Vlerësoni të Mësuarit Tuaj 5

Merreni parasysh t’u jepni nxënësve mundësi për t’ua treguar përgjigjet për pyetjet vijuese shumë shokëve të klasës. Kjo mund të bëhet duke u dhënë atyre një minutë për të gjetur një shok klase dhe secili të tregojë përgjigjet e veta. Kjo mund të përsëritet shumë herë.

(Nëse dëshironi, mund të jepni një shembull duke treguar një veprimtari që ju pëlqen. Merreni parasysh të paraqitni ose të tregoni në veprimtarinë tuaj një figurë të një mjeti që përdoret për të matur përparimin. Për shembull, nëse ju pëlqen vrapimi, mund të tregoni një kronometër dhe të shpjegoni se si ai mund të përdoret për të matur rritjen tuaj.)

Ftojini nxënësit t’i lexojnë të gjitha shënimet e tyre dhe shkrimet e shenjta nga disa javë të fundit të seminarit (Doktrina e Besëlidhje 51–75), duke parë mësimet që kanë mësuar dhe synimet që kanë vendosur. Paraqitini pyetjet vijuese për t’i ndihmuar nxënësit të reflektojnë mbi rritjen e tyre shpirtërore. Nxënësit mund të zgjedhin t’i shkruajnë përgjigjet e tyre në një ditar studimi ose t’i përsiatin përgjigjet e tyre.

Siguroni një mundësi që nxënësit t’i tregojnë përgjigjet që nuk janë tepër vetjake. Nxitini nxënësit të jenë të ndjeshëm ndaj Shpirtit ndërsa kërkojnë mënyra për t’i zbatuar më tej këto mësime në jetën e tyre.

Merreni parasysh të paraqitni fjalinë e parë të thënies vijuese nga Presidenti Rasëll M. Nelson, duke e zëvendësuar fjalën “ligje” me një vend bosh. Nxënësit mund të sugjerojnë alternativa të mundshme për fjalën që mungon. Pasi nxënësit të jenë përpjekur ta përcaktojnë fjalën që mungon, paraqiteni thënien të plotë.

Mund të vini një nxënës t’i shkruajë përgjigjet për pyetjen në tabelë. Ata mund të përmendin disa nga ato në vijim: pendimi (58:42–43), mbajtja e shenjtë e ditës së Shabatit (59:9–13), dëlirësia (63:13–16) dhe falja e të tjerëve (64:9–11).

Paraqitni një skenar si ai në vijim. Ftojini nxënësit të ushtrohen se si do t’ia shpjegonin qëllimin e urdhërimeve shokut të tyre. Pyetjet që vijojnë pas skenarit, mund të ndihmojnë në udhërrëfimin e përgjigjeve të tyre.

Si pjesë e studimit te Doktrina e Besëlidhje 64:20–43, nxënësit mund t’i keni ftuar të skicojnë figura si ato në vijim në ditarët e tyre të studimit. Merreni parasysh ta paraqitni këtë figurë dhe t’u kërkoni nxënësve të tregojnë atë që mbajnë mend rreth atij mësimi. Ata i ftuat të ngjyrosin aq sa e ndien se po ia jepnin Zotit nga mendja dhe zemra e tyre.

Ftojini nxënësit ta gjejnë vizatimin e tyre ose të përpiqen ta kujtojnë se si dukej ai. Ndihmojini nxënësit të kujtojnë se pjesa sa i ngjyrosën zemrën dhe mendjen ishte thjesht një përmbledhje e shkurtër në kohë. Kjo është e ndryshueshme, jo e përhershme. Ata mund të kërkojnë ndihmën e Shpëtimtarit për t’u bërë të gatshëm për t’i dhënë Atij më shumë nga mendja dhe zemra e tyre. Nxitini nxënësit të reflektojnë mbi përvojat e tyre duke iu përgjigjur disa prej pyetjeve vijuese në ditarët e tyre të studimit.

Jepuni disa nxënësve mundësinë për të treguar se çfarë ishte kuptimplotë për ta rreth kësaj përvoje dhe se si ajo ndikoi tek ata.

Nxënësit mund të vizatojnë më pas një zemër dhe mendje të dytë në ditarin e tyre të studimit pranë vizatimit të tyre fillestar. Ftojini ata të ngjyrosin pjesën e zemrës dhe mendjes që po ia japin tani Shpëtimtarit si rezultat i përpjekjeve të tyre për t’u përmirësuar. Nxënësit mund t’i krahasojnë të dyja figurat dhe të përcaktojnë nëse gatishmëria e tyre për t’ia dhënë Shpëtimtarit mendjen dhe zemrën e tyre është përmirësuar.

Merreni parasysh të paraqitni pjesën vijuese të pyetjes së rekomandimit të tempullit dhe t’i ftoni nxënësit të tregojnë se çfarë kanë mësuar rreth mbajtjes së shenjtë të ditës së Shabatit këtë vit. (Nëse është e nevojshme, ju mund t’u jepni kohë nxënësve për ta shqyrtuar shkurtimisht seksionin te Doktrina e Besëlidhje 59 ose shënimet në ditarët e tyre nga mësimi për atë seksion.)

Si pjesë e mësimit për seksionin te Doktrina e Besëlidhje 59, nxënësit mund t’i keni ftuar të bëjnë një plan për ta nderuar Shpëtimtarin në ditën e Shabatit. Nëse po, ftojini ata të reflektojnë mbi atë që kanë bërë si rezultat i tij. Mund të jetë e dobishme që vullnetarët t’ia tregojnë klasës një pjesë të planit të tyre.

Merreni parasysh t’i paraqitni pyetjet vijuese për t’i ndihmuar nxënësit t’i vlerësojnë përpjekjet e tyre në mbajtjen të shenjtë të ditës së Shabatit. Ftojini nxënësit të përzgjedhin dy ose tri pyetje nga lista për t’iu përgjigjur në ditarët e tyre të studimit.

Ndërkohë që qëllimi i këtyre pyetjeve është që nxënësit t’i vlerësojnë individualisht përpjekjet e tyre për ta mbajtur të shenjtë ditën e Shabatit, nëse është e përshtatshme, mund t’i ftoni nxënësit e gatshëm të tregojnë disa nga përgjigjet dhe përvojat e tyre.

Nxitini nxënësit në përpjekjet e tyre për të marrë bekimet e nderimit të ditës së Shabatit, sidomos ata që mund të mos kenë ndërmarrë ende ndonjë veprim. Mund t’i ftoni ata të vendosin një kujtues në telefonin e tyre për të bërë diçka për ta mbajtur më mirë të shenjtë ditën e ardhshme të Shabatit. Dëshmoni për dëshirën e Shpëtimtarit që ata të vijnë tek Ai dhe se mbajtja e ditës së Shabatit është një mënyrë se si mund të afrohemi më shumë me Të.