Kev Kawm Lus Askiv
Cov Ntawv Ntxiv Tom Kawg A: Xov Xwm txog Kev Cai Lij Choj

“Cov Ntawv Ntxiv Tom Kawg A: Xov Xwm txog Kev Cai Lij Choj,” EnglishConnect rau cov Xib Hwb (2023)

“Cov Ntawv Ntxiv Tom Kawg A,” EnglishConnect rau cov Xib Hwb

Cov Ntawv Ntxiv tom Kawg A

Xov Xwm txog Kev Cai Lij Choj

Tej Kev Cai Lij Choj rau tej Qhov Chaw uas Tau Pom Zoo

Lub Office of General Counsel (OGC) tau pom zoo rau tej kev cai nram qab no kom khiav lub txheej xwm EnglishConnect. Tej kev cai yeej siv rau EnglishConnect 1 thiab 2 nyob thoob plaws lub ntiaj teb, tseem yuav tsum ua raws li tej kev cai lij choj hauv ib lub teb chaws twg uas nyob hauv EnglishConnect zaj ntsiab lus txog kev cai lij choj ntawm txhua lub teb chaws (saib tej kev cai rau txhua lub teb chaws nyob ntawm englishconnect.org/leader/approved-locations).

  • Siv daim ntawv rau niam txiv tso cai kom txais tau niam txiv txoj kev tso cai rau txhua tus neeg uas muaj 18 xyoo rov haud. Muaj tej daim ntawv no uas tau muab txhais ua ntau yam lus nyob ntawm englishconnect.org/resources/leader.

    • Tau ob niam txiv tej kev sau npe yog tias ua tau. Yog tias ib tug neeg muaj 18 xyoo rov haud nws nyob nws ib leeg, tsis tas muaj niam txiv tso cai.

    • Cov thawj coj hauv zej zog yuav tsum khaws tej daim ntawv uas sau tiav kom npaj lwm tus los tshuaj xyuas.

  • Cov xib hwb yuav tsum ua lub Koom Txoos txoj kev cob qhia “Pov Hwm cov Me Nyuam thiab cov Tub Hluas Ntxhais Hluas” kom tiav. Ua raws li txhua txoj kev cai hauv lub teb chaws kom xaiv thiab hu cov xib hwb rau cov tub hluas ntxhais hluas, tus xib hwb EnglishConnect twg uas yuav qhia ib tug neeg uas muaj 21 xyoo rov haud.

  • Tsis txhob sau nqi ntawm cov neeg uas koom lub txheej txwm no.

    • Cov neeg uas koom EnglishConnect download tau cov ntaub ntawv saum huab cua pub dawb, los sis tej pawg ntseeg yuav tau cov ntaub ntawv rau pawg no los ntawm tej kev yuav khoom nyob ntawm store.churchofjesuschrist.org. Tib neeg kuj yuav tau cov ntaub ntawv dhau los ntawm txoj kev no yog lawv xav tau.

    • Cov xib hwb EnglishConnect yuav tsum tsis txhob pub nyiaj los sis txais nyiaj ua ib lub txiaj ntsim vim pab qhia los sis qhia cov neeg uas kawm EnglishConnect.

  • Yuav tsum muaj tej lus qhia txog kev teev ntuj nyob hauv ib feem peb ntawm tag nrho tej yam uas qhia. (Yuav tsum qhia txog kev teev ntuj ntev li 20 feeb ntawm ib teev uas qhia los sis 30 feeb ntawm txhua 90 feeb uas qhia.) Lus cim: Yog tias qhia tej zaj lus raws li tau tsim lawm thiab ib tug xib hwb yeej ua kev kawm “Lub Ntsiab Cai txog Kev Kawm Ntawv” thaum lawv ua pawg txoj kev sib tham, ces yeej yuav ua raws li txoj kev cai no.

  • Ua raws li tag nrho lub txheej xwm tej kev cai uas muaj nyob hauv Phau Coj Kev Siv EnglishConnect thiab tus xib hwb phau ntawv, tsis hais kev siv tus txheej txheem sau npe saum huab cua QuickReg (quickreg.englishconnect.org) kom tiv thaiv cov xov xwm los yog.

  • Xwv kom tsis txhob tsim teeb meem rau cov tub txib txais cov ntawv nkag hauv lwm lub teb chaws los sis txoj kev tso cai rau lub Koom Txoos khiav hauv ib lub teb chaws twg, ib qhov chaw tshaj tawm txoj moo zoo twg uas tsis tau siv kev qhia lus Askiv kom nrhiav neeg yuav tsum txais tau OGC txoj kev pom zoo ua ntej siv cov ntaub ntawv EnglishConnect.

BYU–Pathway Worldwide khiav thiab ua EnglishConnect 3. Yog li ntawd, lub txheej xwm no ua raws li tej kev cai ib yam li BYU–Pathway.

