“Mga Pagtulun-an Mahitungod sa Mas Taas nga Balaod,” Kasinatian sa Pagtuon atol sa Semana Santa (2026)
Miyerkoles
Mga Pagtulun-an Mahitungod sa Mas Taas nga Balaod
“Busa Ako manghinaot nga kamo mahimo nga hingpit sama nga Ako ingon, o ang inyong Amahan kinsa anaa sa langit hingpit” (3 Nephi 12:48).
Sama sa mga disipulo ni Jesus kinsa mipundok sa pagpaminaw sa Wali sa Bungtod sa Galilea, ang mga tawo kinsa mipundok diha sa templo sa Bountiful misunod sa balaod ni Moises. Apan samtang Siya mitudlo, si Jesus midapit sa katawhan nga mosunod sa mas taas nga balaod, nag-ingon: “Kadto nga mga butang nga lakip sa karaan nga panahon, diin ubos sa balaod, ngari kanako ang tanan natuman. Mga karaan nga butang milabay na, ug ang tanan nga mga butang nahimo nga bag-o” (3 Nephi 12:46–47).
Atol sa Abril 2023 nga kinatibuk-ang komperensiya, si Presidente Russell M. Nelson miawhag kanato sa pagpakabuhi sa mas taas ug mas balaan nga paagi. Mitudlo siya:
Isip mga disipulo ni Jesukristo, kita ang mga ehemplo kon unsaon sa pagtagad ang uban—ilabi na kon kita adunay managlahi nga opinyon. Usa sa kinasasayonang paagi sa pag-ila sa tinuod nga sumusunod ni Jesukristo mao ang kon unsa kamanggiloy-onang pagtratar nianang tawhana sa uban.
Ang Manluluwas miklaro sa Iyang mga wali ngadto sa mga sumusunod sa duha ka bahin sa kalibotan. “Bulahan ang naningkamot nga managdait ang katawhan,” miingon Siya. [Mateo 5:9]. …
Ang mensahe sa Manluluwas klaro: Ang Iyang tinuod nga mga disipulo molig-on, mobayaw, moawhag, moagni, ug modasig—bisan unsa pa ka lisod ang sitwasyon. Ang tinuod nga mga disipulo ni Jesukristo mga tigpasiugda og kalinaw. …
… Kon giunsa nato pagtagad ang usag usa importante kaayo! Kon unsaon nato pagpakigsulti sa uban ug paghisgot mahitungod kanila diha sa panimalay, sa simbahan, sa trabaho, ug sa online importante kaayo. Karon, ako mohangyo kanato sa pagtagad sa uban sa mas labaw, mas balaan nga paagi. ("Gikinahanglan ang mga Tigpasiugda og Kalinaw, Liahona, Mayo 2023, 98–99)
Mga Kasulatan ug Pangutana
Samtang nagbasa sa mga pagtulun-an ni Jesus nga naa sa ibabaw, unsa ang imong gihunahuna o nadasig nga buhaton aron mosunod kang Jesukristo?
Bidyo
Awit
Dali, Sunod Mo Kanako,” Mga Himno, nu. 64.
Kalihokan alang sa mga Bata
Ang Manluluwas mitudlo nga kinahanglan natong higugmaon ang uban. Unsa ang imong mahimo aron magpakita og gugma sa usa ka tawo karong semanaha? Pag-ampo ug paghimo og plano aron sa pagtabang kanila. Ania ang pipila ka mga ideya!
-
Pakigbahin og paborito nga meryenda o pagkaon.
-
Dapita sila sa pagdula o paggahin og panahon uban kanimo.
-
Pagsulat o pagdrowing og mubo nga sulat para nila.