Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 180 – Ndërtimi i Mbështetjes te Vetja Sipas Mënyrës së Zotit: Ndërtimi i Mbështetjes te Vetja na Bekon Materialisht dhe Shpirtërisht

“Mësimi 180 – Ndërtimi i Mbështetjes te Vetja Sipas Mënyrës së Zotit: Ndërtimi i Mbështetjes te Vetja na Bekon Materialisht dhe Shpirtërisht”, Manuali i Mësuesit të Seminarit për Doktrinën e Besëlidhjet (2025)

“Ndërtimi i Mbështetjes te Vetja Sipas Mënyrës së Zotit”, Manuali i Mësuesit të Seminarit për Doktrinën e Besëlidhjet

Mësimi 180: Ndërtimi i Mbështetjes te Vetja

Ndërtimi i Mbështetjes te Vetja Sipas Mënyrës së Zotit

Ndërtimi i Mbështetjes te Vetja na Bekon Materialisht dhe Shpirtërisht

Shpëtimtari shpalli: “Është qëllimi im për të siguruar për shenjtorët e mi. … Por duhet të bëhet sipas mënyrës sime” (Doktrina e Besëlidhje 104:15–16). Jezu Krishti i ndihmon shenjtorët e Tij të ndërtojnë mbështetjen te vetja në mënyrë që ata të sigurojnë për veten dhe të mësojnë t’i bekojnë të tjerët siç bën Ai. Ky mësim mund t’i ndihmojë nxënësit të kuptojnë nevojën për të ndërtuar mbështetjen te vetja sipas mënyrës së Zotit.

Veprimtari të Mundshme të të Mësuarit

Mbështetja te vetja

Merreni parasysh ta filloni mësimin duke zbuluar se çfarë kanë kuptuar tashmë nxënësit rreth mbështetjes te vetja. Ju mund të shkruani Mbështetja te vetja në tabelë dhe t’u kërkoni nxënësve të përshkruajnë se çfarë kuptimi ka ajo dhe përse është e rëndësishme të përpiqemi për të.

Mund t’i ndihmoni ata të diskutojnë se çfarë dinë rreth mbështetjes te vetja duke paraqitur figura të një vakti me peshq dhe të disa mjeteve për peshkim. Kërkojuni nxënësve të diskutojnë se cila figurë përmban sendet më të dobishme që dikush të ndërtojë mbështetje te vetja në sigurimin e ushqimit për familjen e tij. Nëse doni mund t’i paraqitni dy thëniet më poshtë si pjesë të diskutimit.

Presidenti Gordon B. Hinkli (1910–2008) shpjegoi vlerën e të mësuarit për të siguruar për veten:

“Ka një thënie të vjetër që, nëse i jep një njeriu një peshk, ai do të ketë një vakt për një ditë. Por, nëse e mëson të peshkojë, ai do të ketë ushqim për tërë jetën.” (Gordon B. Hinckley, “The Perpetual Education Fund”, Ensign, maj 2001, f. 52)

Presidenca e Parë dha mësim sa vijon rreth mbështetjes te vetja:

“Zoti ka shpallur: ‘Është qëllimi im për të siguruar për shenjtorët e mi’ [Doktrina e Besëlidhje 104:15]. Kjo zbulesë është një premtim nga Zoti se Ai do të sigurojë bekime materiale dhe do ta hapë derën e mbështetjes te vetja, e cila është aftësia jonë që t’i sigurojmë nevojat e jetës për veten dhe pjesëtarët e familjes sonë. …

Ju lutemi, jini i sigurt se ju jeni një fëmijë i Atit tonë në Qiell. Ai ju do dhe nuk do t’ju braktisë asnjëherë. Ai ju njeh dhe është gati t’ju japë bekimet shpirtërore dhe materiale të mbështetjes te vetja.” (Presidenca e Parë, në My Foundation for Self-Reliance [2016], f. 3)

Çfarë mëson nga këto thënie rreth mbështetjes te vetja?

Pasi klasa të ketë diskutuar për thëniet e mëparshme, merreni parasysh t’i ftoni nxënësit t’ia përmbledhin kuptueshmërinë e tyre për mbështetjen te vetja një partneri. Mund të jetë e dobishme të vazhdoni të paraqitni thënien e mëparshme nga Presidenca e Parë për referencë. Më pas ftoni vullnetarë t’ia tregojnë përmbledhjet e tyre klasës.

