Cov Lus Nug uas Nug Ntau

Kuv muaj cai hloov tej yam twg ntawm cov ntaub ntawv pab kawm thiab txhawb nqa?

Cov neeg uas kawm EnglishConnect thiab cov xib hwb muaj cov ntaub ntawv twg?

Kuv yuav ua li cas thiaj paub tias tej pawg tau ua zoo lawm?

Kuv yuav ua li cas paub yog tias ib tug neeg yuav tsum kawm EnglishConnect 1 los sis 2?

Kuv muaj cai hloov tej yam twg ntawm cov ntaub ntawv pab kawm thiab txhawb nqa?

Muaj kev cai tsis pub luam uas pov hwm cov ntaub ntawv EnglishConnect thiab yuav tsum tsis txhob hloov yog tias tsis muaj kev tso cai ua ntej. Saib tshooj “Cov Ntawv Ntxiv Tom Kawg A: Xov Xwm txog Kev Cai Lij Choj” kom tau xov xwm txog kev thov tso cai muab cov ntaub ntawv hloov.

Kuv xav tau pes tsawg tus xib hwb?

Peb pom zoo tias tsawg tshaj txhua pawg yuav muaj ob tug xib hwb. Yog li ntawd nkawd thiaj li qhia tau ua ke los sis ib tug ua tau yog tias lwm tus so los sis mob.

Qhov tseem ceeb: Tej pawg EnglishConnect yuav tsum ua raws li lub Koom Txoos tsab cai uas qhia tias tsawg tshaj yuav tsum muaj ob tug neeg laus nyob thaum qhia tej pawg tej kev sib ntsib. Yog tias tsuas muaj ib tug xib hwb xwb, ces txib ib tug neeg laus hauv pawg ntawd los koom txhua zaj lus qhia. Tsis txhob qhib kev sib ntsib yog tias tsis muaj ob tug neeg laus nyob.

Cov neeg uas kawm EnglishConnect thiab cov xib hwb muaj cov ntaub ntawv twg?

Cov Ntaub Ntawv rau cov Neeg uas Kawm

Cov neeg uas kawm yuav tsum muaj phau EnglishConnect 1 rau cov Neeg Kawm los sis EnglishConnect 2 rau cov Neeg Kawm. Muaj cov ntaub ntawv pab ntxiv kom pab tib neeg kawm tau. Saib nram qab no kom nyeem tej lus piav txog tag nrho cov ntaub ntawv pab uas tib neeg siv tau:

EnglishConnect 1 rau cov Neeg Kawm thiab EnglishConnect 2 rau cov Neeg Kawm: Cov neeg uas kawm siv tau ob phau ntawv kom npaj thiab koom tes nrog lawv pawg sib tham. Ob phau ntawv no los twb faib kom muaj rau feem es txhua feem muaj plaub txog tsib zaj lus qhia. Txhua zaj lus qhia muaj tej nqe hu ua “Kev Kawm Ntawv Koj tus Kheej” thiab “Pawg Sib Tham.” Xav kom cov neeg uas kawm ua txhua yam hauv tej “Kev Kawm Ntawv Koj tus Kheej” ua ntej lawv tuaj rau lawv pawg sib tham. Koj txais tau ob phau ntawv rau cov neeg uas kawm thiab tej kev kaw suab nyob hauv Txoj Moo Zoo cov Ntawv los sis yuav nyob ntawm store.ChurchofJesusChrist.org (najnpawb 18489 & 19563).
EnglishConnect 1 Phau Kawm Ntawv thiab EnglishConnect 2 Phau Kawm Ntawv: Tej pawg EnglishConnect 1 thiab 2 nyias muaj nyias phau kawm ntawv. Cov neeg siv tej kev kawm hauv ob phau ntawv kawm ntawv no lawv tus kheej los sis nrog ib tug khub uas pab lawv xyaum thaum tsis nyob hauv pawg sib tham. Koj nyeem tau ob phau kawm ntawv no nyob hauv Txoj Moo Zoo cov Ntawv los sis yuav los ntawm store.ChurchofJesusChrist.org (najnpawb 17140 & 17323).
EnglishConnect.org: Qhov website EnglishConnect muaj tej kev kawm hais lus hauv txhua zaj lus qhia.
Qhov App Txoj Moo Zoo cov Ntawv: Cov neeg uas kawm nyeem tau los sis mloog tau lub tuam rooj sab laj, Phau Ntawv Maumoos, thiab cov nkauj qhuas Vajtswv.
Lwm cov Ntawv thiab cov App: Muaj ntau yam kev pab tib neeg kawm lus Askiv. Cov neeg uas kawm yuav tsum “nrhiav tej lus tswv yim hauv tej phau ntawv zoo tshaj plaws; nrhiav kev kawm, twb yog los ntawm kev kawm ntawv thiab los ntawm kev ntseeg” (Lus Qhuab Qhia thiab Kev Khi Lus 88:118).

