“Doktrina e Besëlidhje 137–138: Vështrim i Përgjithshëm”, Manuali i Mësuesit të Seminarit për Doktrinën e Besëlidhjet (2025)
“Doktrina e Besëlidhje 137–138”, Manuali i Mësuesit të Seminarit për Doktrinën e Besëlidhjet
Doktrina e Besëlidhje 137–138
Doktrina e Besëlidhje 137–138
Vështrim i Përgjithshëm
Plani i Atit Qiellor për lumturinë u ofron shpëtim të gjithë fëmijëve të Tij. Në vitin 1836, Zoti i tregoi Jozef Smithit një vegim të mbretërisë çelestiale. Në vitin 1918, Presidenti Jozef F. Smith pa një vegim të shërbesës së Shpëtimtarit në botën e shpirtrave.
Nxitini nxënësit t’i tregojnë të vërtetat që po mësojnë. Kjo do t’i ndihmojë t’i përvetësojnë dhe shprehin të vërtetat që u jepen mësim dhe do t’i ndihmojë të fitojnë vetëbesim në aftësitë e tyre për t’i treguar të vërtetat në mjedise të tjera. Për më tepër mbi mënyrën se si e bëri Shpëtimtari këtë, shihni pjesën “Shpëtimtari i Nxiti të Tjerët t’i Tregonin të Vërtetat që po Mësonin” te Mësimdhënia sipas Mënyrës së Shpëtimtarit. Mund të shihni edhe një shembull se si ta bëni këtë në mësimin e kësaj jave të titulluar “Doktrina e Besëlidhje 138, Pjesa 1”.
Përgatituni të jepni mësim
Informacioni i mëposhtëm ju siguron ide mbi ato që mund të nevojitet të përgatitni paraprakisht për çdo mësim.
Doktrina e Besëlidhje 137
Qëllimi i mësimit: T’i ndihmojë nxënësit të rritin vlerësimin e tyre për planin e Atit Qiellor për shpëtimin.
-
Përgatitja e nxënësve: Ftojini nxënësit të reflektojnë mbi mënyrën se si plani i lumturisë u ofron shpëtim fëmijëve të Atit Qiellor, përfshirë edhe atyre që nuk e marrin atë në vdekshmëri.
-
Materiale filmike: “Joseph Smith: The Prophet of the Restoration” [“Jozef Smithi: Profeti i Rivendosjes”] (1:02:04; shiko nga kodi kohor 2:05 deri në 4:21, ose nga 11:57 deri në 15:22, ose të dy); “And a Little Child Shall Lead Them” [“Dhe do të Udhëhiqen nga një Fëmijë”] (16:55; shiko nga kodi kohor 4:40 deri në 6:00)
Doktrina e Besëlidhje 138, Pjesa 1
Qëllimi i mësimit: T’i ndihmojë nxënësit të kuptojnë mënyrën se si Shpëtimtari u ofron shpëtim fëmijëve të Atit Qiellor në botën e shpirtrave.
-
Përgatitja e nxënësve: Ftojini nxënësit të përsiatin për atë që dinë dhe nuk dinë aktualisht rreth asaj që u ndodh fëmijëve të Atit Qiellor pasi vdesin.
-
Material filmik: “Vegimi i Shëlbimit të të Vdekurve” (15:20; shiko nga kodi kohor 8:39 deri në 10:33)
Doktrina e Besëlidhje 138, Pjesa 2
Qëllimi i mësimit: T’i ndihmojë nxënësit të ndiejnë shtysë për të marrë pjesë në punën në tempull dhe për historinë familjare.
-
Përgatitja e nxënësve: Ftojini nxënësit të rishikojnë atë që mund të kenë bërë kohët e fundit për të marrë pjesë në punën në tempull dhe për historinë familjare dhe mënyrën se si ajo e ka bekuar jetën e tyre.
-
Materiale: Letër dhe mjete për të shkruar për të krijuar një fletushkë
-
Fletushkë: “Të Ruajtur që më Parë për të Ndihmuar të Mblidhet Izraeli Nëpërmjet Punës në Tempull dhe për Historinë Familjare”
-
Materiale filmike: “Hearts Bound Together” [“Me Zemra të Bashkuara”] (16:12; shiko nga kodi kohor 10:21 deri në 11:30), “The Promised Blessings of Temple and Family History Work” [“Bekimet e Premtuara për Punën në Tempull dhe për Historinë Familjare”] (3:26), “The Promised Blessings of Temple and Family History Work 2” [“Bekimet e Premtuara për Punën në Tempull dhe për Historinë Familjare 2”] (4:04)