និងព្រះវរបិតាសួគ៌ ។
-
អនុវត្តគោលការណ៍ខាងវិញ្ញាណនៃការរៀនភាសា ។
-
អភិវឌ្ឍជំនាញភាសាអង់គ្លេស ។
ការរៀនភាសាអង់គ្លេសអាចផ្ដល់ពរជ័យដល់អ្នកក្នុងនាមជាអ្នកផ្សព្វផ្សាយសាសនា និងបង្កើនឱកាសសម្រាប់ការបម្រើ ការងារ និងការអប់រំ—រួមទាំងកម្មវិធី BYU-Pathway Worldwide ផងដែរ នៅក្រោយការបញ្ចប់បេសកកម្មរបស់អ្នក ។
សូមមើល « តើការរៀនភាសាអង់គ្លេសមានអត្ថប្រយោជន៍អ្វីខ្លះ » ដើម្បីស្វែងយល់បន្ថែម ។
កម្រិតនៃកម្មវិធី EnglishConnect
កម្មវិធី EnglishConnect សម្រាប់ពួកអ្នកផ្សព្វផ្សាយសាសនា មានច្រើនកម្រិត ដើម្បីជួយអ្នកឲ្យរីកចម្រើន ៖ កម្មវិធីEnglishConnect សម្រាប់កម្រិតដំបូង កម្មវិធីEnglishConnect កម្រិត១ កម្មវិធីEnglishConnect កម្រិត២ និងកម្មវិធី EnglishConnect កម្រិត៣ ។ កម្រិតនីមួយៗមានធនធានសម្រាប់ការសិក្សាផ្ទាល់ខ្លួន និងការអនុវត្តជាដៃគូ ។ ប្រសិនបើអ្នកមិនទាន់ទទួលបានសម្ភាររបស់អ្នកទេ សូមទាក់ទងអ្នកដឹកនាំបេសកកម្មរបស់អ្នក ។
ការសិក្សាភាសាប្រចាំថ្ងៃ
ពួកអ្នកផ្សព្វផ្សាយសាសនាមានពេលសិក្សាភាសាប្រចាំថ្ងៃពី ៣០–៦០នាទី នៅក្នុងកាលវិភាគរបស់ពួកគេ ( សូមមើល បទដ្ឋានអ្នកផ្សព្វផ្សាយសាសនាសម្រាប់សិស្សរបស់ព្រះយេស៊ូវគ្រីស្ទ ២.៤.២ ) ។ បន្ថែមពីលើនេះទៀត អ្នកអាចអនុវត្តភាសាបេសកកម្ម និងភាសាអង់គ្លេសរបស់អ្នកជាមួយដៃគូរបស់អ្នកពេញមួយថ្ងៃ ។
អ្នកអាចប្រើកម្មវិធី EnglishConnect សម្រាប់ពួកអ្នកផ្សព្វផ្សាយសាសនាដើម្បីប្រទានពរដល់អ្នកក្នុងអំឡុងពេលនៃបេសកកម្មរបស់អ្នក និងពេញមួយជីវិតរបស់អ្នក ។
សូមមើល « បទពិសោធន៍កម្មវិធី EnglishConnect សម្រាប់ពួកអ្នកផ្សព្វផ្សាយសាសនា »
សូមអនុវត្តគោលការណ៍នៅក្នុង ប្រកាសដំណឹងល្អរបស់យើង ជំពូកទី ៧ ដើម្បីហ្វឹកហាត់ជារៀងរាល់ថ្ងៃ និងស្វែងរកអំណោយទានខាងភាសា ។
« ចូរអត់ធ្មត់ ក្នុងពេលដែលអ្នកសិក្សា និងអនុវត្តភាសានោះប្រកបដោយការអធិស្ឋាន ។ សូមទុកចិត្តថា ព្រះវិញ្ញាណនឹងជួយអ្នក នៅពេលអ្នកខិតខំដោយឧស្សាហ៍ ។ សូមមានសេចក្ដីជំនឿថា អ្នកអាចមានអំណោយទានខាងភាសា » ( ប្រកាសដំណឹងល្អរបស់យើងទំព័រ១៣៣ ) ។