Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 51: Doktrina e Besëlidhje 37; 38:1–9, 28–33: Mblidhuni “në Ohajo”

“Doktrina e Besëlidhje 37; 38:1–9, 28–33: Mblidhuni ‘në Ohajo’”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 37; 38:1–9, 28–33”, Manuali i Mësuesit të Seminarit për Doktrinën e Besëlidhjet

Mësimi 51: Doktrina e Besëlidhje 37–40

Doktrina e Besëlidhje 37; 38:1–9, 28–33

Mblidhuni “në Ohajo”

Anëtarët e Kishës së Jezu Krishtit të Shenjtorëve të Ditëve të Mëvonshme mblidhen së bashku në shumë mënyra. Hera e parë për anëtarët e Kishës që të mblidheshin në një grup ndodhi kur Zoti e urdhëroi popullin e Tij të mblidhej “në Oh[aj]o” (Doktrina e Besëlidhje 37:1). Anëtarët e Kishës në Nju-Jork dhe zona të tjera bënë sakrifica të mëdha për t’u mbledhur në Ohajo. Ky mësim mund t’i ndihmojë nxënësit të kuptojnë pse Shpëtimtari i urdhëron njerëzit e Tij të mblidhen.

Veprimtari të Mundshme të të Mësuarit

“Shkoni në Ohajo”

Për të paraqitur fuqinë e mbledhjes, merreni parasysh veprimtarinë vijuese. Jepini një nxënësi vetëm një shkop të vogël dhe ftojeni atë ta thyejë. Pastaj, jepini nxënësit një grumbull shkopinjsh të vegjël dhe ftojeni atë ta thyejë grumbullin. Kjo detyrë duhet të jetë e vështirë por e mundur që të arrihet. Në fund, jepini nxënësit një grumbull të ngjashëm shkopinjsh të vegjël por shtoni një shkop të madh. Ftojeni nxënësin ta thyejë këtë grumbull. Ky grumbull duhet të jetë i pathyeshëm. Ftojini nxënësit të imagjinojnë se kë mund të përfaqësojnë shkopinjtë e vegjël (individët) dhe kë mund të përfaqësojë shkopi i madh (Jezu Krishtin). Merrni parasysh pyetje si në vijim për t’i ndihmuar nxënësit të zbulojnë fuqinë e mbledhjes te Shpëtimtari.

Çfarë mund të na mësojë kjo rreth fuqisë së mbledhjes? Rreth fuqisë së mbledhjes te Shpëtimtari?

Vlerësimi vijues i vetes mund t’i ndihmojë nxënësit të mendojnë për rrethanat e tyre vetjake gjatë mësimit. Ftojini ata të mendojnë se si do t’i përgjigjeshin secilës pyetje. Diskutojeni pyetjen e fundit si klasë dhe shkruajini përgjigjet e nxënësve në tabelë për referencë.
Si mendon, pse Shpëtimtari e urdhëron popullin e Tij të mblidhet bashkë?
Çfarë bekimesh të nevojiten në jetën tënde që mund të vijnë nga mbledhja me anëtarë të tjerë të Kishës?
Cilët janë disa vende ku mblidhemi sot për të ndier fuqinë e Shpëtimtarit?

Shumë njerëz në Ohajo iu përgjigjën mesazhit të Rivendosjes dhe u bashkuan me Kishën e Shpëtimtarit. Mes tyre qe një shërbestar që quhej Sidni Rigdoni. Sidni dhe e shoqja, Feba, e kuptuan se po ta pranonin Librin e Mormonit dhe të bashkoheshin me Kishën, do të humbisnin shtëpinë dhe mjetet e tyre të jetesës. Ata e morën në shqyrtim çështjen me lutje dhe u pagëzuan. Shumë anëtarë të bashkësisë së Rigdonit u bashkuan gjithashtu me Kishën.

