“Ntsiab Lus,” Phau Coj Kev Siv EnglishConnect (2023)
“Ntsiab Lus,” Phau Coj Kev Siv EnglishConnect
Ntsiab Lus
EnglishConnect muaj peb theem kom pab cov neeg uas kawm vam meej. EnglishConnect 1 thiab 2 pab cov neeg uas kawm muaj txuj ci txawj hais lus Askiv qib yooj yim. EnglishConnect 3 pab cov neeg uas kawm muaj txuj ci txawj hais, nyeem, thiab sau lus Askiv qib nrab kom muaj cib fim ua hauj lwm, pab lwm tus, thiab kawm ntawv—qhov tseem ceeb yog nyob hauv BYU–Pathway Worldwide.
EnglishConnect yeej ua tau zoo tshaj plaws thaum tib neeg kawm tau txhua theem.
Tej Yam Yuav Tsum Ua Kom Koom Tau
Cov neeg uas kawm yuav tsum txawj nyeem lawv yam lus thiab yuav tsum muaj 11 xyoos rov saud kom koom tej pawg EnglishConnect.
Nram qab no muaj tej txuj ci kawm lus Askiv uas cov neeg yuav tsum muaj kom pib txhua theem.
EnglishConnect 1: Nyeem cov tsiaj ntawv thiab hais tej lus tseem ceeb
EnglishConnect 2: Txawj hais tej kab lus tseem ceeb
EnglishConnect 3: Txawj sib tham; nyeem thiab sau tej kab lus tseem ceeb*
*Cov neeg uas kawm yuav tsum txawj xeem ntawv txog lus Askiv kom koom EnglishConnect 3.