Piv Txwv

Ib ceg txheem ntseeg pawg sab laj xav muaj tej pawg EnglishConnect uas cov mej zeej hauv ceg txheem ntseeg thiab zej zog koom tau lub sij hawm twg los tau. Lawv cia siab hais tias tej pawg EnglishConnect yuav ua rau lub Koom Txoos cov mej zeej muaj cib fim pab lwm tus. Lawv kuj cia siab hais tias tej pawg no yuav ua rau cov neeg hauv zej zog muaj cib fim kawm ntxiv txog Yexus Khetos thiab paub txog lub Koom Txoos cov mej zeej txoj kev hlub.

Lawv xaiv ib lub tsev uas nyob ze cov neeg feem coob uas yuav tuaj. Lawv txiav txim siab hais kom tej pawg sib ntsib thaum hnub Tuesday tsaus ntuj 7:00 mus txog 8:30 tsaus ntuj. Lawv hu plaub tug xib hwb, ob tug rau EnglishConnect 1 thiab ob tug rau EnglishConnect 2. Lawv thov kom ib tug xib hwb saib xyuas lub txheej xwm tag nrho thiab hu tus xib hwb ntawd ua tus kws pab neeg txom nyem thiab pab neeg vam tau lawv tus kheej nyob hauv nyob hauv Tej Yam Pab cov Thawj Coj thiab cov Teev Ntawv. Vim tau hu nws ua li ntawd, ces tus saib xyuas no muaj cai tsim tej pawg nyob hauv QuickReg.

Ceg txheem ntseeg pawg sab laj tshaj tawm txog tej pawg thaum lawv muab cov ntawv rau tib neeg nyob hauv lub koom txoos, tshaj tawm hauv social media, thiab thov cov tub txib caw tib neeg uas lawv ntsib. Thaum xub thawj, ceg txheem ntseeg hais kom cov neeg kawm koom ib pawg EnglishConnect 3 saum huab cua nyob hauv lawv cheeb tsam thaum lawv npaj kawm theem siab dua EnglishConnect 2. Thaum sij hawm dhau mus, ceg txheem ntseeg muaj cov neeg kawm txaus txhawb nqa ib pawg EnglishConnect 3 nyob hauv tib lub tsev Koom Txoos uas muaj tej pawg EnglishConnect 1 thiab 2. Lawv ua hauj lwm nrog tus uas saib xyuas BYU–Pathway Worldwide kom hu cov tub txib PathwayConnect kom saib xyuas pawg EnglishConnect 3.

Ib pawg ntseeg pawg sab laj xav kom muab cib fim rau cov mej zeej hauv pawg ntseeg thiab zej zog kawm lus Askiv. Lawv twb sim ua ib pawg EnglishConnect ua ntej, tiam sis nyuaj rau tib neeg feem coob cog lus tias lawv yuav kawm 25 lim tiam kom tag. Lawv txiav txim siab hais tias lawv yuav tsim tej pawg uas kawm ob.

Cov thawj coj npaj kom tej pawg sib ntsib thaum hnub Tuesday thiab Friday thaum 7:30 mus txog 9:00 tsaus ntuj. Lawv hu plaub tug xib hwb, ob tug rau EnglishConnect 1 thiab ob tug rau EnglishConnect 2. Lawv tsim tej pawg nyob hauv QuickReg thiab tshaj tawm txog tej pawg no thaum lawv muab ib daim paib dai rau ntawm lub tsev Koom Txoos sab nraud. Lawv kuj tau tsim cov ntawv uas cov mej zeej muab rau lawv cov phooj ywg los sis tshaj tawm hauv social media los tau.

Thaum lub hlis tas lawm, cov thawj coj kaw tej pawg hauv QuickReg thiab npaj kom qhia ob zej ntxiv thaum yav tom ntej.