Në Nju-Jork, shumë anëtarë të Kishës po përballeshin me përndjekje të rëndë. Në disa raste, armiqtë e tyre po kërcënonin jetën e udhëheqësve të Kishës dhe po mblidheshin në fshehtësi për të komplotuar shkatërrimin e tyre (shih te Doktrina e Besëlidhje 38:13, 28–29). Kur Sidni Rigdoni erdhi në Nju-Jork për të takuar Jozef Smithin, ai përhapi fjalën për mënyrën se si po pranohej ungjilli i Shpëtimtarit në Ohajo. Jozef Smithi mori një zbulesë me udhëzime që mund t’i ndihmonin shenjtorët në Nju-Jork në vështirësitë me të cilët u përballën.

Lexo te Doktrina e Besëlidhje 37:1–4, duke kërkuar atë që Zoti i urdhëroi të bënin anëtarët e Kishës së Tij.

Harta vijuese mund t’i ndihmojë nxënësit të shohin largësinë që do t’u duhej disave të përshkonin për t’u mbledhur në Ohajo.

Si mund të kenë reaguar anëtarët e Kishës ndaj këtij urdhërimi? Përse?
Çfarë di ti rreth Shpëtimtarit që mund të të ndihmojë të veprosh me besim kur urdhërimet e Tij duken të vështira për t’iu bindur?

Pak pasi morën urdhrin për të shkuar në Ohajo, udhëheqësit e Kishës u mblodhën për një konferencë dhe diskutuan shpërnguljen. Bindja ndaj urdhrit nënkuptonte të linin pas pronat dhe për disa shenjtorë, familjen. Jozef Smithi mori seksionin Doktrina e Besëlidhje 38 në këtë konferencë. (Shih Saints: The Story of the Church of Jesus Christ in the Latter Days, vëll. 1, The Standard of Truth, 1815–1846 [2018], f. 109–111.)

Lexo te Doktrina e Besëlidhje 38:1–7, duke kërkuar atë që Shpëtimtari dha mësim rreth Vetes.

Si mund t’i ketë ndihmuar të kuptuarit e këtyre gjërave rreth Shpëtimtarit shenjtorët që të bënin sakrificat që kërkoheshin për t’u mbledhur?

Zoti i bekon shenjtorët e Tij kur ata mblidhen tek Ai

Nxënësit mund ta ushtrojnë aftësinë e studimit të shkrimeve të shenjta të bërjes së listave duke shenjuar bekimet e mbledhjes në fragmentin vijues.

Lexo te Doktrina e Besëlidhje 38:28–33, duke kërkuar mënyrat se si shenjtorët do të bekoheshin nga zbatimi i urdhrit të Shpëtimtarit për t’u mbledhur në Ohajo.

Si do t’i bekonte Shpëtimtari anëtarët e Kishës ngaqë u mblodhën në Ohajo?
Cilat janë disa arsye pse Shpëtimtari e urdhëron popullin e Tij të mblidhet?

Nxënësit mund të përcaktojnë një të vërtetë të ngjashme me këtë: Zoti e mbledh popullin e Tij që ta mbrojë atë dhe ta forcojë shpirtërisht.
Cilat janë disa mënyra se si Shpëtimtari na mbron dhe na forcon shpirtërisht kur i bindemi urdhrit të Tij për t’u mbledhur?

Merreni parasysh të ftoni dy nxënës që t’ia lexojnë tregimet vijuese klasës, ose ta ndani klasën në dyshe dhe t’i ftoni ata t’ia lexojnë tregimet njëri-tjetrit. Këto tregime mund t’i ndihmojnë nxënësit të shohin se si Zoti i përmbushi premtimet e Tij që të ishte mes shenjtorëve dhe t’i udhëhiqte ata në vitin 1831 (shih te Doktrina e Besëlidhje 38:7,33). Nëse doni, mund të përmendni se këto tregime mund të na japin siguri se Zoti do të na bekojë ndërsa i bindemi urdhrit të Tij për t’u mbledhur në kohën tonë.

