« តើខ្ញុំត្រូវធ្វើអ្វីខ្លះក្នុងអំឡុងពេលសិក្សាភាសាប្រចាំថ្ងៃ ? »មគ្គទេសក៍សិក្សាកម្មវិធី EnglishConnect សម្រាប់ពួកអ្នកផ្សព្វផ្សាយសាសនា

« ការសិក្សាភាសាប្រចាំថ្ងៃ » មគ្គទេសក៍សិក្សាកម្មវិធី ECM

តើខ្ញុំត្រូវធ្វើអ្វីខ្លះក្នុងអំឡុងពេលសិក្សាភាសាប្រចាំថ្ងៃ ?

អនុវត្តតាម គោលការណ៍ទាំងឡាយនៃ ប្រកាសដំណឹងល្អរបស់យើង

ប្រកាសដំណឹងល្អរបស់យើង បង្រៀនអ្នកពីរបៀបរៀបចំខ្លួនខាងវិញ្ញាណ និងធ្វើឲ្យការសិក្សារបស់អ្នកមានអត្ថន័យ ។ វាក៏ជួយអ្នករៀនអំពីរបៀបស្វែងរកអំណោយទានខាងភាសា និងអនុវត្តតាមគោលការណ៍នៃការរៀនភាសាផងដែរ ។ មើលគោលការណ៍ដែលបានបង្រៀននៅក្នុង ប្រកាសដំណឹងល្អរបស់យើង ជំពូកទី ៧ ឡើងវិញជាប្រចាំ ហើយព្យាយាមអនុវត្តតាមគោលការណ៍ទាំងនោះក្នុងអំឡុងពេលសិក្សាភាសារបស់អ្នក ។

បង្កើតផែនការសិក្សាភាសា

« ផែនការសិក្សាភាសាជួយទាំងពួកអ្នកផ្សព្វផ្សាយសាសនាថ្មី និងអ្នកដែលមានបទពិសោធន៍ឲ្យផ្ដោតលើអ្វីដែលពួកគេអាចធ្វើរៀងរាល់ថ្ងៃ ដើម្បីកែលម្អសមត្ថភាពរបស់ពួកគេ » ( ប្រកាសដំណឹងល្អរបស់យើង១៣១ ) ។ ពិចារណាអនុវត្តដំណើរការនៃការដាក់គោលដៅដែលបានបង្រៀននៅក្នុង ប្រកាសដំណឹងល្អរបស់យើង ជំពូកទី ៨ ដើម្បីជួយអ្នករៀនភាសាអង់គ្លេស ។

ដាក់គោលដៅប្រចាំសប្តាហ៍ និងប្រចាំថ្ងៃសម្រាប់ការរៀនភាសាអង់គ្លេស ។
កត់ត្រា និងដាក់កាលវិភាគថាតើមេរៀន EnglishConnect សៀវភៅណែនាំសម្រាប់អ្នកសិក្សា សៀវភៅលំហាត់ និងធនធានអនឡាញមួយណាដែលអ្នកនឹងប្រើ ពេលណាដែលអ្នកនឹងប្រើវា និងរបៀបដែលអ្នកដាក់ផែនការដើម្បីរួមបញ្ចូលដៃគូរបស់អ្នកក្នុងការសិក្សា ។
អនុវត្តតាមផែនការរបស់អ្នក ។
រំឭក ហើយតាមដាន ។ សូមរំឭកផែនការសិក្សារបស់អ្នកជារឿយៗ ដើម្បីវាយតម្លៃថាតើវាដំណើរការល្អដល់កម្រិតណា ។

អនុវត្តតាមគោលការណ៍នៅក្នុង ប្រកាសដំណឹងល្អរបស់យើង ជំពូកទី ៧ ដើម្បីកែលម្អការសិក្សារបស់អ្នក ។ សូមមើលឧទាហរណ៍នៃផែនការសិក្សាខាងក្រោមសម្រាប់ជាជំនួយបន្ថែមដោយផ្អែកលើកម្រិតសិក្សារបស់អ្នក ៖

ពិនិត្យមើល និង តាមដាន

នៅពេលអ្នកបញ្ចប់សកម្មភាពក្នុងមេរៀន សូមប្រើការវាយតម្លៃការរៀនសូត្ររបស់អ្នក ដើម្បីវាយតម្លៃខ្លួនឯង ។ នៅពេលអ្នកបានបញ្ចប់សកម្មភាពទាំងអស់សម្រាប់កម្រិតសិក្សាមួយ សូមធ្វើតេស្តក្រោយបញ្ចប់កម្រិតសិក្សានោះ ។ នៅពេលអ្នកមានអារម្មណ៍ថាត្រៀមខ្លួនរួចរាល់ហើយ នោះអ្នកអាចឡើងទៅកម្រិតបន្ទាប់បាន ។ ការត្រួតពិនិត្យខ្លួនឯង និងសកម្មភាពអនឡាញអាចរកបាននៅលើគេហទំព័រ missionary.englishconnect.org ។ សូមចំណាយពេលជាទៀតទាត់ ដើម្បីវាយតម្លៃពីរបៀបដែលអ្នកអាចប្រើគោលការណ៍នៅក្នុង ប្រកាសដំណឹងល្អរបស់យើង ជំពូកទី ៧ ដើម្បីកែលម្អការសិក្សារបស់អ្នក ។

តើខ្ញុំនឹងតាមដានការរីកចម្រើនរបស់ខ្ញុំដោយរបៀបណា ?

រៀងរាល់បួនខែម្តង អ្នកនឹងទទួលបានអ៊ីមែលអញ្ជើញអ្នកឲ្យធ្វើការវាយតម្លៃសមត្ថភាពភាសាអង់គ្លេសរបស់អ្នក ។ បន្ទាប់ពីបញ្ចប់ការវាយតម្លៃហើយ អ្នកនឹងទទួលបានរបាយការណ៍អំពីការរីកចម្រើន ។ របាយការណ៍នេះនឹងជួយអ្នកតាមដានការីកចម្រើនរបស់អ្នក និងរៀនអំពីវិធីដើម្បីកែលម្អ ។ ក្នុងអំឡុងពេលផ្លាស់ប្តូរតំបន់ចុងក្រោយរបស់អ្នក អ្នកនឹងធ្វើការវាយតម្លៃចុងក្រោយ ហើយទទួលវិញ្ញាបនបត្រ ។ អ្នកអាចចូលទៅកាន់ការវាយតម្លៃរបស់អ្នកនៅលើទំព័រសិក្សាភាសា Missionary Portal ដើម្បីតាមដានការរីកចម្រើនរបស់អ្នក ។

ពួកអ្នកផ្សព្វផ្សាយសាសនាជាស៊ីស្ទើរកំពុងសិក្សា