Sigurohuni që nxënësit të kuptojnë se me ndihmën e Zotit, ne mund të krijojmë mbështetje te vetja për të siguruar nevojat e jetës për veten dhe familjet tona.
Përse mendon se ndërtimi i mbështetjes te vetja është i rëndësishëm për t’u kuptuar sa je i ri/e re?
Nëse dikush ndihet i mbingarkuar nga mendimi i mbështetjes te vetja, çfarë mund t’i kujtosh atij rreth Atit Qiellor dhe Jezu Krishtit që mund t’i japë atij shpresë?

Për t’i ndihmuar nxënësit të shohin mënyrat praktike se si parimet e mbështetjes te vetja gjejnë zbatim për ta, merreni parasysh t’i shkruani temat vijuese në tabelë: arsimim, shëndet, punësim, financa, forcë shpirtërore. Ndajini nxënësit në grupe dhe caktojini një temë secilit grup. Ftojini nxënësit ta diskutojnë sa vijon në grupet e tyre dhe më pas t’ia tregojnë klasës atë që diskutuan.

Përgjigju për pyetjet vijuese nisur nga njëra prej këtyre temave: arsimim, shëndet, punësim, financa ose forcë shpirtërore:

Si do ta përshkruaje dikë që ka mbështetje te vetja në këtë fushë?
Si mund të nisë një adoleshent të krijojë mbështetje te vetja në atë fushë? Si mund ta ftojë ai Zotin për ta ndihmuar?
Cilat janë dobitë e të mësuarit për të bërë më shumë gjëra për veten në këtë fushë?

Nxitini nxënësit t’u kushtojnë vëmendje nxitjeve nga Fryma e Shenjtë rreth mënyrës se si ata mund të sigurojnë të ardhura për veten. Ndihmojini nxënësit të kuptojnë se edhe kur mund të bëjnë gjëra vetë, është gjithsesi e nevojshme që ata të mbështeten te Zoti. Gjithashtu, mund të jetë e përshtatshme të kërkojnë ndihmë nga të tjerët ndonjëherë.

Mbështetja te vetja sipas mënyrës së Zotit

Ndërtimi i Mbështetjes te Vetja Sipas Mënyrës së Zotit

Studioji referencat nga shkrimet e shenjta dhe thëniet më poshtë duke kërkuar për përgjigje për të dyja pyetjet vijuese:

Çfarë mësimi ka dhënë Zoti në shkrimet e shenjta dhe nëpërmjet profetëve të Tij që mund të na ndihmojë të ndërtojmë mbështetje te vetja?
Çfarë pengesash mund të hasë dikush për të cilat do t’i nevojitet ndihma e Atit Qiellor për ta kapërcyer?

Presidenti Ezra Taft Benson (1899–1994) dha mësim:

“Zoti vepron nga brenda jashtë. Bota vepron nga jashtë brenda. Bota synon t’i nxjerrë njerëzit prej skamjes që i rrethon. Krishti e nxjerr skamjen shpirtërore nga njerëzit dhe pastaj ata e nxjerrin veten nga skamja që i rrethon. Bota synon t’i brumosë njerëzit duke ndryshuar mjedisin e tyre. Krishti i ndryshon njerëzit, të cilët më pas e ndryshojnë mjedisin e tyre. Bota synon t’i japë formë sjelljes njerëzore, por Krishti mundet ta ndryshojë natyrën njerëzore.” (Ezra Taft Benson, “Born of God”, Ensign, nëntor 1985, f. 6)

Presidenti Diter F. Uhtdorf, asokohe i Presidencës së Parë, shpjegoi:

“Mënyra e Zotit nuk është të ulemi buzë përroit të problemeve dhe të presim sa të thahet uji përpara se të kalojmë. Mënyra e Zotit është që të mblidhemi së bashku, të përveshim mëngët, të shkojmë të punojmë dhe të ndërtojmë një urë ose një barkë që të kalojmë ujërat e sfidave tona.” (Diter F. Uhtdorf, “Ndihma sipas Mënyrës së Zotit”, Liahona, nëntor 2011, f. 54)

Siguroni një mundësi që grupet t’ia tregojnë klasës përgjigjet dhe pikëpamjet që patën gjatë studimit të tyre. Ata gjithashtu mund të tregojnë shembuj të mënyrës se si Zoti i ka bekuar ata në përpjekjet e tyre për t’i jetuar parimet e mbështetjes te vetja.

