Tej Lus Qhia Ntxiv

Txhawb nqa kev ntseeg, kev ua phooj ywg, thiab kev ua zoo zuj zus. Pab tsim ib qho chaw rau cov neeg kawm kom lawv txoj kev ntseeg yuav loj tuaj, kom lawv ua tau phooj ywg zoo, thiab kom lawv tej txuj ci muaj zog zuj zus. Koj ua tau li no thaum koj hu cov xib hwb, npaj tej qhov chaw, thiab ua tib zoo kom cov neeg uas kawm thiab cov xib hwb muaj cov ntaub ntawv txaus. Tej zaum koj kuj yuav xav koom tes nrog lwm tus uas txawj txhawb nqa cov neeg uas kawm, xws li cov tub txib thiab tej pawg ntxiv uas qhia txog kev vam tau yus tus kheej.

Nrog cov thawj coj pov thawj hwj sib tham. Ua tib zoo kom cov thawj coj pov thawj hwj tau pom zoo thiab saib xyuas koj lub txheej xwm. Cov thawj coj pov thawj hwj yog cov uas saib xyuas kev vam tau yus tus kheej, cov seminary thiab intsitute, thiab cov tub txib txoj hauj lwm. Nrog cov thawj coj pov thawj hwj sib tham txog:

• Cuab hom phiaj thiab sau ntawv txog tej yam uas tau ua zoo lawm (saib “EnglishConnect Txhawb Nqa Vajtswv txoj Hauj Lwm Cawm Seej thiab Kev Tsa Nto”).

• Kev pab kho lub txheej xwm kom zoo.

• Hu cov xib hwb tshiab (saib “Cov Xib hwb”).

• Caw cov neeg ntxiv los kawm (saib “Kev Caw thiab Kev Ceev Faj”).

• Qhib kev rau tib neeg tuaj (saib “Sib Ntsib Nyob Qhov Twg thiab Pes Tsawg Zaus”).

• Caw cov neeg uas kawm kom saib lub Koom Txoos cov ntaub ntawv ntxiv (saib “Kev Txais Lwm Yam Kev Pab Los ntawm lub Koom Txoos”).

Hais qhia rau cov thawj coj pov thawj hwj. Hais qhia rau cov thawj coj pov thawj hwj txog tej yam zoo thiab tej teeb meem ntawm tej pawg EnglishConnect.

Ua tib zoo ua raws li kev cai lij choj. Ua tib zoo kom lub txheej xwm EnglishConnect ua raws li tej kev cai lij choj hauv zej zog englishconnect.org/leader/approved-locations.

Lus cim: Muaj kev cai tsis pub luam uas pov hwm cov ntaub ntawv EnglishConnect thiab yuav tsum tsis txhob hloov yog tias tsis muaj kev tso cai ua ntej.

Npaj siv EnglishConnect kom qhia txog txoj moo zoo. EnglishConnect yeej yog ib feem tseem ceeb ntawm ib pawg ntseeg txoj kev npaj tshaj tawm txoj moo zoo. EnglishConnect tej pawg yeej pab tau kom:

• Cov tub txib muaj cib fim nrhiav thiab qhia neeg.

• Txhawb nqa cov mej zeej, lub Koom Txoos cov phooj ywg, thiab cov tub txib sib raug zoo.

• Pab cov mej zeej uas rov qab los los sis tib neeg uas cov tub txib qhia sib raug zoo hauv lawv pawg ntseeg.

• Pab cov mej zeej ua raws li tej lub ntsiab cai ntawm kev hlub, kev qhia, thiab kev caw (saib Phau Qhia Kev Coj lub Koom Txoos, 23.1).

Tej hauj lwm uas cov mej zeej thiab cov tub txib coj yeej zoo dua kom pab muaj raws li tej lub hom phiaj no. Thaum cov mej zeej coj tej pawg EnglishConnect, tib neeg yeej yuav ua phooj ywg zoo nrog cov mej zeej thiab qhia txog tej lub sij hawm thaum uas tau txhawb nqa lawv txoj kev ntseeg. Cov tub txib, qhov chaw tshaj tawm txoj moo zoo cov thawj coj, thiab tej pawg txog kev vam tau yus tus kheej yuav tsum sib sab laj ua ke txog txoj kev ua kom tej pawg EnglishConnect sib qhia thiab ua raws li txoj moo zoo yam li yooj yim.

