Doktrina e Besëlidhje 29:9–29

Merrni parasysh të paraqitni një figurë të Ardhjes së Dytë, si ajo në fillim të këtij mësimi. Në krah të figurës, krijoni një shkallë nga 1 deri në 10, ku 1 përfaqëson të “frikshmen” dhe 10 përfaqëson të “gëzueshmen”. Kërkojuni disa nxënësve të vendosin një shenjë mbi shkallë për të përfaqësuar se si mendojnë ata se ndihen shumë adoleshentë rreth Ardhjes së Dytë të Shpëtimtarit. Kërkojuni atyre ta shpjegojnë shenjën e tyre.

Më pas merreni parasysh t’i ftoni nxënësit t’u përgjigjen në heshtje pyetjeve vijuese në ditarët e tyre të studimit.

Shpenzoni kohën e nevojshme për t’i ndihmuar nxënësit ta kuptojnë përmbajtjen e paragrafit vijues.

Ftojini nxënësit të bëjnë një listë në tabelë me fjalët dhe frazat që gjetën. Pyetini disa nxënës pse ajo që gjetën i ndihmon ata të gëzohen.

Ndërsa flasin, mund t’i ndihmoni ta individualizojnë atë që gjetën duke u bërë pyetje për ndjekjen e ecurisë si ato në vijim:

Mund të sugjeroni që nxënësit ta shenjojnë frazën kyç të shkrimit të shenjtë te vargu 11: “Unë do të shfaqem nga qielli me fuqi e lavdi të madhe … dhe do të banoj në drejtësi me njerëzit në tokë për një mijë vjet”.

Pjesa e mbetur e këtij mësimi përqendrohet te kushtet e mrekullueshme që Shpëtimtari do t’i bekojë të drejtët gjatë dhe pas rikthimit të Tij.

Përpara se të vazhdoni më tej, nëse doni, mund t’i ndihmoni nxënësit të kuptojnë frazën e fundit te vargu 11, “të ligjtë nuk do të durojnë dot”. Nxënësit mund të lexojnë vargjet 9, 15 dhe 17 për të parë pasojat që do të vuajnë ata të cilët e refuzojnë Krishtin. Nëse i studioni këto vargje në klasë, kujtojuni nxënësve të shqetësuar rreth njerëzve të tyre të dashur që dëshira dhe fuqia e Shpëtimtarit është t’i falë dhe shërojë të gjithë ata që pendohen dhe vijnë tek Ai.

(Shënim: Mësimet te Doktrina e Besëlidhje 45 do të përqendrohen më në veçanti te shenjat e kohës dhe përgatitja vetjake për Ardhjen e Dytë të Krishtit.)

Ftojini nxënësit të tregojnë atë që dinë rreth kushteve të tokës gjatë dhe pas mbretërimit mijëvjeçar të Jezu Krishtit. Mund t’i ftoni ata edhe që të tregojnë pyetjet që kanë rreth kësaj.

Merreni parasysh t’i vendosni nxënësit në grupe të vogla, ku secili grup studion një nga burimet vijuese. Më pas, ose ftojeni secilin grup t’ia paraqesë klasës atë që mësoi, ose ftojini nxënësit të formojnë grupe të reja me nxënësit që studiuan secili burime të ndryshme dhe të tregojnë me radhë atë që mësuan.

Për t’i ndihmuar nxënësit t’i shohin qartë arsyet për t’u gëzuar për kushtet që pasojnë rikthimin e Shpëtimtarit, mund ta mbyllni këtë pjesë të mësimit duke treguar thënien e Plakut D. Tod Kristoferson në pjesën “Burime Shtesë”.

Për t’i ndihmuar nxënësit të përfytyrojnë Shpëtimtarin e dashur duke zbritur nga qielli, merreni parasysh të shfaqni materialin filmik “Jezu Krishti Shfaqet në Kontinentin e Lashtë Amerikan”, në dispozicion në ChurchofJesusChrist.org, nga kodi kohor 11:20 deri në 16:31. Ftojini ata të kërkojnë ngjashmëri mes dashurisë së demonstruar nga vizita e Shpëtimtarit te nefitët dhe asaj që imagjinojnë se do të ndodhë kur Ai të rikthehet.

Merreni parasysh të shprehni ndjenjat tuaja ndërsa prisni me padurim rikthimin e Jezu Krishtit në tokë. Nëse doni, mund ta përfundoni orën mësimore me një himn mbylljeje që flet për gëzimin e ardhjes së Krishtit dhe mbretërimit të Tij mijëvjeçar, të tillë si “Shpirti i Per’ndis’” (Himne, nr. 2), “Tani Le t’Gëzojmë” (Himne, nr. 3) ose “Botës Gëzim” (Himne, nr. 120).

Nëse doni, mund t’i ndihmoni gjithashtu nxënësit ta mësojnë përmendsh referencën e zotërimit doktrinor dhe frazën kyç të shkrimit të shenjtë gjatë këtij mësimi dhe t’i përsëritin ato në mësimet e ardhshme. Fraza kyç e shkrimit të shenjtë është: “Unë do të shfaqem nga qielli me fuqi e lavdi të madhe … dhe do të banoj në drejtësi me njerëzit në tokë për një mijë vjet”. Idetë për veprimtaritë e të mësuarit përmendsh janë në materialet e shtojcës nën titullin “Veprimtari për Përsëritjen e Zotërimit Doktrinor”.