Shpëtimtari u zhvillua nga hiri në hir

Nxënësit mund të dallojnë se mund të jetë mbingarkuese të përpiqesh të krijosh mbështetje te vetja në shumë fusha të ndryshme njëherazi. Shpjegoni se ne mund të mësojmë nga shembulli i Shpëtimtarit që ndërtimi i mbështetjes te vetja kërkon kohë. Merreni parasysh ta paraqitni figurën vijuese ndërsa nxënësit e lexojnë fragmentin vijues nga shkrimet e shenjta.

Lexo te Doktrina e Besëlidhje 93:11–13, duke kërkuar atë që dha mësim Gjon Pagëzori rreth zhvillimit të Shpëtimtarit. (Një pjesë e shkrimeve të Gjon Pagëzorit iu zbulua Jozef Smithit dhe u shënua te seksioni 93.)

Nëse nxënësve u nevojitet ndihmë për t’iu përgjigjur pyetjeve vijuese, nëse doni mund të shpjegoni se vazhdimi nga hiri në hir do të thotë përmirësim pak e nga pak me ndihmën hyjnore. Mund t’i vini nxënësit të lexojnë te 2 Nefi 28:30 për t’i ndihmuar ata të shohin se si edhe nevojitet të përparojmë “rresht pas rreshti”.

Çfarë mendon se do të thotë që Shpëtimtari “vazhdoi nga hiri në hir”? (vargu 13).
Si mund të të ndihmojë shembulli i Shpëtimtarit i vazhdimit nga hiri në hir në përpjekjet e tua për të ndërtuar mbështetje shpirtërore dhe tokësore te vetja?

Ndërtimi i mbështetjes te vetja në jetën tënde

Ftojini nxënësit të reflektojnë mbi atë që Fryma e Shenjtë mund t’u ketë dhënë mësim atyre rreth ndërtimit të mbështetjes te vetja. Për t’i ndihmuar ata të reflektojnë, ju mund të paraqitni pyetjet vijuese. Ftojini nxënësit të vlerësojnë gjendjen e tyre të tanishme të mbështetjes te vetja duke përsiatur ose duke u përgjigjur për pyetjet vijuese në ditarët e tyre të studimit.

Sa i/e sigurt ndihem për ndërtimin e mbështetjes te vetja në fusha të ndryshme të jetës sime?
Përse është e dobishme të filloj zhvillimin e aftësisë për të siguruar të ardhura për veten në këto fusha?
Si mund ta përfshij Zotin në ndërtimin e një mbështetjeje më të madhe te vetja në jetën time?

Ftojini nxënësit të marrin parasysh mënyrat e veçanta se si mund të fillojnë të ndërtojnë mbështetje te vetja në jetën e tyre. Ju mund të jepni edhe mendimet dhe dëshminë tuaj rreth fuqisë së arritjes së mbështetjes te vetja dhe se si ajo e ka bekuar jetën tuaj.

Burime Shtesë

Përse duhet të zhvilloj mbështetje te vetja?

Presidenti Dallin H. Ouks, i Presidencës së Parë, dha mësim:

“Çfarëdo që na bën të jemi të varur nga dikush tjetër për vendime apo burime që mund t’i siguronim vetë, na dobëson shpirtërisht dhe e vonon rritjen tonë drejt asaj që plani i ungjillit synon që ne të jemi.” (Dallin H. Oaks, “Repentance and Change”, Liahona, nëntor 2003, f. 40)

Plaku Hugo E. Martinez, i Të Shtatëdhjetëve, dha mësim:

10:10

“Përpjekja fort për të qenë të mbështetur te vetja është pjesë e punës sonë gjatë shtegut [të besëlidhjes] që na kthen sërish tek Ati Qiellor dhe Biri i Tij, Jezu Krishti. Do të na e forcojë besimin te Jezu Krishti dhe do të na lidhë gëzueshëm me Të nëpërmjet besëlidhjeve dhe ordinancave të shpëtimit dhe ekzaltimit. Mbështetja te vetja është një doktrinë e ungjillit të Jezu Krishtit, jo një program. Është një proces që zgjat një jetë të tërë, jo një ndodhi.” (Hugo E. Martinez, “T’ua Mësojmë Fëmijëve dhe Rinisë Mbështetjen te Vetja”, Liahona, maj 2022, f. 95)

Shih gjithashtu “Become Self-Reliant to Better Serve the Lord” [“Bëhuni të Mbështetur te Vetja për t’i Shërbyer më Mirë Zotit”] nga Plaku Alfred Kiungu, i Të Shtatëdhjetëve (Africa Central Local Pages, Liahona, qershor 2021).

Çfarë do të thotë të jesh i/e mbështetur te vetja shpirtërisht?