Caw cov tub txib los pab. Nyob hauv tej cheeb tsam uas tej ceg txheem ntseeg los sis tej pawg ntseeg tsim tej pawg EnglishConnect, caw cov tub txib los pab kom lawv:

• Tuaj koom tej pawg thiab pab tib neeg xyaum hais lus thaum ua tej kev kawm.

• Nrog cov neeg xyaum hais lus thaum tej pawg sib tham.

• Qhia tej zaj lus thaum xav tau.

Hu cov xib hwb. Vim cov neeg kawm EnglishConnect yuav muaj cov tub hluas ntxhais hluas, cov thawj coj pov thawj hwj hauv zej zog yuav tsum xam phaj txhua tus neeg uas yuav qhia thiab saib lawv cov ntaub ntawv ua mej zeej seb puas maj lus cim ua ntej yuav hu lawv. Tej pawg uas muaj cov tub hluas ntxhais hluas los yuav tsum muaj ob tug neeg laus thiab yuav tsum coj raws li lub Koom Txoos tej tsab cai pov hwm cov tub hluas ntxhais hluas. Yeej pom zoo kom tej pawg uas tsis muaj cov tub hluas ntxhais hluas muaj ob tug xib hwb nkawd thiaj li qhia tau ua ke los sis ib tug uas tau yog tias lwm tus so los sis raug mob.

Cob qhia cov xib hwb. Koj siv tau EnglishConnect rau cov Xib Hwb thiab tej kev pab nyob ntawm englishconnect.org/teacher kom cob qhia cov xib hwb. Koj yuav tau muab ib phau ntawv rau cov neeg kawm thiab phau ntawv kawm ntawv rau cov xib hwb thiab (saib “Cov Ntaub Ntawv”). Xav kom cov xib hwb sib ntsib ntau kom sib sab laj ua ke, qhia tej txheej txheem uas zoo tshaj, cia ib leeg teb ib leeg tej lus nug, thiab saib cov ntaub ntawv cob qhia.

Cia li pab cov neeg kawm zuj zus mus txog thaum lawv ua tau cov xib hwb. Cov xib hwb yeej pom tau cov neeg kawm hauv lawv tej pawg uas txawj npaj qhia ib pawg thaum yav tom ntej. Kev qhia pab cov neeg uas kawm muaj peev xwm zuj zus thiab ua rau neeg coob dua ntxiv xav koom lub txheej xwm no.

Muab cov ntaub ntawv rau cov neeg uas kawm. Cov neeg kawm yuav xav tau EnglishConnect 1 rau cov Neeg Kawm los sis EnglishConnect 2 rau cov Neeg Kawm hom digital nyob hauv Txoj Moo Zoo cov Ntawv los sis muab luam los ntawm lub Koom Txoos lub tsev kiab khi online nyob ntawm store.ChurchofJesusChrist.org. Muaj cov ntaub ntawv pab ntxiv kom txhawb nqa lawv txoj kev kawm, tsis hais cov ntawv kawm ntawv thiab tej kev kawm online los yog. Yog xav nyeem tej lus piav txog tag nrho cov ntaub ntawv uas muab tau cov neeg kawm, saib “Cov neeg uas kawm EnglishConnect thiab cov xib hwb muaj cov ntaub ntawv twg?” nyob hauv “Cov Lus Nug uas Nug Ntau.”

Muab cov ntaub ntawv rau cov xib hwb. Cov xib hwb yuav tsum kawm phau EnglishConnect rau cov Xib Hwb nyob hauv Txoj Moo Zoo cov Ntawv thiab kawm lwm phau ntawv pab qhia nyob ntawm englishconnect.org/teacher.