Dega e Fajetit

Lusi Mek Smithi e udhëhoqi Degën e Fajetit. Ata udhëtuan me varkë përgjatë Kanalit të Irit dhe matanë Liqenit të Irit. Kur arritën në liqen, akulli i trashë në liman i pengoi të shkonin më tej. Shenjtorët e shkurajuar kishin ftohtë dhe qenë të uritur dhe filluan të grindeshin. Lusi u thirri me të madhe:

“Ku është besimi juaj? Ku e keni sigurinë tuaj te Perëndia? Nëse ju të gjithë do t’i ngrini dëshirat tuaja drejt qiellit, që akulli të mund të thyhet dhe ne të çlirohemi, me aq sigurti sa Zoti jeton, kjo do të bëhet.”

Menjëherë Lusi dëgjoi një zhurmë bubullime. Akulli në liman qe thyer mjaftueshëm sa ta lejonte varkën e tyre të kalonte. Shenjtorët mirënjohës u mblodhën së bashku në lutje. Ata udhëtuan të sigurt drejt Kirtlandit në Ohajo (Shih te Saints, 1:121–123).

Dega e Kollsvillit

Njull Najti e udhëhiqte Degën e Kollsvillit. Ndërkohë që Njulli ishte larg, tetoja e tij, Elekta Peku, ra dhe theu shpatullën. Një kirurg u përpoq t’ia lehtësonte dhembjen dhe tha se do të ishte një mrekulli nëse ajo do të mundej të udhëtonte brenda pak javësh. Elekta pa në ëndërr sikur Njulli u kthye dhe i vuri duart e tij mbi të dhe ajo u shërua. Kur Njulli u kthye, ai dëgjoi se çfarë i kishte ndodhur tetos së tij dhe shkoi ta shihte. Ajo kërkoi që ai ta bekonte. Njulli iu afrua shtratit, e qortoi dhembjen në emër të Jezu Krishtit dhe urdhëroi që Elekta të shërohej. Të nesërmen në mëngjes, Elekta u ngrit, u vesh dhe vazhdoi udhëtimin. (Shih Newel Knight, The Rise of the Latter-day Saints: The Journals and Histories of Newel Knight, red. Michael Hubbard MacKay dhe William G. Hartley [2019], f. 32–33.)

Merreni parasysh t’i ftoni nxënësit të mblidhen në grupe për të diskutuar pyetjet vijuese. Për larmi, ata mund të mblidhen bazuar në një tipar të tillë si gjatësia e tyre ose koha e vitit kur kanë lindur. Kujtojuni nxënësve t’i referohen listës së vendeve të mbledhjes në tabelë.

Çfarë të mësojnë këto tregime rreth mënyrës se si Shpëtimtari mund të na mbrojë dhe forcojë shpirtërisht ndërsa mblidhemi tek Ai?
Si je bekuar ti vetë nga pranimi i ftesës së Shpëtimtarit për t’u mbledhur tek Ai?

Mbledhja jonë vetjake

Ftojini nxënësit t’u përgjigjen pyetjeve vijuese në ditarin e tyre të studimit. Nxënësit e gatshëm mund të ftohen t’ia tregojnë përgjigjet e tyre klasës. Merreni parasysh të tregoni se si jeni bekuar nga mbledhja me shenjtorët siç urdhëroi Shpëtimtari.

Si mendon se po të fton Shpëtimtari që të mblidhesh tek Ai?
Shenjtorët sakrifikuan fermat e tyre për t’iu bindur urdhrit të Zotit për t’u mbledhur (shih te Doktrina e Besëlidhje 38:37). Çfarë sakrificash kërkon Zoti nga ne që të marrim bekimet e mbledhjes?
Çfarë ke mësuar rreth Shpëtimtarit që do të të ndihmonte ta pranoje ftesën e Tij për t’u mbledhur tek Ai?

Burime Shtesë

Çfarë sakrifikuan shenjtorët për t’u mbledhur në Ohajo?

Njull Najti shënoi:

“Në bindje ndaj urdhërimit që u dha, unë, së bashku me degën e Kollsvillit, filluam të bëjmë përgatitjet për të shkuar në Ohajo. …

Siç mund të pritej, ne qemë të detyruar të sakrifikonim shumë nga prona jonë. …

Pasi kishim marrë masat më të mira që mundeshim për udhëtimin, i dhamë lamtumirën gjithçkaje që ishte e shtrenjtë për ne në këtë tokë … [dhe] u nisëm [në prill 1831] për në Ohajo.” (Newel Knight autobiography and journal, rreth 1846–1847, f. 28–29, Church History Library, Salt Lake City; germëzimi, shkrimi me germa të mëdha dhe pikësimi të përditësuara)

Përse Zoti e urdhëron popullin e Tij të mblidhet?

