"Pagpasiugda sa Sakramento," Kasinatian sa Pagtuon atol sa Semana Santa (2026)
Dominggo sa Pasko sa Pagkabanhaw
Pagpasiugda sa Sakramento
“Ug kon kamo sa kanunay mohinumdom kanako, kamo makaangkon sa akong Espiritu uban kaninyo” (3 Nephi 18:7).
Si Jesukristo mipasiugda sa sakramento ngadto sa katawhan nga nagpundok aron maminaw Kaniya. Gipanalanginan Niya ang pan ug bino ug gisugo ang Iyang mga disipulo sa paghatag niini ngadto sa dako nga pundok sa katawhan. Siya dayon mitudlo, “Ug kon kamo sa kanunay magbuhat niini nga mga butang bulahan kamo, kay kamo natukod diha sa ibabaw sa akong lig-on nga sukaranan” (3 Nephi 18:12). Bisan tuod mubo lang ang panahon ni Jesukristo kauban sa mga Nephita, gigahinan niya og panahon nga ipangalagad pag-usab ang sakramento ngadto sa katawhan pagkasunod adlaw, nga nagpakita sa kamahinungdanon niini nga ordinansa.
Si Elder Gerrit W. Gong mitudlo mahitungod sa kamahinungdanon sa paghinumdom sa Manluluwas pinaagi sa ordinansa sa sakramento:
Matag semana, sa pag-ambit sa sakramento, makigsaad kita nga kanunayng mohinumdom Kaniya. Migamit sa dul-an sa 400 ka pakisayran sa kasulatan [scripture references] sa pulong nga mohinumdom, aniay unom ka paagi nga kita kanunayng makahinumdom Kaniya.
Una, kanunay kitang makahinumdom Kaniya pinaagi sa pagkamasaligon sa Iyang mga pakigsaad, mga saad, ug mga kaseguroan. …
Ikaduha, kanunay kitang makahinumdom Kaniya pinaagi sa mapasalamatong pag-ila sa Iyang impluwensiya sa tibuok natong kinabuhi. …
Ikatulo, kanunay kitang makahinumdom Kaniya pinaagi sa pagsalig kon ang Ginoo mopaneguro kanato nga “Siya kinsa naghinulsol sa iyang mga sala, ang mao gipasaylo, ug Ako, ang Ginoo, dili na mahinumdom kanila” [Doktrina ug mga Pakigsaad 58:42] …
Ikaupat, Iya kitang gidapit sa paghinumdom nga Siya kanunayng moabi-abi kanato sa pagpauli. …
Ikalima, kanunay kitang makahinumdom Kaniya sa adlawng Igpapahulay pinaagi sa sakramento. …
Sa kataposan, ang ikaunom, nagdapit kanato ang Manluluwas sa kanunay nga paghinumdom Kaniya sama sa Iyang kanunay nga paghinumdom kanato.
Mga Kasulatan ug Pangutana
Hain sa mga gisugyot ni Elder Gong ang imong gibati nga labing makatabang kanimo nga sulayan og una?
Isulat ang Imong mga Impresyon
Bidyo
Awit
“Unsa Kadako sa Kaalam ug sa Gugma,” Mga Himno, nu. 116.
Kalihokan alang sa mga Bata
Gihatag ni Jesukristo kanato ang sakramento aron matabangan kita nga mahinumdom Kaniya. Himoa kini nga buklet aron matabangan ka nga magmatinahuron ug maghunahuna sa Iyang gugma sa higayon nga moambit ka sa sakramento sa matag semana.