Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 156 – Deklarata Zyrtare 2: Zbulesë mbi Priftërinë

“Mësimi 156 – Deklarata Zyrtare 2: Zbulesë mbi Priftërinë”, Manuali i Mësuesit të Seminarit për Doktrinën e Besëlidhjet (2025)

“Deklarata Zyrtare 2”, Manuali i Mësuesit të Seminarit për Doktrinën e Besëlidhjet

Mësimi 156: Nenet e Besimit dhe Deklaratat Zyrtare 1 dhe 2

Deklarata Zyrtare 2

Zbulesë mbi Priftërinë

Ndërsa ungjilli u përhap anembanë botës gjatë shekullit të njëzetë, udhëheqësit e Kishës u lutën për udhërrëfim lidhur me një rregull që i kufizonte anëtarët e Kishës me prejardhje afrikane të merrnin priftërinë. Shumë shenjtorë zgjodhën të ushtronin besimin te Jezu Krishti ndërsa u përballën me pyetje rreth këtij rregulli. Më 8 qershor 1978, Presidenca e Parë njoftoi një zbulesë që i hoqi këto kufizime. Ky mësim mund t’i ndihmojë nxënësit të veprojnë me besim kur përballen me situata të pasigurta ose pyetje shpirtërore.

Veprimtari të Mundshme të të Mësuarit

Shembuj besimi

Merreni parasysh ta filloni mësimin duke i ftuar nxënësit të mendojnë rreth njerëzve që njohin, të cilët ushtruan besim të madh te Jezu Krishti në një situatë të vështirë. Më pas shpjegoni se Plaku Elvesio Martins (1930–2005), i Të Shtatëdhjetëve, dhe bashkëshortja e Tij, Ruda, u përballën një herë me një situatë që kërkoi besim të madh. Ju ose një nxënës mund t’ia lexoni paragrafin vijues klasës.

Në prill të vitit 1972, misionarë nga Kisha e Jezu Krishtit e Shenjtorëve të Ditëve të Mëvonshme vizituan apartamentin e Elvesio dhe Ruda Martins në Rio de Zhaneiro, Brazil. Familja Martins fitoi shpejt një dëshmi për vërtetësinë e mesazhit të misionarëve. Gjithashtu, ata mësuan rreth një rregulli të Kishës që i kufizonte meshkujt me ngjyrë me prejardhje afrikane të shuguroheshin në priftëri. Elvesio dhe Ruda, të cilët ishin me prejardhje afrikane, patën pyetje për misionarët (shih te “Elder Helvécio Martins of the Seventy”, Ensign, maj 1990, f. 106; Mark Grover, The Autobiography of Elder Helvécio Martins [1994], f. 43).

Çfarë pyetjesh mund t’u kishe bërë misionarëve po të kishe qenë në këtë situatë?
Cilat janë disa nga mënyrat e mundshme se si mund të reagojë dikush ndaj një situate si kjo?

Ftojini nxënësit të mendojnë rreth situatave të pasigurta me të cilat po përballen ose janë përballur në jetën e tyre. Kjo mund të përfshijë pyetje shpirtërore pa përgjigje që ata i kanë aktualisht. Ata mund të shkruajnë rreth situatave ose pyetjeve në ditarët e tyre të studimit. Inkurajojini nxënësit t’u kushtojnë vëmendje mësimeve ose nxitjeve të Shpirtit që mund t’i ndihmojnë ata në rrethanat e tyre.

Të vepruarit me besim

Për t’i ndihmuar nxënësit të shohin se si reagoi familja Martins ndaj kësaj situate, merreni parasysh ta ftoni një nxënës t’ia lexojë paragrafët vijues me zë të lartë klasës:

Pasi mësoi rreth kufizimit të priftërisë, familja Martins zgjodhi të vepronte me besim. Shpejt ata u pagëzuan dhe shërbyen me besnikëri në Kishë për shumë vjet. Plaku Martins më vonë kujtoi: “Ne e kishim gjetur të vërtetën dhe asgjë nuk do të na ndalonte për ta jetuar atë.”

Në vitin 1975, Kisha shpalli se një tempull do të ndërtohej në San-Paolo të Brazilit. “Ndonëse nuk prisnim të hynim në të, ne punuam për ndërtimin e tempullit njëlloj si anëtarët e tjerë”, – kujton Plaku Martins. ‘Tekefundit, ishte shtëpia e Zotit.’ Motra Martins shiti bizhuteritë e saj për të ndihmuar me mbledhjen e fondeve dhe Vëllai Martins shërbeu në komitetin e publicitetit” (te “Plaku Helvécio Martins of the Seventy”, Ensign, maj 1990, f. 106).

Çfarë të bën përshtypje në lidhje me reagimin e familjes Martins?
Pse mendon se ata zgjodhën të vepronin me besim në këtë situatë?