Cov xib hwb yuav tsum txhawb nqa cov neeg uas kawm kom siv ntau yam ntaub ntawv pab thiab ntsuam xyuas seb tej yam twg puas pab lawv kawm zoo.

Lub Koom Txoos Chaw Muag Khoom tej Najnpawb

EnglishConnect 1 rau cov Neeg Kawm	18489
EnglishConnect 2 rau cov Neeg Kawm	19563
EnglishConnect 1 Phau Kawm Ntawv	17140
EnglishConnect 2 Phau Kawm Ntawv	17323

Tus Xib Hwb cov Ntaub Ntawv

Cov xib hwb yuav tsum kawm phau EnglishConnect rau cov Xib Hwb nyob hauv Txoj Moo Zoo cov Ntawv thiab kawm lwm phau ntawv pab qhia nyob ntawm englishconnect.org/teacher/training. Cov xib hwb kuj siv tau tej kev pab qhia EnglishConnect kom coj tau tej kev kawm hauv tej pawg sib tham. Muaj tej kev pab qhia no nyob ntawm englishconnect.org/resources/teaching-materials.

Kuv yuav ua li cas thiaj paub tias tej pawg tau ua zoo lawm?

Lub hom phiaj ntawm EnglishConnect yog kom pab tib neeg vam tau lawv tus kheej sab ntsuj plig thiab sab cev nqaij daim tawv thaum lawv nrhiav tus Tswv txoj kev pab kawm lus Askiv. Kev kawm luv Askiv kuj yuav pab tib neeg muaj cib fim kawm ntawv thiab tau hauj lwm ua. Twb tau tsim EnglishConnect kom pab cov neeg kawm siv tej lub ntsiab cai ntawm txoj moo zoo thaum lawv ua hauj lwm ua ke kom ua raws li lawv tej lub hom phiaj kawm ntawv.

Koj yuav paub cov xib hwb ua zoo thaum lawv:

Caw tus Ntsuj Plig thaum lawv ua tim khawv, thov Vajtswv, hlub thiab txhawb nqa tib neeg.
Siv 20 mus txog 30 feeb hauv lawv pawg sib tham txog lub ntsiab cai txog kev kawm ntawv nyob hauv zaj lus qhia.
Siv sij hawm feem ntau pab cov neeg kawm xyaum hais lus thiab sib tham.

Koj yuav paub cov neeg kawm tau zoo thaum lawv:

Tuaj txhua zaus thiab rau siab koom ua tej yam nrog lawv pawg.
Ib leeg qhia ib leeg, hais txog lawv txoj kev ntseeg, thiab ua tim khawv.
Rau siab ntseeg kawm thiab xyaum hais lus Askiv txhua hnub thaum tsis nrog lawv pawg nyob.

Kuv yuav ua li cas paub yog tias ib tug neeg yuav tsum kawm EnglishConnect 1 los sis 2?

Koj siv tau kev ntsuam xyuas kev hais lus uas tsis ntev nyob hauv “Cov Ntawv Ntxiv tom Kawg B: Xam Phaj Seb Txawj Hais Zoo Npaum Li Cas Kom Tso hauv tej Pawg EnglishConnect” kom saib seb puas tsim nyog cia ib tug neeg kawm nyob hauv EnglishConnect 1 los sis EnglishConnect 2. Yog tias tsuas muaj ib pawg xwb, ces cov neeg uas kawm ob theem no yeej ua tau hauj lwm ua ke kom ib leeg txhawb nqa ib leeg.