Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 154 – Nenet e Besimit: Të Mësuarit e të Vërtetave Themelore të Ungjillit të Shpëtimtarit

“Mësimi 154 – Nenet e Besimit: Të Mësuarit e të Vërtetave Themelore të Ungjillit të Shpëtimtarit”, Manuali i Mësuesit të Seminarit për Doktrinën e Besëlidhjet (2025)

“Nenet e Besimit”, Manuali i Mësuesit të Seminarit për Doktrinën e Besëlidhjet

Mësimi 154: Nenet e Besimit dhe Deklaratat Zyrtare 1 e 2

Nenet e Besimit

Të Mësuarit e të Vërtetave Themelore të Ungjillit të Shpëtimtarit

Më 1 mars 1842, Profeti Jozef Smith iu përgjigj një kërkese nga Xhon Uentuorthi, një redaktor gazete, për të dhënë informacion rreth historisë dhe bindjeve të Kishës. Si pjesë e përgjigjes së tij, Jozefi deklaroi 13 parimet themelore të ungjillit të njohura sot si Nenet e Besimit. Ky mësim mund t’i ndihmojë nxënësit ta thellojnë kuptueshmërinë e tyre për doktrinën e Shpëtimtarit duke i studiuar të vërtetat që përmbahen te Nenet e Besimit.

Veprimtari të Mundshme të të Mësuarit

Shpjegimi i bindjeve tona

Merreni parasysh ta filloni orën mësimore me skenarin vijues.

Imagjino sikur ke një shok që dëshiron të dijë më shumë rreth asaj që besojnë anëtarët e Kishës së Jezu Krishtit të Shenjtorëve të Ditëve të Mëvonshme. Shoku yt është shumë i interesuar, por ka vetëm disa minuta kohë për të dëgjuar përpara se të hyjë në mësim.

Çfarë do të doje që shoku yt të kuptonte rreth Jezu Krishtit dhe ungjillit të Tij?

Ju mund t’u jepni nxënësve tri minuta për t’i shkruar përgjigjet e tyre në ditarët e tyre të studimit. Përndryshe, ata mund të diskutojnë se çfarë do të thoshin si klasë ose ta interpretojnë me role skenarin me një partner.
Çfarë burimesh mund t’i tregoje shokut tënd për ta ndihmuar atë të mësojë më shumë rreth Shpëtimtarit dhe ungjillit të Tij?

Nëse është e nevojshme, vini në dukje se një burim i dobishëm janë Nenet e Besimit. Sigurohuni që nxënësit të mund t’i gjejnë Nenet e Besimit në shkrimet e tyre të shenjta. Ju mund t’u jepni atyre disa çaste për ta vlerësuar nivelin e njohurisë së tyre për Nenet e Besimit. Për shembull, mund t’i pyesni nxënësit a e kanë mësuar ndonjëherë përmendsh njërin nen ose a kanë përdorur disa nene gjatë dhënies së një mësimi, të shkruarit të një bisede ose shpërndarjes së ungjillit të Shpëtimtarit tek të tjerët.

Nenet e Besimit

Për t’i ndihmuar nxënësit të mësojnë rreth mënyrës se si i morëm Nenet e Besimit, merreni parasysh t’u paraqitni atyre materialin filmik “The Articles of Faith” [“Nenet e Besimit”] (4:43), në dispozicion në ChurchofJesusChrist.org. Ju mund të përmblidhni edhe informacionin vijues për rrethanat:

4:43

Në vitin 1842, Jozef Smithi iu përgjigj një letre që kishte marrë nga Xhon Uentuorthi, që jetonte në Çikago të Ilinoisit. Uentuorthi ishte redaktori i një gazete të titulluar “Chicago Democrat” dhe dëshironte të dinte më shumë rreth bindjeve dhe historisë së Shenjtorëve që jetonin në Navu të Ilinoisit. Në disa pjesë të letrës, Jozefi dha hollësi rreth themelimit dhe fatit të Kishës së Shpëtimtarit. Profeti e përfundoi letrën me 13 thënie të shkurtra që përmbanin të vërteta themelore dhe doktrinën e Kishës. Më vonë këto thënie u titulluan Nenet e Besimit dhe u botuan në vitin 1851 në botimin e parë të librit Perla me Vlerë të Madhe.