Ib ceg txheem ntseeg pawg sab laj xav pab cov tub hluas ntxhais hluas muaj cib fim kawm ntawv thiab ua hauj lwm tom qab lawv ua lub txheej xwm rau cov tub hluas ntxhais hluas tiav thiab ua tub txib rov qab los tsev. Cov thawj coj kuj cia siab tias kev kawm EnglishConnect yuav pab cov tub hluas ntxhais hluas kawm koom siab nrog Vajtswv kom cuab hom phiaj tsim nyog. Lawv txiav txim siab tsim tej pawg EnglishConnect rau cov tub hluas ntxhais hluas nyob hauv lawv ceg txheem ntseeg.

Cov tub hluas ntxhais hluas nyob deb heev, yog li ntawd cov thawj coj txiav txim siab kom tej pawg sib ntsib saum huab cua thaum hnub Tuesday pib thaum 8:00 mus txog 9:00 tsaus ntuj. Lawv tau hu ib tug tub txib uas rov qab los thiab ib tug tub hluas uas paub lus Askiv me ntsis kom qhia pawg ntawd. Cov thawj coj ua tib zoo kom ua raws li lub Koom Txoos tej tsab cai pov hwm cov tub hluas ntxhais hluas. Piv txwv hais tias, lawv ua tib zoo kom ob tug neeg laus uas tau kawm kev cob qhia pov hwm cov tub hluas ntxhais hluas nyob hauv txhua txoj kev sib ntsib saum huab cua thiab txhua tus tub hluas ntxhais hluas muaj ib daim ntawv rau niam txiv tso cai uas sau npe lawm.

Cov thawj coj kuj txhim tsa ib pawg WhatsApp uas tus xib hwb los sis thawj coj saib xyuas kom cov cov tub hluas ntxhais hluas xyaum tau hais lus Askiv txhua hnub. Pawg WhatsApp yeej pab cov tub hluas ntxhais hluas uas tsis khoom tuaj rau tej kev sib ntsib thaum hnub Tuesday.

Cov thawj coj nrog lawv cheeb tsam tus thawj saib xyuas kev pab neeg txom nyem thiab kev vam tau yus tus kheej tham kom tsim ib pawg EnglishConnect 3 rau cov tub hluas ntxhais hluas nyob hauv lawv cheeb tsam rau cov uas txawj hais lus Askiv zoo dua theem EnglishConnect 2.

Qhov chaw tshaj tawm txoj moo zoo cov thawj coj xav siv EnglishConnect kom tshaj tawm txog Yexus Khetos txoj moo zoo. Lawv paub hais tias tej pawg EnglishConnect yeej zoo tshaj thaum ib tug mej zeej coj thaib cov tub txib txhawb nqa. Nyob hauv pawg sab laj nrog ceg txheem ntseeg cov thawj tswj hwm nyob hauv qhov chaw tshaj tawm txoj moo zoo, lawv txiav txim siab tias qhov chaw tshaj tawm txoj moo zoo yuav piab tej pawg EnglishConnect thiab ua hauj lwm kom muab tej pawg ntawd rau ceg txheem ntseeg coj.

Cov tub txib txiav txim siab txog lub sij hawm uas tej pawg yuav sib ntsib thiab uas zoo rau lawv tseem muaj sij hawm mus tshaj tawm txoj moo zoo thiab ntsib neeg coob nyob hauv zej zog. Txawm yog cov tub txib pib ua cov xib hwb EnglishConnect, lawv kuj ua hauj lwm rau nrog cov thawj coj pov thawj hwj kom nrhiav cov mej zeej pauv lawv, tej zaum ib txhia yog cov neeg uas kawm EnglishConnect 1 thiab 2 ua ntej. Thaum sij hawm dhau mus, cov tub txib hloov ua cov neeg uas txhawb nqa xwb. Cov tub txib tseem tuaj ntau zaus kom txhawb nqa tej pawg, thiab xa cov neeg kawm tshiab tuaj, thiab txhawb nqa cov neeg kawm kom thov Vajtswv pab lawv kawm lus Askiv.