Hom Phiaj

EnglishConnect yog ib lub txheej xwm kawm lus Askiv uas Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg ua. Lub hom phiaj ntawm EnglishConnect yog kom pab tib neeg vam tau lawv tus kheej sab ntsuj plig thiab sab cev nqaij daim tawv thaum lawv kawm kom txawj hais lus Askiv nrog lwm tus uas muaj kev ntseeg, ua phooj ywg, thiab ua zoo zuj zus.

EnglishConnect Txhawb Nqa Vajtswv txoj Hauj Lwm Cawm Seej thiab Kev Tsa Nto

EnglishConnect muaj peev xwm pab Vajtswv cov me nyuam:

Ua neej raws li Yexus Khetos txoj moo zoo. Nyob hauv EnglishConnect, tib neeg siv tej lub ntsiab cai txog kev kawm ntawv “los ntawm kev kawm ntawv thiab los ntawm kev ntseeg” (Lus Qhuab Qhia thiab Kev Khi Lus 88:118). Cov xib hwb thiab cov neeg kawm ntawv txhawb nqa lawv txoj kev ntseeg thaum lawv nrhiav thiab txais tus Tswv txoj kev pab. (Piv Txwv)
Saib xyuas cov neeg uas xav tau kev pab. Tej txuj ci txawj hais lus Askiv yuav pab tib neeg muaj cib fim vam tau lawv tus kheej thiab pab lwm tus. EnglishConnect pab tib neeg npaj muaj cib fim pab lwm tus, ua hauj lwm, thiab kawm ntawv. Tsis tas li ntawd xwb, ib leeg pab thiab hlub ib leeg thaum lawv qhia thiab kawm ua ke. (Piv Txwv)
Caw txhua tus los txais txoj moo zoo. Nyob hauv tej pawg EnglishConnect, tib neeg kawm thiab ua raws li txoj moo zoo tej ntsiab cai thiab ntaus phooj ywg zoo. Los ntawm EnglishConnect, tib neeg tau muaj cib fim ua raws li tus Ntsuj Plig qhia thaum lawv hlub, qhia, thiab caw lwm tus los txais cov koob hmoov ntawm txoj moo zoo. (Piv Txwv)