Doktrina e Besëlidhje 137

Historitë janë një mënyrë për t’i përfshirë nxënësit në përvojën e të mësuarit. Merreni parasysh të lexoni ose përmblidhni paragrafin vijues. Mund të shikoni edhe materialin filmik “Joseph Smith: The Prophet of the Restoration” [“Jozef Smithi: Profeti i Rivendosjes”], në dispozicion në ChurchofJesusChrist.org, nga kodi kohor 2:05 deri në 4:21, ose 11:57 deri në 15:22, ose të dy.

62:4

62:4

Në vitin 1823, vdekja e papritur e Alvinit, djalit më të madh, e shkatërroi familjen Smith. Familja i kërkoi një shërbestari vendor të kryente shërbesën në varrimin e Alvinit. Meqenëse Alvini nuk kishte qenë anëtar i pagëzuar i bashkësisë së shërbestarit, kleriku shpalli në predikimin e tij se Alvini nuk mund të shpëtohej. Vëllai i Jozefit, Uilliami, më vonë tha: “[Shërbestari] … aludoi shumë fuqishëm se [Alvini] kishte shkuar në ferr, sepse Alvini nuk ishte anëtar i kishës” (te Mësimet e Presidentëve të Kishës: Jozef Smith [2009], f. 429–430). Gjatë gjithë jetës, Jozefi përjetoi edhe më shumë humbje me bashkëshorten e tij Emën, ndërsa varrosën katër nga gjashtë fëmijët e tyre të vegjël.

• Çfarë pyetjesh mund të kenë pasur Jozef Smithi dhe familja e tij rreth vdekjes së njerëzve të tyre të dashur?

Në janar të vitit 1836, Jozefi zhvilloi një takim me udhëheqës të tjerë të Kishës në një dhomë të Tempullit të papërfunduar të Kirtlandit. Atje, Jozef Smithi mori një vegim për mbretërinë e ardhme çelestiale. Në këtë vegim, tani Doktrina e Besëlidhje 137, Jozefit iu mësuan të vërtetat e përjetshme rreth shpëtimit të fëmijëve të Atit Qiellor, përfshirë fëmijëve të vegjël dhe vëllait të tij, Alvinit.

Lexo te Doktrina e Besëlidhje 137:1–10, duke kërkuar të vërtetat që dha mësim Shpëtimtari rreth planit të Atit Qiellor për lumturinë.

• Çfarë jep mësim Shpëtimtari në këto vargje që mund të kenë qenë ngushëlluese për Jozef Smithin dhe familjen e tij? Pse mund të ketë qenë ngushëlluese?

  Vargjet 7–10 ofrojnë një mundësi të mirë që nxënësit të ushtrojnë përcaktimin e të vërtetave të ungjillit, duke i pohuar ato me vetë fjalët e tyre. Ndihmojini nxënësit të përcaktojnë dhe të tregojnë pohimet e së vërtetës që gjenden në këto vargje, duke përfshirë sa vijon:

  • Të gjithë ata që do ta kishin marrë ungjillin po ta kishin pasur mundësinë do të hynin në mbretërinë çelestiale (shih vargjet 7–8).

  • Zoti do ta gjykojë secilin prej nesh sipas veprave tona dhe dëshirave të zemrës sonë (shih te vargu 9).

  • Të gjithë fëmijët që vdesin para se të bëhen të përgjegjshëm do të shpëtohen në mbretërinë çelestiale (shih te vargu 10).

  Merreni parasysh t’i renditni këto parime në tabelë.

• Si mund të jetë ndier familja Smith lidhur me të vërtetat që dha mësim Shpëtimtari në këto vargje?

• Si ndihesh lidhur me këto të vërteta? Si ndikojnë këto të vërteta në vlerësimin tënd për Atin Qiellor dhe Jezu Krishtin?

Skenar: Imagjino sikur po flet me një familje në një situatë si e familjes Smith në kohën e vdekjes së Alvinit.