Txiav txim siab seb koj puas ua tej pawg uas sib ntsib tim ntsej tim muag los sis sib ntsib saum huab cua. Yeej xav kom tib neeg sib ntsib tim ntsej tim muag hauv lub tsev Koom Txoos kom thiaj li muaj cib fim ua phooj ywg zoo. Yog tias nyuaj rau tib neeg koom ua ke hauv ib lub tsev Koom Txoos, ces xav seb puas ua ib pawg saum huab cua. Phau “Coj tej Pawg Sib Ntsib Saum Huab Cua” thiab “Phau Pab tus Koom Pawg Sib Ntsib Saum Huab Cua” pab tau cov thawj coj, xib hwb, thiab cov neeg uas kawm tsim tau ib qho chaw zoo rau sawv daws kawm nyob saum huab cua. Tej kev pab qhia saum huab cua nyob ntawm englishconnect.org/resources/teaching-materials.

Txiav txim siab seb tej pawg yuav sib ntsib pes tsawg zaus txhua lub lim tiam. Tej pawg feem ntau sib ntsib ib los sis ob zaug txhua lub lim tiam, tiam sis twb sau tej zaj lus qhia kom tej pawg sib ntsib ntau zog los tau. Nco ntsoov tias cov neeg uas kawm yuav tsum siv sij hawm ua tej kev kawm lawv tus kheej ua ntej txhua zaj lus qhia.

Txiav txim siab seb tej pawg yuav sib ntsib thaum twg thiab ntev li cas. Xaiv ib hnub thiab ib lub sij hawm uas zoo tshaj rau cov neeg kawm thiab cov xib hwb. Tej pawg feem ntau sib ntsib rau 90 feeb, tiam sis yeej pub tej pawg sib ntsib tsis sib ntsib ntev li ntawd los tau.

Txiav txim siab seb tej pawg yuav sib ntsib mus txog thaum twg thiab yuav qhia tej yam twg. Tej pawg feem ntau los ua tas mus li, uas txhais tias lawv rov qab pib qhia zaj 1 thaum lawv kawm ib phau tag lawm. Tej pawg ib txhia qhia ib phau ib zaug xwb los sis qhia tej zaj lus hauv phau ntawv xwb.

Tsim thiab saib xyuas tej pawg nyob hauv QuickReg. QuickReg yog ib ib qho cuab yeej uas lub Koom Txoos pom zoo siv kom saib xyuas tej pawg uas kawm vam tau lawv tus kheej. Cia li tsim tej pawg nyob hauv QuickReg thaum koj mus saib quickreg.englishconnect.org. Ces siv QuickReg ua li no:

• Tshaj tawm txog tej pawg.

• Hloov hnub, sij hawm, thiab qhov chaw ntawm tej pawg.

• Luam daim ntawv ua pov thawj rau cov neeg uas kawm.

• Hloov tej xwm ntawm ib tug neeg kawm.

• Kaw tej pawg.

Kom kawm ntxiv saib kev qhia txog QuickReg nyob ntawm englishconnect.org/leader for training.

Lus Cim: Kom siv QuickReg, ib tug mej zeej yuav tsum (1) muaj ib txoj kev hu hauv lub Koom Txoos thiab (2) yuav tsum muaj txoj kev hu ntawd sau cia hauv Tej Yam Pab cov Thawj Coj thiab cov Teev Ntawv.

Luam thiab muab ntawv pov thawj los ntawm QuickReg. Cov xib hwb thiab cov kws pab vam tau yus tus kheej muaj cai luam thiab muab cov ntawv pov thawj rau cov neeg kawm uas sau npe hauv QuickReg.

Siv cov ntaub ntawv kom tib neeg paub txog qhov no. Muaj cov ntaub ntawv txhawb nqa nyob hauv lub Koom Txoos qhov chaw muag khoom nyob online nyob ntawm store.ChurchofJesusChrist.org thiab nyob ntawm englishconnect.org/resources/leader#publicity.