Plaku L. Tom Peri (1922–2015), i Kuorumit të Dymbëdhjetë Apostujve, tregoi sa vijon rreth mënyrës se si mund të na ndihmojë të mësuarit e Neneve të Besimit.

14:28

“Unë ju nxis t’i përdorni mendjet tuaja të ndritura për të studiuar dhe mësuar Nenet e Besimit dhe doktrinat që na mësojnë. Ato janë midis deklarimeve më të rëndësishme dhe me siguri më të sakta të doktrinës në Kishë. Nëse do t’i përdorni si udhëzues për të drejtuar studimet tuaja të ungjillit të Jezu Krishtit, ju do ta gjeni veten tuaj të përgatitur për t’i shpallur botës dëshminë tuaj për të vërtetën e rivendosur. Ju do të jeni në gjendje të deklaroni në mënyra të thjeshta, të drejtpërdrejta dhe të thella bindjet kryesore që i çmoni shumë si një anëtar i Kishës së Jezu Krishtit të Shenjtorëve të Ditëve të Mëvonshme.” (L. Tom Peri, “Doktrinat dhe Parimet që Përmbahen në Nenet e Besimit”, Liahona, nëntor 2013, f. 48)

Çfarë mësove nga kjo thënie rreth rëndësisë së studimit dhe njohjes së Neneve të Besimit?

Merreni parasysh të jepni dëshminë tuaj për ndonjë bekim që e keni vënë re nga studimi i Neneve të Besimit dhe ta përdorni atë për të shpallur ungjillin e Shpëtimtarit.

Të mësuarit e ungjillit të Jezu Krishtit bashkë me Nenet e Besimit

Veprimtaria e Studimit të Neneve të Besimit

Hapi 1: Zgjidh njërin nga Nenet e Besimit që do të doje ta studioje sot dhe përgjigju për pyetjet vijuese:

Çfarë të vërtete ose të vërteta të përjetshme mëson nga ky nen i besimit?
Si mund të ndikojnë mësimet nga ky nen i besimit në marrëdhënien tënde me Atin Qiellor dhe Jezu Krishtin?

Hapi 2: Zgjidh të paktën dy prej mundësive vijuese për të të ndihmuar të mësosh më shumë rreth nenit të besimit që zgjodhe:

Mëso Përmendsh. Mendo për një ide që të ndihmon të mësosh përmendsh nenin tënd të besimit dhe shpenzo kohë duke e mësuar atë përmendsh.
Gjej burime të lidhura me temën. Gjej shkrime të shenjta ose thënie të lidhura me to nga udhëheqësit e Kishës që lidhen me nenin e besimit që zgjodhe. Ti mund të përdorësh mjete si poshtëshënimet në shkrimet e tua të shenjta ose Udhëzuesi për Shkrimet e Shenjta për të të ndihmuar.
Krijo një paraqitje pamore. Përdore artin për të të ndihmuar të komunikosh ose paraqitësh mësime nga neni i besimit që zgjodhe. Shembujt mund të përfshijnë një vizatim, kolazh, grup fjalësh ose meme. (Për shkak të natyrës së shenjtë të Hyjnisë, shmange vizatimin e pjesëtarëve të Kreut-Perëndi.)
Krijo një skenar. Mendo për situata me të cilat përballeni ti ose adoleshentë të tjerë, ose pyetje të ungjillit për të cilat mund të ndihmojë neni yt i besimit. Shkruaji skenarin ose pyetjet dhe shpjegoje se si ose përse të vërtetat që jepen mësim në këtë nen të besimit do të ndihmonin.
Dëshmo. Shkruaje dëshminë tënde për të vërtetat që jepen mësim në nenin tënd të besimit. Përshkruaje se si këto mësime ta kanë bekuar jetën dhe të kanë sjellë më pranë Perëndisë.