Kev Tshaj Tawm

Nyob hauv tej lub teb chaws uas pub tshaj tawm txog EnglishConnect 1 thiab 2, tej ceg txheem ntseeg, pawg ntseeg, thiab tej qhov chaw tshaj tawm txoj moo zoo muaj cai tshaj tawm txog tej pawg EnglishConnect 1 thiab 2 rau zej zog yog ua raws li ib lub teb chaws tej kev cai txog kev tshaj tawm (saib tej kev cai rau txhua lub teb chaws nyob ntawm englishconnect.org/leader/approved-locations). Tej kev tshaj tawm yuav tsum muaj tag nrho tej no:

  1. Lub Koom Txoos lub npe uas pom tau meej.

  2. Ib nqe lus uas hais tias tsis them nqi dab tsi rau EnglishConnect 1 thiab 2.

  3. Ib nqe lus uas hais tias EnglishConnect 1 thiab 2 tsis ntaus nqi rau kev kawm ntawv.

Txoj Cai Luam Tawm thiab Ntawv Tso Cai

EnglishConnect yog ib lub txheej xwm uas Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg ua. Txhua txoj cai ntawm EnglishConnect cov ntaub ntawv yog Intellectual Reserve, Inc. muaj los sis tso cai siv hauv lub Koom Txoos tej pawg xws li ceg txheem ntseeg, ceg ntseeg, thiab tej qhov chaw tshaj tawm txoj moo zoo. Yog siv cov ntaub ntawv EnglishConnect ua lwm yam ces yuav tsum tau kev tso cai ua ntej. Yog xav thov tso cai siv EnglishConnect cov ntaub ntawv, cia li sau ib daim ntawv thov nyob ntawm Permissions.ChurchofJesusChrist.org.

Cov Tub Hluas Ntxhais Hluas

Tej pawg EnglishConnect yeej yuav tsum ua raws li lub Koom Txoos tej tsab cai pov hwm cov tub hluas ntxhais hluas (uas muaj cov neeg kawm uas muaj 18 xyoos rov haud). Cov tub hluas ntxhais hluas yuav tsum muaj ib daim ntawv rau niam txiv tso cai ua ntej lawv koom koj pawg. Muaj tej daim ntawv no uas tau muab txhais ua ntau yam lus nyob ntawm englishconnect.org/resources/leader. Cov thawj coj hauv zej zog yuav tsum khaws tej daim ntawv uas sau tiav kom npaj lwm tus los tshuaj xyuas.

Vim cov neeg kawm EnglishConnect yuav muaj cov tub hluas ntxhais hluas, cov thawj coj teev ntuj hauv zej zog yuav tsum xam phaj txhua tus neeg uas yuav qhia thiab saib tus neeg cov ntaub ntawv ua mej zeej seb puas maj lus cim ua ntej yuav hu lawv. Tsis tas li ntawd, yuav tsum muaj ob tug neeg laus nyob txhua lub sij hawm thaum ua tej kev sib ntsib rau ib pawg. Cov xib hwb yuav tsum tsis txhob nrog ib tug tub hluas los sis ntxhais hluas nyob nkawd ob leeg xwb. Koj yuav tsum ua raws li tej tsab cai no yog tias ib pawg sib ntsib saum huab cua thiab.

Cov Tub Hluas Ntxhais Hluas uas Koom tej Pawg Sib Tham Saum Huab Cua

Cov tub hluas ntxhais hluas muaj cai koom tej pawg sib tham EnglishConnect 1 thiab 2 tsuas yog muaj niam txiv txoj kev tso cai thiab thaum pawg sib tham ntawd muaj ob tug xib hwb.

Kom tsom ntsoov rau kev nyab xeeb, tej kev sib tham saum huab cua uas muaj cov tub hluas ntxhais hluas los yuav tsum txhim tsa kom tsis txhob cia cov tub hluas ntxhais hluas thiab cov xib hwb sib tham ob leeg xwb. Cov tub hluas ntxhais hluas koom tau tej pawg sib tham saum huab cua tsuas yog muaj ob tus xib hwb nyob hauv pawg kev sib ntsib xwb.

Tsis tas li ntawd, tsis pub ib tug xib hwb EnglishConnect ntaus ntawv, email, los sis hu ib tug tub hluas ntxhais hluas yog tsis muaj lwm tus neeg uas koom tej kev sib txuas lus ntawd. Thaum mus xyuas tim ntsej tim muag los sis hu xov tooj, yuav tsum muaj lwm tus neeg laus nyob ntawd. Thaum twg ua tau, ib tug xib hwb yuav tsum saib xyuas tej kev sib faib ua tej pawg me thaum ua kev sib ntsib rau tej pawg sib tham saum huab cua.

Kev Muab Ntaub Ntawv Ceev Cia

EnglishConnect yog ib lub txheej xwm uas Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg ua. Yog xav paub tias yuav siv koj cov xov xwm li cas, thov mus saib ChurchofJesusChrist.org thiab nias Lub Ceeb Toom txog Kev Muab Ntaub Ntawv Ceev Cia nyob phab ntawv nram qab.

Txhua tus neeg yuav tsum lees txais tej kev cai rau kev koom tes, uas nyeem tau nyob ntawm ChurchofJesusChrist.org/legal/englishconnect-terms-of-participation. Cov neeg uas koom lub txheej xwm no lees tau tej kev cai rau kev koom tes thaum twg ib tug xib hwb EnglishConnect sau lawv npe nyob hauv QuickReg.

EnglishConnect cov xib hwb yuav tsum tsis txhob tso daim duab hauv social media txog cov uas lawv qhia.

Ntaus Nqi rau Kev Kawm Ntawv

EnglishConnect tsis muaj kev ntaus nqi rau kev kawm ntawv, qib kawm ntawv, los yog daim ntawv tim khawv rau kev kawm ntawv tiav los ntawm ib lub txheej xwm qhia ntawv los yog lub koom haum qhia ntawv twg. Kev koom tes los nyob ntawm tus neeg xwb. Cov neeg tawm lub txheej xwm no mus los sis tsis tuaj ntxiv thaum twg los tau.