Doktrina e Besëlidhje 63:57–64

Shkruajeni frazën I kujdesshëm dhe jo rastësor në tabelë. Më pas ftojini nxënësit t’i diskutojnë pyetjet vijuese:

Ftojini nxënësit të mendojnë rreth mënyrës se si ndihen kur hasin gjuhë të tillë. Nxitini ata që, ndërsa studiojnë, të kërkojnë mësime që mund t’i ndihmojnë ta ndiejnë rëndësinë e të qenit të kujdesshëm në mënyrën se si flasin për gjërat e shenjta, sidomos se si i përdorin emrat e Atit Qiellor dhe Jezu Krishtit.

Shpjegimi vijues mund t’i ndihmojë nxënësit ta kuptojnë kontekstin për vargjet që do t’i studiojnë nga Doktrina e Besëlidhje 63.

Nëse nxënësit kanë pyetje se çfarë do të thotë ta përdorësh “emrin e Zotit … më kot” (vargu 62), shpjegojeni se kjo mund të përfshijë të folurin pa respekt për Atin Qiellor dhe Jezu Krishtin (shihni te Dallin H. Ouks, “Reverent and Clean”, Ensign, maj 1986, f. 49–50). Kjo mund të përfshijë edhe përdorimin e autoritetit të priftërisë së Shpëtimtarit në mënyrë të padenjë (shihni te Nil L. Andersen, “Fuqi në Priftëri”, Liahona, nëntor 2013, f. 92). Sigurohuni që nxënësit ta kuptojnë se është e përshtatshme të flasin për Shpëtimtarin në bisedat e përditshme ose për ungjillin kur flasim për Të me dashuri dhe respekt.

Përpara se të bëni pyetjen vijuese, mund të jetë e dobishme t’i vini nxënësit të imagjinojnë sikur ata njohin dikë që nuk e kupton rëndësinë e përdorimit të emrit të Shpëtimtarit me nderim. Ata mund ta mbajnë këtë person në mendje ndërsa diskutojnë.

Shpjegoni se kuptueshmëria më e madhe se kush është Jezu Krishti dhe çfarë ka bërë Ai për ne mund të na ndihmojë të ndiejmë dashuri dhe nderim më të madh për Të.

Përpara se ta paraqitni veprimtarinë vijuese të studimit, merreni parasysh t’i ftoni nxënësit të tregojnë përvojat që kanë pasur ose të vërtetat që dinë nga shkrimet e shenjta, që i nxitin ata të mendojnë dhe flasin me nderim rreth Jezu Krishtit. Mund të tregoni edhe një shembull nga jeta juaj.

Nxënësit mund të kërkojnë vetë burime ose me një partner. Nëse është e nevojshme, mund t’u jepni atyre disa shembuj të burimeve të cilave mund t’u referohen, si himnet që japin mësim për natyrën e shenjtë të Jezu Krishtit ose disa nga shkrimet e shenjta vijuese: Mateu 8:23–27; 2 Nefi 25:13; Doktrina e Besëlidhje 18:23–25; 35:1–2; 110:1–5.

Pas një kohe të mjaftueshme, ftojini nxënësit ta tregojnë atë që mësuan dhe ndien nga studimet e tyre. Nëse nxënësit gjetën himne kuptimplota, klasa mund ta këndojë një ose më shumë prej tyre së bashku. Mund t’i ftoni gjithashtu nxënësit ta lexojnë një shkrim të shenjtë që gjetën dhe të tregojnë përse ishte domethënës për ta.

Pyetjet vijuese mund t’i ndihmojnë nxënësit t’i tregojnë idetë e tyre:

Mund ta zgjeroni diskutimin e pyetjes së dytë duke i ndarë nxënësit në grupe të vogla dhe duke i ftuar ata të diskutojnë se çfarë ndikimi mund të ketë në aspekte të caktuara të jetës së tyre kur ndiejmë nderim më të madh për Atin Qiellor dhe Jezu Krishtin. Shembujt e aspekteve të jetës së tyre për të cilët mund të flasin, përfshijnë:

• Zgjedhjet që bëjnë lidhur me përdorimin e mediave.

• Ndërveprimet e tyre me të tjerët.

• Gatishmërinë e tyre për ta shpërndarë ungjillin.

• Mënyrën se si i luten Atit Qiellor.

Për t’i ndihmuar nxënësit të reflektojnë mbi të mësuarit e tyre, ftojini ata t’i përgjigjen të paktën njërës prej pyetjeve vijuese në ditarët e tyre të studimit:

Ftojini disa nxënës të gatshëm ta tregojnë atë që shkruan. Më pas përmbylleni mësimin duke dhënë dëshminë tuaj për Atin Qiellor dhe Jezu Krishtin dhe shpjegoni përse emrat e Tyre janë të shenjtë për ju.