Mga Panagna sa Pagkatawo ni Jesukristo

Sa mga 6 BC, daghan sa mga tawo nga nagpuyo sa Zarahemla sa karaang Amerika nawad-an sa ilang pagtuo diha ni Jesukristo. Mao nga ang Dios mipadala ni Samuel ang propeta sa pagpamatuod sa umaabot nga pagkatawo, kamatayon, ug Pagkabanhaw sa Manluluwas ug sa pagdapit sa katawhan sa paghinulsol ug sa pagtuo diha ni Jesukristo. Si Samuel mitagna sa mga timailhan kabahin sa pagkatawo ug kamatayon ni Jesus aron ang katawhan “unta masayod sa … iyang pag-anhi” ug “motuo sa iyang ngalan” (Helaman 14:12).

Karon nagpuyo kita sa panahon diin ang modernong mga propeta nagtagna sa Ikaduhang Pag-anhi sa nabanhaw nga Ginoo. Si Presidente Russell M. Nelson miingon:

Akong minahal nga mga kaigsoonan, daghan kaayong talagsaong mga butang anaa sa unahan. Sa umaabot nga mga adlaw, kita makakita sa labing dako nga mga pagpakita sa gahom sa Manluluwas nga sukad wala makita sa kalibotan. Tali karon ug sa adlaw sa Iyang pagbalik “uban sa gahom ug dakong himaya” [Joseph Smith—Mateo 1:36], Siya motanyag og dili maihap nga mga pribilehiyo, mga panalangin, ug mga milagro diha sa mga matinud-anon. (“Buntoga ang Kalibotan ug Pangita og Kapahulayan,” Liahona, Nob. 2022, 95)

Bidyo

4:32

Awit

“Maminaw Kita sa Propeta,” Mga Himno, nu. 16

3:51

Kalihokan alang sa mga Bata

Buhata kini nga pahina sa kalihokan aron makahibalo mahitungod sa lain-laing mga propeta gikan sa Basahon ni Mormon ug kon giunsa nila sa pagpanagna mahitungod ni Jesukristo. Unsa ang imong nakat-onan mahitungod ni Jesukristo gikan sa Basahon ni Mormon?