Caw cov neeg kawm. Koj siv tau tej kev txuas lus kom tshaj tawm txog tej pawg EnglishConnect, xws li cov muam thiab cov kwv tij uas txhawb pab, cov tub txib, tej daim tshaj xov xwm txog pawg ntseeg, thiab li ntawd. Thaum twg ib pawg ntseeg tso cai thiab siv nyiaj, tej pawg kuj tshaj tawm hauv social media los sis qhov web page ntawm ib pawg ntseeg los sis ceg txheem ntseeg. Ua ntej pib siv tej tus txheej txheem tshaj tawm no, cia li saib tej kev cai hauv zej zog nyob ntawm englishconnect.org/leader/approved-locations.

Tos txais cov neeg kawm. Npaj ib txoj kev rau koj tos txais cov neeg thaum lawv sau npe nkag hauv ib pawg.

Caw phooj ywg uas tsis ntseeg li peb. Xav kom koj qhia tib neeg uas tsis ntseeg li peb thiab. Cia li saib taus lwm tus txoj kev ntseeg txhua lub sij hawm tiam sis cia li qhia txog koj txoj kev ntseeg hais tias Vajtswv pab tau cov neeg kawm lus Askiv.

Xav seb puas caw cov tub hluas ntxhais hluas. Koj tsim tau tej pawg rau cov tub hluas ntxhais hluas xwb, los sis koj caw tau cov tub hluas ntxhais hluas koom nrog cov laus. Nyob hauv EnglishConnect, tiam neeg uas tab tom loj hlob tuaj kawm txais Vajtswv txoj kev pab kawm lus Askiv. Tej zaj lus no yuav pab lawv muaj kev ntseeg tias Vajtswv yuav pab lawv ua txhua yam hauv lawv lub neej.

Ua raws li lub Koom Txoos tej tsab cai kom pov hwm cov tub hluas ntxhais hluas. Cov tub hluas ntxhais hluas (cov uas muaj hnub nyoog 18 rov haud thiab nyob hauv tsev) yuav tsum muaj ib daim ntawv rau niam txiv tso cai ua ntej koom koj pawg. Muaj tej daim ntawv no uas tau muab txhais ua ntau yam lus nyob ntawm englishconnect.org/resources/leader. Tsis tas li ntawd, tej pawg EnglishConnect yuav tsum ua raws li lub Koom Txoos tsab cai uas qhia tias yuav tsum muaj ob tug neeg laus nyob txhua lub sij hawm hauv tej pawg kev sib ntsib. Yuav tsum ua raws li tej tsab cai no yog tias ib pawg sib ntsib saum huab cua thiab.

Qhia cov neeg kawm txog EnglishConnect thiab BYU–Pathway Worldwide txoj kev kawm ntawv thiab txoj kev kawm ua hauj lwm EnglishConnect thiab BYU–Pathway Worldwide ua rau cov neeg muaj ib txoj kev kawm tej txuj ci tshiab nyob hauv qhov chaw uas muaj phooj ywg thiab muaj kev ntseeg. Koj nrhiav tau tej kev pab nyob ntawm byupathway.org/englishconnect.

Cia li pab cov neeg kawm sau npe rau hauv EnglishConnect 3 Saib feem hu ua “Kev Pab cov Neeg uas Kawm Koom tej Pawg EnglishConnect 3.”

Tej kev sib txuas lus nrog cov tub txib BYU–Pathway Worldwide hauv zej zog. Sib tham txog tej yam uas nej ua tau kom txhawb nqa cov neeg kawm thaum lawv kawm EnglishConnect 3 tiav mus rau hauv BYU–Pathway Worldwide.

Kev txais lwm yam kev pab ntxiv los ntawm lub Koom Txoos. Npaj kom muab tej yam pab ntxiv los ntawm lub Koom Txoos rau cov neeg uas kawm, xws li tej pawg kawm kom vam tau lawv tus kheej, cov tub hluas ntxhais hluas tej yam ntxim saib ntxim ua, thiab tej lub cib fim kom kawm ntxiv txog Yexus Khetos txoj moo zoo. Saib phab ntawv “Emotional, Educational, and Employment Resources” nyob ntawm ChurchofJesusChrist.org kom kawm ntxiv.