Burime për studim: Lexo te Doktrina e Besëlidhje 137:7–8; 1 Pjetër 4:6; Mosia 15:24; dhe thënien vijuese nga Presidenti Rasëll M. Nelson:

“Plot mëshirë, plani i madh i lumturisë i Perëndisë dhe bekimet e tij të përjetshme mund të shtrihen tek ata që nuk patën mundësinë të dëgjojnë ungjillin në jetën tokësore. Ordinancat e tempullit mund të bëhen nëpërmjet të tjerëve për ta.” (Rasëll M. Nelson, “Martesa Çelestiale”, Liahona, nëntor 2008, f. 94)

Pyetje për diskutim:

• Si mund ta ndihmojnë familjen këto shkrime të shenjta dhe mësimet e Presidentit Nelson, të kuptojë planin e Atit Qiellor për fëmijët e Tij?

• Në ç’mënyra ndikon kjo e vërtetë në ndjenjat e tua rreth Atit Qiellor, Jezu Krishtit dhe planit të shpëtimit?

Skenarët:

• Lenci është i shqetësuar se mund të mos ketë kurrë një mundësi për të gjetur një shoqe të përjetshme dhe për t’u martuar në tempull.

• Entela është anëtarja e vetme e Kishës në familjen e saj. Ajo është e shqetësuar se nuk do të vuloset me prindërit e saj.

Burime për studim: Shqyrtoje vargun te Doktrina e Besëlidhje 137:9 dhe këtë thënie nga Presidenti Rasëll M. Nelson:

“Po në lidhje me ata që nuk mund të martohen në këtë jetë, ose ata që nuk mund të vulosen me prindërit e tyre në këtë jetë? Ne e dimë se Zoti do të na gjykojë të gjithëve sipas dëshirave të zemrës sonë, si edhe veprave tona dhe se bekimet e ekzaltimit do t’u jepen të gjithëve që janë të denjë.” (Rasëll M. Nelson, “Shpëtimi dhe Ekzaltimi”, Liahona, maj 2008, f. 10)

Pyetje për diskutim:

• Çfarë do të thotë për ty që Zoti do të na gjykojë sipas veprave tona dhe dëshirave të zemrës?

• Si mund ta ndihmojë Lencin ose Entelën e vërteta që jepet mësim te vargu 9, ta kuptojnë më mirë planin e Atit Qiellor për secilin prej fëmijëve të Tij?

• Në ç’mënyra ndikon kjo e vërtetë në ndjenjat e tua për dashurinë e Atit Qiellor dhe planin e Tij të shpëtimit?

Jepeni skenarin vijues ose shfaqeni historinë e treguar nga Presidenti Bojd K. Paker (1924–2015), i Kuorumit të Dymbëdhjetë Apostujve, te “Dhe do të Udhëhiqen nga një Fëmijë”. Materiali filmik është në dispozicion [në anglisht] në ChurchofJesusChrist.org dhe historia është nga kodi kohor 4:40 deri në 6:00. Ftojini nxënësit të imagjinojnë sikur janë misionarët që u përballën me skenën e përshkruar.

16:55

Skenar: Si misionar/e, ti takon prindërit e pikëlluar të një djali dy-vjeçar që ishte mbytur. Prindërit shqetësohen se djali i vogël nuk mund të shkojë në qiell, ngaqë nuk ishte pagëzuar kurrë.

Burime për studim: Lexo te Moroni 8:8, 11–12; Doktrina e Besëlidhje 29:46; 137:10.

Pyetje për diskutim:

• Cilat aspekte të planit të Atit Qiellor për shpëtimin do t’u tregoje këtyre prindërve?

• Çfarë ngushëllimi shtesë mund t’u ofrosh prindërve në skenar?

• Si ndikon kjo e vërtetë në vlerësimin tënd për Atin Qiellor, Jezu Krishtin dhe planin e shpëtimit?

• Si mund të zbatohen të vërtetat që mësove sot në rrethanat ose shqetësimet e tua të tanishme?

• Si ka ndikuar ajo që ke mësuar ose ndier në vlerësimin tënd për Atin Qiellor, Jezu Krishtin dhe planin e lumturisë?