Plaku Kent F. Riçards, i Të Shtatëdhjetëve, shpjegoi:

“[Mbështetja shpirtërore te vetja] është gjithashtu njëfarë termi i papërshtatshëm; në realitet nuk do të thotë të qëndroni mbi këmbët tuaja dhe të krijoni lumturinë tuaj: do të thotë të bëjmë gjithçka që mundemi dhe më pas ta lejojmë hirin e Atit, Birit dhe Frymës së Shenjtë të na ngrejë përmbi kapacitetin tonë. Kjo do të thotë të bëjmë gjithçka që mundemi për rritjen dhe nxënien tonë shpirtërore, duke kuptuar se ne nuk mund t’ia dalim mbanë pa ndihmën mbështetëse të fuqisë dhe dhuratave shpirtërore në vende të larta. …

Mbështetje shpirtërore te vetja nuk do të thotë se duhet ta bëni vetëm atë, por do të thotë se ju duhet të merrni komandën dhe ta nisni këtë proces. Ndërkohë që duhet të bëni zgjedhjet tuaja nëpërmjet lirisë suaj të zgjedhjes, ju nuk mund t’ia dilni mbanë përfundimisht të vetëm. Ati Qiellor e dinte këtë kur e krijoi planin e Tij. Ai do të na bekojë çdo ditë nëpërmjet Frymës së Shenjtë, ndërsa kualifikojmë veten çdo ditë.” (Kent F. Richards, “Spiritual Self–Reliance” [takim shpirtëror i Kolegjit “Ensign”, 11 qershor 2019], ensign.edu)

Si mund të zhvilloj mbështetje shpirtërore te vetja?

Plaku Robert D. Hejls (1932–2017), i Kuorumit të Dymbëdhjetë Apostujve, shpjegoi:

“Ne kthehemi në besim dhe bëhemi shpirtërisht të mbështetur te vetja kur i jetojmë me lutje besëlidhjet tona – nëpërmjet marrjes së sakramentit denjësisht, të qenit të denjë për një rekomandim tempulli dhe duke sakrifikuar për t’u shërbyer të tjerëve.” (Robert D. Hejls, “Të Vijmë në Vete: Sakramenti, Tempulli dhe Sakrifica e Shërbimit”, Liahona, maj 2012, f. 34)

Veprimtari Plotësuese të të Mësuarit

programi Gospel Library [Biblioteka e Ungjillit]

Nëse është në dispozicion, ftojini nxënësit të hyjnë te nënndarja “Mbështetja te Vetja” në programin Gospel Library [Biblioteka e Ungjillit]. Ajo gjendet poshtë pjesës “Ndihmë për Jetën”. Merreni parasysh t’u jepni atyre pak kohë për të eksploruar pjesë të ndryshme në dispozicion në pjesën “Mbështetja te Vetja”. Nxënësit mund të zgjedhin t’i hedhin një sy një manuali për mbështetjen te vetja që u intereson atyre. Ata mund ta nisin duke lexuar mesazhin nga Presidenca e Parë që gjendet në fillim të secilit manual. Pas disa minutash shfletimi, nxënësit mund t’ua tregojnë të tjerëve atë që gjetën.

Një fillm alternativ

Merreni parasysh të shfaqni materialin filmik “Solve Problems and Make Decisions” [“Zgjidhni Probleme dhe Merrni Vendime”] (1:55). Nxënësit mund të kërkojnë për atë që delja e ndihmon derrin të mësojë rreth ndërtimit të mbështetjes te vetja. Mund të përdorni pyetje si ato në vijim për të drejtuar një diskutim:

Në ç’mënyrë mund të jeni të ngjashëm me derrin? Cilat janë disa situata fizike, shpirtërore, arsimore ose të tjera me të cilat përballeni, ku jeni të prirur të mbështeteni te të tjerët në vend që të ndërtoni mbështetje te vetja?
Kush janë disa dele të ditëve të sotme që mund të na ndihmojnë të ndërtojmë mbështetje më të madhe te vetja?

1:54

Material filmik

Nëse nxënësit do të kishin dobi nga marrja e mësimeve të mëtejshme rreth mbështetjes te vetja, ju mund të shfaqni materialin filmik “He Polished My Toe” [“Ai më Lustroi Thoin”] (2:02). Ndërsa nxënësit e shohin materialin filmik, ata mund të bëjnë një listë të mësimeve që mësojnë nga përvoja e Plakut Enrike R. Falabela. Pas materialit filmik, nxënësit mund të tregojnë atë që mësuan dhe se si ato mësime gjejnë zbatim në të qenit i mbështetur te vetja.

2:2