Presidenti Henri B. Ajring, i Presidencës së Parë, dha mësim:

“Ne e dimë nga përvoja se gëzimi vjen kur ne jemi të bekuar me unitet. … Dëshira e [Atit tonë Qiellor] është të na e plotësojë atë dëshirë të shenjtë për unitet nga dashuria e Tij për ne.

Ai nuk mund të na e dhurojë atë si individë. Gëzimi i unitetit që Ai dëshiron kaq shumë të na japë[,] nuk është vetëm për individë. Ne duhet ta kërkojmë atë dhe të kualifikohemi për të me të tjerë. Nuk është e papritur atëherë që Perëndia na nxit të mblidhemi që Ai të mund të na bekojë. Ai [dëshiron që ne] të mblidhemi në familje. Ai ka krijuar klasa, lagje e degë dhe na ka urdhëruar të takohemi shpesh bashkë. Në ato mbledhje, që Perëndia i ka [krijuar] për ne, gjendet mundësia jonë e madhe. Ne mund të lutemi dhe të punojmë për unitetin që do të na sjellë gëzim dhe do t[a] shumëfishojmë forcën tonë për të shërbyer.” (Henri B. Ajring, “Zemrat Tona Thuren si Një e Vetme”, Liahona, nëntor 2008, f. 69)

Motra Reina I. Aburto, ish-këshilltare në Presidencën e Përgjithshme të Shoqatës së Ndihmës, tha:

“Prej fillimit, Perëndia ka kërkuar t’i mbledhë dhe organizojë fëmijët e Tij që ‘të bëj[ë] të ndodhë pavdekësia dhe jeta [jonë] e përjetshme’ [Moisiu 1:39]. Me atë qëllim në mendje, Ai na ka udhëzuar të ndërtojmë vende adhurimi, ku ne marrim njohuri dhe ordinancat e shpëtimit dhe të ekzaltimit; bëjmë dhe mbajmë besëlidhje që na lidhin me Jezu Krishtin; na dhurohet ‘fuqia e perëndishmërisë’ [Doktrina e Besëlidhje 84:20] dhe mblidhemi shpesh së bashku për të kujtuar Jezusin dhe për ta forcuar njëri‑tjetrin në Të. Organizimi i Kishës dhe godinat e saj ekzistojnë për dobinë tonë shpirtërore. Kisha … është struktura mbështetëse me të cilën ndërtojmë familje të përjetshme’ [L. Tom Perry, “The Tradition of Light and Testimony”, Ensign, dhjetor 2012, f. 30].” (Reina I. Aburto, “Ne Jemi Kisha e Jezu Krishtit e Shenjtorëve të Ditëve të Mëvonshme”, Liahona, maj 2022, f. 11)

Doktrina e Besëlidhje 38:32. Kur ua dha Zoti shenjtorëve ligjin e Tij dhe kur u dhuroi fuqi nga lart?

Pak pasi Profeti Joze Smith arriti në Ohajo, Zoti zbuloi ligjin e Tij që tani shënohet te Doktrina e Besëlidhje 42. Më vonë, në vitin 1836, Zoti u dhuroi shenjtorëve të Tij fuqi nga lart në Tempullin e Kirtlandit (shihni te Doktrina e Besëlidhje 95:8; 110:9).

Veprimtari Plotësuese të të Mësuarit

Materiale filmike rreth mbledhjes në kohën tonë

Merreni parasysh të përdorni një ose më shumë nga materialet filmike vijuese, në dispozicion në ChurchofJesusChrist.org, për t’i ndihmuar nxënësit të kuptojnë bekimet e mbledhjes në kohën tonë. Ato mund të jenë të dobishme kur nxënësit të diskutojnë vetë mbledhjen e tyre.

