Pag-ayo sa Katawhan

Human sa taas nga adlaw sa pagpangalagad, samtang si Jesus nangandam sa pagbiya sa mga Nephita, nakita Niya nga “sila naghilak” ug dili ganahan nga Siya mobiya (3 Nephi 17:5). Isip tubag, ang Manluluwas mitanyag sa Iyang makaayo nga gahom. “Ang akong kasingkasing napuno sa kapuangod diha kaninyo,” Siya miingon (bersikulo 6), ug dayon mihangyo Siya nga ang mga masakiton dad-on ngadto Kaniya. “Ug Siya miayo kanila matag usa kanila nga gidala ngadto kaniya” (bersikulo 9).

Si Jesukristo sa samang paagi mitanyag og kapuangod ug pag-ayo ngari sa matag usa kanato karon. Si Presidente Russell M. Nelson mitudlo nga si Jesukristo mao ang tubag sa atong mga pangutana ug mga problema. Naghisgot kabahin sa pagdapit sa Manluluwas nga “mobalik ngari kanako, … nga aron unta Ako moayo kaninyo,” (3 Nephi 9:13), si Presidente Nelson miingon:

Si Jesukristo mitanyag sa sama nga pagdapit nganha kaninyo karon. Ako mohangyo kaninyo sa pagduol ngadto Kaniya aron Siya makaayo kaninyo! Siya moayo kaninyo gikan sa sala samtang kamo maghinulsol. Siya moayo kaninyo gikan sa kaguol ug kahadlok. Siya moayo kaninyo gikan sa mga pag-antos dinhi niini nga kalibotan.

Bisan unsa nga mga pangutana o mga problema nga ikaw aduna, ang tubag kanunay nga makaplagan diha sa kinabuhi ug mga pagtulun-an ni Jesukristo. Pagkat-on pa og dugang bahin sa Iyang Pag-ula, sa Iyang gugma, sa Iyang kalooy, sa Iyang doktrina, ug sa Iyang gipahiuli nga ebanghelyo bahin sa pagkaayo ug paglambo. Dangop ngadto Kaniya! Sunda Siya! (“Ang Tubag sa Kanunay Mao si Jesukristo,” Liahona, Mayo 2023, 127)

Bidyo

6:31

Awit

“Ako Nagpabilin nga Natingala,” Mga Himno, nu. 114

5:16

Kalihokan alang sa mga Bata

Basaha o tan-awa kining istorya sa kasulatan nga gihulagway aron mahibaloan kon giunsa ni Jesus pagpakita og kaayo ug pag-ayo sa mga tawo nga mituo Kaniya. Unsa ang imong mahimo aron makapakita og kaayo sa uban?