Mahitungod sa Kasinatian sa Pagtuon atol sa Semana Santa

Ang kataposang semana sa kinabuhi ni Jesukristo kasagarang gitawag nga Semana Santa. Kini nga giya sa pagtuon gituyo aron sa pagtabang kanimo sa paghinumdom sa mga panghitabo nianang semanaha. Gituyo usab kini aron magiyahan ka samtang imong masinati ang paglaom ug saad sa Pag-ula ug Pagkabanhaw sa Manluluwas sa imong kaugalingong kinabuhi. Samtang magkat-on ka bahin Kaniya, mobati sa Iyang gugma, ug mosunod sa Iyang ehemplo, makakaplag ka og kalinaw, paglaom, ug kalipay.

Kini nga kasinatian sa pagtuon gibase sa mga asoy gikan sa kataposang semana sa kinabuhi sa Manluluwas, sama sa natala sa Bag-ong Tugon, ug sa mga asoy sa Iyang pangalagad sa Amerika human sa Iyang Pagkabanhaw, sama sa natala sa Basahon ni Mormon. Dugang pa, ang karong tuiga nga giya sa pagtuon sa Dali, Sunod Kanako sa Pasko sa Pagkabanhaw nagtanyag og mga panabot mahitungod sa Pag-ula ug Pagkabanhaw sa Manluluwas nga makita sa Daang Tugon.

Para sa mga mensahe sa Pasko sa Pagkabanhaw gikan sa buhing mga Apostoles, tan-awa kining espesyal nga koleksyon sa bidyo. Alang sa dugang nga mga kapanguhaan sa online bahin sa Pag-ula ug Pagkabanhaw sa Manluluwas, bisitaha ang Easter.ChurchofJesusChrist.org.