Për të parë një shembull të të rinjve dhe të rejave që i ftojnë të tjerët të mblidhen me ta, merreni parasysh të shikoni materialin filmik “You Can Do This as a Quorum or Class” [“Mund ta Bëni Këtë si Kuorum ose Klasë”] (4:04; shikoni nga kodi kohor 0:10 deri në 2:14).

4:4

Për të parë një shembull se si një e re u bekua nga mbledhja në kampin për Të Rejat, shikoni materialin filmik “Why Am I Here?” [“Pse Jam Unë Këtu?”] (4:10).

4:10

Për t’i ndihmuar nxënësit që mund të pyesin veten pse duhet të mblidhen në veprimtaritë e Kishës kur nuk ndiejnë se kanë ndonjë dobi të madhe prej tyre, shikoni materialin filmik “Nevojat përpara Vetvetes” (11:57; shikoni nga kodi kohor 5:59 deri në 8:25).

12:6

Doktrina e Besëlidhje 38:8–12. Ata që do ta durojnë Ardhjen e Dytë të Shpëtimtarit

Për t’i ndihmuar nxënësit të diskutojnë disa nga mësimet e Shpëtimtarit rreth kthimit të Tij, mund të shfaqni një figurë të Ardhjes së Dytë të Shpëtimtarit. Ftojini nxënësit të hulumtojnë te Doktrina e Besëlidhje 38:8–12, duke kërkuar se kush do ta “durojë ditën” (vargu 8) e Ardhjes së Dytë (mbetet në tokë me Shpëtimtarin). Kërkojuni nxënësve të tregojnë atë që gjetën dhe të diskutojnë se si të qenit të pastër dhe të dëlirë do të na lejojë ta durojmë ditën e Ardhjes së Dytë të Shpëtimtarit.

Mund edhe ta studioni shëmbëlltyrën e grurit dhe egjrave te Mateu 13:24–30 (shihni edhe te Doktrina e Besëlidhje 86:1–7).

Doktrina e Besëlidhje 38:30. “Nëse jeni të përgatitur, ju s’do të frikësoheni”

Për t’i ndihmuar nxënësit të ndiejnë rëndësinë e të qenit të përgatitur, mund të diskutoni rastet kur jeni ndier të përgatitur ose të papërgatitur dhe ftojini nxënësit të tregojnë përvoja të tilla vetjake. Flisni për atë për të cilën kemi nevojë të përgatitemi.

Mund të lexoni edhe këtë thënie nga Presidenti Rasëll M. Nelson dhe të diskutoni pyetjet që vijojnë:

“Unë ju nxit të ndërmerrni hapa për të qenë të përgatitur materialisht. Por jam akoma më i shqetësuar për përgatitjen tuaj shpirtërore dhe emocionale” (Rasëll M. Nelson, “Përqafojeni të Ardhmen me Besim”, Liahona, nëntor 2020, f. 74).

Si mund të përgatitemi materialisht, emocionalisht dhe shpirtërisht?
Si mund ta përfshijmë Shpëtimtarin në përgatitjet tona?
Si mendon se mund të na ndihmojë të qenit të përgatitur në këto mënyra që të mos kemi frikë?

Eja Më Ndiq: Zëra të Rivendosjes

Merreni parasysh t’i ftoni ta lexojnë dhe diskutojnë tregimin e shpërnguljes së Feba Karterit në Ohajo. Shih pjesën “Zëra të Rivendosjes” për seksionet Doktrina e Besëlidhje 37–40 tek Eja Më Ndiq – Për Shtëpinë dhe Kishën. Nxënësit mund të diskutojnë sakrificat që bëri ajo për t’u mbledhur me shenjtorët në Ohajo dhe atë që mësojnë rreth ndjekjes së Shpëtimtarit nga shembulli i saj.

Një shfaqje rreth mbledhjes së Ohajos

Në vend të leximit të tregimit të udhëheqjes së një grupit shenjtorësh drejt Ohajos nga Lusi Mek Smithi, mund t’i ftoni nxënësit ta luajnë atë me role. Mund të përdorni skenarin që gjendet në artikullin “Lucy Leads the Way” në revistën Miku, maj 2018, f. 12–13.