Nëse është e nevojshme, vini në dukje se në vend që të përqendrohej në atë që nuk dinte, familja Martins u përqendrua tek e vërteta që Perëndia ua kishte zbuluar nëpërmjet Frymës së Shenjtë.

Merreni parasysh t’i ftoni nxënësit të bëjnë një listë të të vërtetave që dinë rreth Atit Qiellor, Jezu Krishtit dhe ungjillit që mund t’i ndihmojnë të ecin përpara me besim kur përballen me pyetje ose situata të pasigurta. Më pas ftojini ta tregojnë atë që shkruan dhe të shpjegojnë mënyrën se si ato të vërteta mund t’i ndihmojnë të ecin përpara me besim.

Deklarata Zyrtare 2

Për t’i ndihmuar nxënësit të kuptojnë rrethanat që lidhen me kufizimin e priftërisë dhe zbulesën që e hoqi atë, ftojini të gjejnë hyrjen te Deklarata Zyrtare 2 në shkrimet e tyre të shenjta. Nëse është e nevojshme, siguroni kopje të hyrjes për nxënësit që kanë botime më të vjetra të shkrimeve të shenjta.

Lexoje hyrjen te Deklarata Zyrtare 2, duke kërkuar informacion për kontekst historik që lidhet me këtë deklaratë.

Çfarë mendon se është e rëndësishme të kuptosh nga ky paragraf?

Shpjegoni se rreshti ku thuhet: “Analet e Kishës nuk japin pikëpamje të qarta lidhur me zanafillat e kësaj praktike”, – përfaqëson pozicionin zyrtar të Kishës për kufizimin e priftërisë. Është e rëndësishme që të mos spekulojmë rreth arsyes përse ishte vendosur kufizimi.

Mund të merrni parasysh të vini në dukje edhe referencën për vargun te 2 Nefi 26:33 në fjalinë e parë të hyrjes. Merreni parasysh t’i ftoni nxënësit ta lexojnë këtë varg dhe të tregojnë të vërtetat që do të ishin të rëndësishme për t’u mbajtur mend kur mendojnë për këtë rregull.

Deklarata Zyrtare 2 përmban njoftimin zyrtar të zbulesës së marrë nga Presidenca e Parë dhe Kuorumi i Dymbëdhjetë Apostujve më 1 qershor 1978.

Në vend që të studioni materialin Deklarata Zyrtare 2 si klasë, merreni parasysh t’i ftoni nxënësit ta studiojnë atë me një grup të vogël. Nëse janë në dispozicion, ata mund të përdorin burimet nga “The Long-Promised Day” (Liahona, qershor 2018, f. 34–37) për t’i ndihmuar t’i kuptojnë më mirë disa nga thëniet e bëra në Deklaratën Zyrtare 2.

Lexoji katër paragrafët e parë nën frazën “Të Dashur Vëllezër” te Deklarata Zyrtare 2. Merre parasysh të shenjosh fjalë ose fraza që ndien se janë të rëndësishme.

Çfarë të bëri përshtypje nga ajo që lexove?
Çfarë të ndihmon të kuptosh ose ndiesh kjo përvojë rreth Atit Qiellor dhe Jezu Krishtit?

Ndikimi i zbulesës

Kjo zbulesë pati një ndikim të thellë te burrat dhe gratë anembanë botës. Pak kohë pasi u mor, në Afrikë u dërguan misionarë. Që atëherë janë ndërtuar tempuj në atë kontinent dhe qindra mijëra njerëz me prejardhje afrikane anembanë botës kanë marrë ordinancat e ungjillit për veten dhe paraardhësit e tyre që kanë ndërruar jetë.

Shpjegoni se ndër ata që u ndikuan nga zbulesa ishin Elvesio dhe Ruda Martins. Merreni parasysh ta ftoni një nxënës t’ia lexojë paragrafët vijues me zë të lartë klasës:

Pasi mësoi rreth zbulesës që e shtriu priftërinë te të gjithë meshkujt e denjë, Elvesio kujtoi:

“Nuk mund ta përmbaja emocionin. Ruda dhe unë shkuam në dhomën e gjumit, ramë në gjunjë dhe u lutëm. Derdhëm lot teksa e falënderonim Atin tonë në Qiell për një ngjarje të cilën vetëm e kishim ëndërruar. Dita kishte mbërritur në të vërtetë dhe në jetën tonë në vdekshmëri” (The Autobiography of Elder Helvécio Martins [1994], f. 69–70).

Menjëherë pas zbulesës së vitit 1978, familja Martins u vulos në tempull. Elvesio u bë një udhëheqës i priftërisë vendore dhe përfundimisht u thirr për të shërbyer si një anëtar i Të Shtatëdhjetëve (shih te “Elder Helvécio Martins of the Seventy”, f. 106).