Tregoje atë që mësove

Merrni parasysh mënyra për t’i ndihmuar nxënësit ta tregojnë dhe paraqitin atë që kanë mësuar. Ju mund t’i shkruani numrat 1–13 në 13 copa të vogla letrash dhe t’i vendosni ato në një kapelë. Nxirreni njërën në mënyrë rastësore dhe pyetni nëse ndonjë nxënës që e studioi atë nen të besimit do të ishte i gatshëm të flasë. Për një klasë më të madhe, merreni parasysh t’i organizoni nxënësit në dyshe ose grupe të vogla dhe t’i ftoni ata të flasin me njëri-tjetrin.

Pasi të flasin, nxënësit e gatshëm mund t’i paraqitin letrat e tyre nëpër të gjithë dhomën që t’i shohin të tjerët.

Burime Shtesë

Ku mund të mësoj më shumë rreth letrës për Uentuorthin dhe Neneve të Besimit?

Në vitin 1851, Nenet e Besimit u përfshinë në botimin e parë të librit Perla me Vlerë të Madhe, i botuar në Misionin Britanik të Kishës. Ato u bënë doktrina zyrtare e Kishës pasi Perla me Vlerë të Madhe u rishikua në vitin 1878 dhe u standardizua gjatë konferencës së përgjithshme të Kishës në tetor të vitit 1880. Burimet vijuese mund të jenë të dobishme.

Për tekstin e të gjithë letrës së shkruar nga Jozef Smithi, shih “Letra për Uentuorthin”, Ensign, korrik 2002, f. 26–32, ose faqen e internetit Joseph Smith Papers [Letrat e Jozef Smithit].

Për të mësuar më shumë rreth Neneve të Besimit, studioje bisedën e konferencës dhe nenin në vijim:

L. Tom Peri, “Doktrinat dhe Parimet që Përmbahen në Nenet e Besimit” (Liahona, nëntor 2013, f. 46–48)
John W. Welch, “The Articles of Faith and the Life of Joseph Smith” [“Nenet e Besimit dhe Jeta e Jozef Smithit”] (Ensign, dhjetor 2013, f. 69–75)

Si mund të më ndihmojnë Nenet e Besimit t’ua shpërndaj ungjillin të tjerëve?

Presidenti M. Rasëll Ballard, i Kuorumit të Dymbëdhjetë Apostujve, dha mësim:

“Çfarëdo gjëje që zgjidhni të përdorni për të informuar miqtë dhe të njohurit tuaj për Kishën, mbajeni shënim, verifikojeni saktësinë e saj dhe shqiptojeni thjeshtë dhe shkurt.

Spikatja në rritje e Kishës dhe pyetjet në rritje nga të tjerët, na japin mundësi të mëdha të ngremë ura, të bëjmë miq dhe të përcjellim informacion të saktë. Por mundet gjithashtu të paraqesin mundësinë e keqkuptimit dhe madje nganjëherë të paragjykimit, nëse lejojmë të tjerë të na përcaktojnë cilët jemi dhe çfarë besojmë, në vend që ta bëjmë këtë vetë. …

Dëshiroj të shpresoj që ata që dinë shumë pak për Kishën, të kërkojnë të mësojnë më shumë mbi ne. …

Ju si anëtarë mund të ndihmoni që kjo të bëhet duke shkuar e duke u treguar të tjerëve të dhënat bazë që gjenden tek Nenet e Besimit.” (M. Rasëll Ballard, “Fe, Familje, Fakte dhe Fryte”, Liahona, nëntor 2007, f. 27)

Si mund ta bekojë jetën time të mësuarit dhe të jetuarit sipas të vërtetave dhe parimeve në trembëdhjetë nenet e besimit?

Duke folur për nenin e trembëdhjetë të besimit, Presidenti Gordon B. Hinkli (1910–2008) tha:

“[Ky] nen i besimit tonë është një nga deklaratat bazë të teologjisë sonë. Ne duhet të reflektojmë mbi të herë pas here. Pra, kurdoherë që mund të tundohemi për të bërë ndonjë gjë të keqe ose të pandershme, ose të pamoralshme, do të na vijë në mendje me njëfarë fuqie kjo deklaratë e madhe, gjithëpërfshirëse e etikës së sjelljes sonë.” (Gordon B. Hinckley, “Fear Not to Do Good”, Liahona, shkurt 2000, f. 5; Ensign, janar 2000, f. 2)

