Vlerësoni të Mësuarit Tuaj 4

Sa vijon mund t’i përgatitë nxënësit t’i krahasojnë pikat fizike të orientimit me provat që mund të gjejnë për rritjen e tyre shpirtërore. Ata mund ta plotësojnë këtë veprimtari individualisht ose si klasë duke vizatuar një hartë në tabelë.

Nëse dëshironi, mund t’u jepni nxënësve kohë për të përsiatur dhe reflektuar në mënyrë të pavarur. Pas një kohe të mjaftueshme, ftojini nxënësit të tregojnë atë që zbuluan.

Përndryshe, mund të përdorni veprimtaritë vijuese për t’i ndihmuar nxënësit të reflektojnë për përparimin e tyre shpirtëror në javët e fundit. Veprimtaritë e vlerësimit në këtë mësim ndjekin ecurinë e mësimeve të mëparshme të seminarit. Nëse këto mësime u përshtatën ose nuk u dhanë, do të nevojitet të përshtaten edhe veprimtaritë e vlerësimit që të pasqyrojnë përvojat që patën nxënësit tuaj.

Me çdo veprimtari, mund t’ua theksoni nxënësve nëse dëshironi, që vlerësimi i të mësuarit të tyre në këto mënyra mund të jetë si vënia re e pikave të orientimit në një udhëtim që vërteton se ata po shkojnë në drejtimin e duhur. Kini ndjeshmëri ndaj nxënësve që mund të mos ndiejnë se po përparojnë ose nuk kanë parë ende një ndryshim pozitiv në jetën e tyre, dhe mendoni mënyra për t’i inkurajuar në përpjekjet e tyre.

Kjo veprimtari mund t’i ndihmojë nxënësit të reflektojnë për dëshirën e tyre për të jetuar një jetë të përkushtuar siç bëri Shpëtimtari. Kjo veprimtari bazohet tek ato që nxënësit mund të kenë mësuar rreth të jetuarit të një jete të përkushtuar te Doktrina e Besëlidhje 42:29–42. Disa nga pyetjet vijuese mund t’i ndihmojnë nxënësit ta përsëritin kuptueshmërinë e tyre për ligjin e përkushtimit.

Pasi nxënësit të kenë pasur kohë për të reflektuar, mund t’i përgëzoni ata për vlerësimin e ndjenjave të tyre me ndershmëri. Mund t’i ftoni nxënësit të tregojnë atë që mësuan ose zbuluan nga kjo veprimtari. Merreni parasysh t’i ndihmoni nxënësit të reflektojnë për mënyrën se si të jetuarit e një jete të përkushtuar mund të ndikojë tek ata pas 1, 5 ose 10 vjetësh. Ju mund edhe të tregoni mënyra se si jeni bekuar në përpjekjen tuaj për të jetuar një jetë të përkushtuar dhe si ju ka ndihmuar ajo të bëheni më shumë si Krishti.

Inkurajojini nxënësit të kërkojnë zbulesë për mënyrën se si mund të jenë më të gatshëm për të bërë gjithçka munden për t’i ndihmuar ata që janë nevojtarë dhe për të ndërtuar mbretërinë e Perëndisë në tokë sot.

Për t’i ndihmuar nxënësit t’i vlerësojnë përpjekjet e tyre të kohëve të fundit për t’iu bindur urdhërimeve të Perëndisë, ftojini ata të rishikojnë librin Doktrina e Besëlidhje, duke kërkuar urdhërime për të cilat kanë mësuar kohëve të fundit. Mund t’i inkurajoni ata t’i renditin disa nga urdhërimet e zbuluara te Doktrina e Besëlidhje 42:18–52 në tabelë.

Nëse nxënësit vendosën një synim në mësimin e mëparshëm që t’i zbatonin më mirë urdhërimet, nxitja vijuese për ditarin mund t’i ndihmojë ata të reflektojnë për synimin e tyre.

Ky ushtrim mund t’i ndihmojë nxënësit të shpjegojnë atë që kanë mësuar rreth Frymës së Shenjtë në studimin e tyre të librit Doktrina e Besëlidhje. Mund të shkruani “Rolet e Frymës së Shenjtë” në tabelë. Kërkojuni nxënësve të renditin role të ndryshme të Frymës së Shenjtë, me një shkrim të shenjtë mbështetës nëse është e mundur. Diskutoni pse këto janë role të rëndësishme për t’u kryer nga Fryma e Shenjtë.

Më poshtë janë disa nga rolet e Frymës së Shenjtë. Nxënësit mund të lexojnë vargjet që i shoqërojnë ato, dhe më pas të krijojnë një situatë kur kuptueshmëria për një rol specifik të Frymës së Shenjtë mund ta ndihmojë dikë. Më pas ftojini nxënësit t’i përdorin shkrimet e shenjta për të shpjeguar rolin e Frymës së Shenjtë, që ta ndihmojnë personin në situatë.