Si mund të kishin qenë gjërat ndryshe për familjen Martins nëse do të kishte zgjedhur të mos e ushtronte besimin te Jezu Krishti?
Çfarë mësove nga shembulli i familjes Martins që mund të të ndihmojë për situatat e pasigurta ose pyetjet pa përgjigje?

Si pjesë e diskutimit tuaj, merreni parasysh të shkruani të vërtetën vijuese në tabelë: Kur veprojmë me besim gjatë situatave të pasigurta, ne e përgatitim veten për të marrë bekimet e Zotit.
Cilat janë disa mënyra se si mund të veprosh me besim kur përballesh me situata të pasigurta ose pyetje shpirtërore?

Nëse është e nevojshme, nxënësit mund të gjejnë ide në paragrafët 5–7 te pjesa “Marrja e Njohurisë Shpirtërore” e materialit Dokumenti Bazë i Zotërimit Doktrinor (2023).
Si të ka bekuar Zoti ty ose njerëzit që njeh për shkak të të vepruarit me besim?

Bëj një plan

Kujtojuni nxënësve situatën ose pyetjen nga jeta e tyre që e menduan në fillim të mësimit. Më pas ftojini ata t’u përgjigjen pyetjeve vijuese në ditarët e tyre të studimit:

Çfarë ke mësuar ose ndier sot që mund të të ndihmojë për situatat e tua të pasigurta ose pyetjet shpirtërore?
Çfarë është diçka specifike që do ta bësh për të ushtruar besimin te Jezu Krishti në këto situata?

Burime Shtesë

Ku mund të mësoj më shumë rreth kufizimit të priftërisë dhe zbulesës së njoftuar te Deklarata Zyrtare 2?

Shihini burimet vijuese:

“Extending the Blessings of the Priesthood” (Liahona, qershor 2018)
“Priesthood and Temple Restriction” [“Kufizimet e Priftërisë dhe të Tempullit”] (Temat e Historisë së Kishës)
“Raca dhe Priftëria” (Ese mbi Temat e Ungjillit)
“Zbulesat e Verës së Vitit 1978” (Ese Personale nga Plaku Ahmad Korbit i Të Shtatëdhjetëve)

Si e kërkuan udhëheqësit e Kishës udhërrëfimin e Zotit përpara se ta merrnin këtë zbulesë?

Presidenti Spenser W. Kimball (1895–1985), që ishte President i Kishës kur u mor zbulesa, kujtoi:

“E dija se qe përpara nesh diçka që ishte jashtëzakonisht e rëndësishme për shumë prej fëmijëve të Perëndisë. … Ditë pas dite shkova i vetëm dhe me solemnitet e seriozitet të madh në dhomat e sipërme të tempullit dhe atje ofrova shpirtin tim dhe ofrova përpjekjet e mia për të ecur përpara me programin. Unë doja të bëja atë që donte Ai. I fola për këtë Atij dhe i thashë: ‘Zot, unë dëshiroj vetëm atë që është e drejtë. … Ne duam vetëm gjënë që Ti vërtet e do dhe e duam atë kur Ti e do dhe jo më përpara.’ …

Zoti ma bëri tepër të qartë se çfarë duhej bërë.” (Teachings of Presidents of the Church: Spencer W. Kimball [2006], f. 238–239)

Si ishte për udhëheqësit e Kishës që e përjetuan këtë zbulesë?

Presidenti Gordon B. Hinkli (1910–2008), i cili ishte anëtar i Kuorumit të Dymbëdhjetë Apostujve në kohën kur u mor zbulesa, dëshmoi se si ishte të ishe në tempull atë ditë:

“U bashkuam në lutje në rrethanat më të shenjta të mundshme. Vetë Presidenti Kimball ishte zëri në atë lutje. … Në dhomë pati një atmosferë të shenjtë dhe të shenjtëruar. Unë vetë, ndjeva sikur u hap një shteg midis fronit qiellor dhe profetit të gjunjëzuar, të përgjëruar të Perëndisë, me të cilin u bashkuan Vëllezërit e tij. Shpirti i Perëndisë ishte atje. Dhe me anë të fuqisë së Frymës së Shenjtë, atje, atij profeti i erdhi siguri se gjëja për të cilën ishte lutur, ishte e drejtë. …

Ne të gjithë e dinim se kishte ardhur koha për një ndryshim dhe se vendimi kishte ardhur nga qiejt. Përgjigjja ishte e qartë. Pati unitet të përsosur mes nesh në përvojën tonë dhe në kuptueshmërinë tonë.” (Gordon B. Hinckley, “Priesthood Restoration”, Ensign, tetor 1988, f. 69–70)

Veprimtari Plotësuese të të Mësuarit

Materiale Filmike

Merreni parasysh të përdorni një ose më shumë nga materialet filmike vijuese gjatë disa pjesëve të mësimit. Këto materiale filmike mund t’i ndihmojnë nxënësit të shohin shembuj të shenjtorëve besnikë, edhe përpara, edhe pas zbulesës që i hoqi kufizimet e priftërisë.

