Doktrina e Besëlidhje 63:1–23

Për të nisur orën mësimore, merreni parasysh të shfaqni një figurë që paraqet Shpëtimtarin. Ftojini nxënësit t’i shkruajnë në tabelë përgjigjet e tyre për pyetjen e parë nga pyetjet vijuese. Mund t’i ftoni disa nxënës ta shpjegojnë atë që shkruan dhe të tregojnë se si do t’i përgjigjeshin pyetjes së dytë.

Ftojini nxënësit të mendojnë se sa e rëndësishme është që ata të jenë të virtytshëm dhe seksualisht të pastër. Ata mund të mendojnë gjithashtu për pyetje që kanë ose pengesa me të cilat përballen personalisht, të lidhura me këtë urdhërim. Nxitini nxënësit t’u kushtojnë vëmendje nxitjeve shpirtërore që mund t’i ndihmojnë ata të ndiejnë një dëshirë më të madhe për të jetuar jetë të pastër dhe të virtytshme.

Sfondi kontekstual vijues mund t’i ndihmojë nxënësit të përgatiten për të studiuar seksionin te Doktrina e Besëlidhje 63.

Nëse është e nevojshme, ndihmojini nxënësit ta kuptojnë domethënien e fjalëve ose frazave kyç në këto vargje. Për shembull, mund të jetë e dobishme të shpjegoni se “shkel[ja e] besnikëri[s]ë bashkëshortore” i referohet marrëdhënieve seksuale ndërmjet një individi të martuar dhe dikujt që nuk është bashkëshorti/ja i saj/e tij. Të “dëshir[osh]” dikë do të thotë ta shikosh një person në një mënyrë që zgjon ndjesi seksuale. Kjo përfshin shikimin e pornografisë. “Ligji i dëlirësisë thotë se Perëndia e miraton aktivitetin seksual vetëm midis një burri dhe një gruaje që janë të martuar” (Për Forcën e Rinisë: Një Udhëzues për Bërjen e Zgjedhjeve [2022], f. 23).

Një e vërtetë që do të ishte e përshtatshme për t’u theksuar gjatë këtij diskutimi, është se Shpëtimtari e dënon epshin dhe të gjitha format e tjera të mëkatit seksual.

Ndihmojini nxënësit të kuptojnë se urdhërimi i Shpëtimtarit për të qenë seksualisht të pastër shpesh quhet ligji i dëlirësisë. Veprimtaria vijuese mund t’i ndihmojë nxënësit ta thellojnë kuptueshmërinë e tyre rreth rëndësisë së bindjes ndaj këtij ligji.

Ftojeni klasën të mbledhë disa pyetje që mund të kenë adoleshentët rreth ligjit të Zotit për dëlirësinë. Nxënësit mund të ndihen më rehat t’i bëjnë pyetjet në mënyrë anonime duke i shkruar pyetjet e tyre. Zgjidhni disa pyetje të përshtatshme dhe renditini ato në tabelë.

Nxënësit mund të punojnë me një partner ose në grupe të vogla për t’i gjetur përgjigjet për pyetjet ku zgjodhën të përqendroheshin. Krahas studimit të pjesëve nga materiali Për Forcën e Rinisë: Një Udhëzues për Bërjen e Zgjedhjeve  (2022), nxënësit mund t’i ftoni gjithashtu të kërkojnë burime të tjera nga ungjilli.

Disa burime shtesë që mund t’ua tregoni nxënësve, mund të gjenden te pjesa “Veprimtari Plotësuese të të Mësuarit” në fund të mësimit.

Pas një kohe të mjaftueshme, ftojini nxënësit ta diskutojnë atë që zbuluan ndërsa studiuan. Ftoni nxënës të shumtë të japin idetë e tyre. Një pyetje si ajo në vijim, mund të ndihmojë që ta udhërrëfeni diskutimin.

Mund të ketë disa nxënës që kanë kryer mëkate, që lidhen me ligjin e dëlirësisë. Kujtojini klasës se kur ne përpiqemi fort me sinqeritet që të pendohemi për mëkatet tona, Shpëtimtari bën të mundur faljen dhe shërimin e plotë. Për ta ndihmuar cilindo që shqetësohet se ka bërë gabime tashmë, mund të theksoni vargjet te Doktrina e Besëlidhje 58:42–43.

Jepuni nxënësve kohë për të reflektuar për atë që kanë mësuar dhe ndier gjatë studimeve të tyre sot. Një mënyrë për ta bërë këtë është t’i ftoni ata t’i shkruajnë përgjigjet e tyre për një ose më shumë nga pyetjet vijuese në ditarët e tyre të studimit.

Përmbylleni mësimin duke u kujtuar nxënësve premtimin e Shpëtimtarit për t’i bekuar të gjithë ata që përpiqen fort me besnikëri për t’iu bindur ligjit të Zotit për dëlirësinë.