Veprimtari Plotësuese të të Mësuarit

Neni i trembëdhjetë i besimit

Për t’i ndihmuar nxënësit t’i studiojnë disa nga cilësitë si të Krishtit të renditura në nenin e trembëdhjetë të besimit, merreni parasysh t’i shkruani fjalët vijuese në tabelë jo sipas ndonjë rendi të veçantë:

I ndershëm, I vërtetë, I dëlirë, Mirëdashës, I virtytshëm, Besimtar, Shpresëdhënës, I palëkundur (“në gjendje t’i durojë të gjitha gjërat”).

Pyetini nxënësit a e dinë se cili nen i besimit i diskuton këto standarde dhe cilësi. Merreni parasysh ta thoni përmendsh nenin e trembëdhjetë të besimit së bashku. Mund të vini në dukje se “qortimi i Palit” vjen nga Filipianëve 4:8, në Dhiatën e Re.

Ndajini nxënësit në grupe të vogla dhe caktojini secilit grup një nga fjalët në tabelë për ta studiuar. Nxiteni secilin grup që të kërkojë kuptimin e fjalës që i është caktuar dhe të gjejë shkrime të shenjta shtesë ose thënie nga udhëheqësit e Kishës që japin më shumë mësim rreth saj. Nxënësit gjithashtu mund të gjejnë një shembull nga jeta e Shpëtimtarit ku Ai e mishëroi këtë standard ose cilësi. Ftojini nxënësit të tregojnë atë që mësuan. Merreni parasysh të bëni disa pyetje si ato në vijim:

Si mund t’ju ndihmojë të jetuarit e standardeve dhe cilësive në këtë nen të besimit të bëheni një ndjekës më i mirë i Jezu Krishtit?
Si mund t’ju ndihmojë bërja e së mirës ndaj të tjerëve dhe kërkimi i gjërave që janë të virtytshme dhe të lavdërueshme për të shmangur mëkatin dhe tundimin?

Pasi nxënësit të përgjigjen dhe t’i tregojnë idetë e tyre, tregoni thënien nga Presidenti Hinkli në pjesën “Burime Shtesë”.

Standardi i së Vërtetës

Një pjesë tjetër e rëndësishme e shkrimeve të Jozef Smithit në letrën për Uentuorthin ndonjëherë quhet “Standardi i së Vërtetës”. Merreni parasysh t’i ftoni nxënësit ta studiojnë thënien vijuese, duke kërkuar fjalët ose frazat që janë kuptimplota për ta.

“Standardi i së Vërtetës është vendosur; asnjë dorë mëkatare nuk mund ta ndalojë përparimin e punës; përndjekjet mund të tërbohen, turmat mund të bashkohen, armiqtë mund të mblidhen, shpifja mund të përgojojë, por e vërteta e Perëndisë do të shkojë përpara me guxim, me fisnikëri dhe e pavarur derisa të ketë përshkruar çdo kontinent, të ketë vizituar çdo rajon, të ketë mbuluar çdo vend dhe të jetë dëgjuar në çdo vesh, derisa qëllimet e Perëndisë të përmbushen dhe Jehova i Madh të thotë se puna u krye.” (“Letra për Uentuorthin”, Ensign, korrik 2002, f. 31)

Diskutojeni atë që mësuan nxënësit nga kjo thënie duke bërë pyetje si ato në vijim:

Çfarë ju bëri përshtypje nga kjo thënie?
Si i shihni fjalët e Profetit Jozef Smith të përmbushura në kohën tonë?

Një mënyrë tjetër për t’i ndihmuar nxënësit ta përvetësojnë këtë thënie mund të jetë t’u jepni atyre një mundësi për të krijuar një ilustrim pamor që përfaqëson atë që jepet mësim në këtë thënie. Për shembull, nxënësit mund të mendojnë për mënyra krijuese për të përshkruar të vërtetën e Perëndisë që përhapet në mbarë botën. Nxënësit mund t’ua tregojnë materialet e tyre pamore të tjerëve dhe të shpjegojnë përse i përfshinë ato që përfshinë.