“Long-Promised Day” [“Dita e Premtuar prej Shumë Kohësh”] (8:41). Ky material filmik portretizon shenjtorët në Ganë, që e pritën gjatë mundësinë për të mbajtur priftërinë.

8:41
“Be One – A Celebration of the Revelation on the Priesthood” [“Bëhuni Një – Një Kremtim i Zbulesës mbi Priftërinë”] nga kodi kohor 1:06:55 deri në 1:09:14. Shenjtorët e ditëve të mëvonshme me ngjyrë përshkruan se si e ka bekuar priftëria jetën e tyre.

4:28
“A New Day” [“Një Ditë e Re”] (2:24). Shenjtorët e ditëve të mëvonshme me ngjyrë tregojnë reagimet e tyre ndaj zbulesës së vitit 1978.

2:19

Veprimtari me shpjegim

Nxënësit mund të përjetojnë raste në jetën e tyre kur do t’u kërkohet të shpjegojnë përse ekzistonin kufizimet e priftërisë. Merreni parasysh t’i lejoni ta ushtrojnë këtë në orën mësimore. Përpara se të ushtrojnë shpjegimin, mund të jetë e dobishme t’u kujtoni atyre se ne nuk i dimë arsyet përse ishte në fuqi ky rregull (shihni te Hyrja e Deklaratës Zyrtare 2).

Më pas, merreni parasysh t’i ftoni nxënësit t’u përgjigjen pyetjeve vijuese. Nxënësit mund të ushtrojnë dhënien e përgjigjeve për to me një partner ose grup të vogël.

Nëse dikush do t’ju pyeste përse ekzistonin kufizimet e priftërisë dhe të tempullit, cilat të vërteta mendoni se do të ishin më të rëndësishme që do t’i ndihmonin ata të kuptonin? Përse?

Pasi nxënësit të kenë ushtruar të shpjeguarit, kërkojuni të tregojnë se te cilat të vërteta u përqendruan. Nëse është e nevojshme, theksoni se ne e dimë se Perëndia i do të gjithë fëmijët e Tij dhe i fton të gjithë të vijnë tek Ai (shihni te 2 Nefi 26:33). Ne gjithashtu e dimë se profetët kërkojnë dhe marrin udhërrëfimin e Zotit për drejtimin e Kishës së Tij.

Shembull i të vepruarit me besim

Merreni parasysh të jepni kujtimin vijues nga Presidenti Dallin H. Ouks, i Presidencës së Parë. Ftojini nxënësit të kërkojnë mënyrën se si i trajtoi ai pyetjet pa përgjigje që pati kur ishte në fuqi kufizimi i priftërisë.

95:12

“Unë pashë dhembjen dhe zhgënjimin që përjetuan ata, të cilët i përjetuan këto kufizime dhe ata që … kërkonin arsye. I studiova arsyet që po jepeshin në atë kohë, dhe nuk mund ta ndieja pohimin e së vërtetës për asnjërën prej tyre. Si pjesë e studimit tim plot lutje, mësova se, në përgjithësi, Zoti rrallëherë jep arsye për urdhërimet dhe udhëzimet që Ai ua jep shërbëtorëve të Tij. Vendosa të jem besnik ndaj udhëheqësve tanë profetikë dhe të lutem – siç është premtuar që nga fillimi i këtyre kufizimeve – se do të vinte dita kur të gjithë do t’i gëzonin bekimet e priftërisë dhe të tempullit.” (“President Oaks Remarks at Worldwide Priesthood Celebration”, newsroom.ChurchofJesusChrist.org)

Çfarë mësuat nga përgjigjja e Presidentit Ouks që mund t’ju ndihmojë kur keni pyetje rreth një doktrine ose rregulli të Kishës?
Përse mendoni se është e rëndësishme të jemi besnikë ndaj udhëheqësve tanë profetikë ndërsa presim përgjigje për pyetjet tona?

Të zgjedhësh besimin në vend të dyshimit

Merreni parasysh të shfaqni “Doubt Not, but Be Believing” [“Mos Dyshoni, por Jini Besues”] nga kodi kohor 15:26 deri në 20:28. Në këtë material filmik, Plaku Dejll G. Renland, i Kuorumit të Dymbëdhjetë Apostujve dhe Motra Ruth L. Renland, përshkruajnë shembuj të dy njerëzve që iu përgjigjën ndryshe pyetjeve të tyre për ungjillin, njëri me dyshim dhe tjetri me besim. Pasi të shfaqni materialin filmik, ftojini nxënësit të tregojnë mësimet ose pikëpamjet që u bënë përshtypje atyre.

37:50