Doktrina e Besëlidhje 28

• Si mund ta bësh dallimin mes një imitimi dhe asaj që është e vërtetë?

• Përse mund të jetë e dëmshme të ngatërrosh një imitim me diçka që është e vërtetë?

• Si mund të zbatohet kjo për dikë që po përpiqet ta ndjekë Shpëtimtarin në jetën e vet?

Lexoje hyrjen e seksionit Doktrina e Besëlidhje 28 dhe kërko një situatë ku anëtarët e Kishës së organizuar rishtas e patën të vështirë ta dinin se çfarë ishte e vërtetë dhe çfarë ishte imitim.

Mund të jetë e dobishme të dish se Hajrëm Peixhi ishte një burrë i cili e përqafoi ungjillin dhe u pagëzua po atë muaj kur Kisha u organizua. Ai qe përzgjedhur edhe si njëri nga Tetë Dëshmitarët e Librit të Mormonit dhe qe gjithnjë i vërtetë ndaj dëshmisë së tij për të.

• Si mendon, pse edhe njerëzit e mirë si Hajrëm Peixhi dhe Oliver Kaudëri mund të mashtrohen nga imitimet e Satanit?

Ndalu një çast për të përsiatur sa vijon:

• Si mund të jetë duke u përpjekur Satani të të mashtrojë ty dhe të tjerë që ti njeh?

• Çfarë udhërrëfimi dhe ndihme na jep Zoti për të na e shmangur rënien pre të mashtrimit?

Teksa vazhdon të studiosh, kërko përgjigje për këto pyetje.

I shqetësuar për atë që duhej të bënte në këtë situatë, Jozef Smithi kaloi një natë duke u lutur për një përgjigje nga Zoti dhe duke e marrë atë. Zbulesa që ai mori shënohet si Doktrina e Besëlidhje 28 dhe i drejtohej Oliver Kaudërit.

Lexo te Doktrina e Besëlidhje 28:1–8, 11–13 dhe kërko të vërtetat që i mësoi Zoti Oliverit rreth zbulesës.

• Si mendon, pse Zoti e jep gjithmonë zbulesën sipas këtyre parimeve?

• Si mund të na ndihmojë njohuria për këto të vërteta që ta shmangim rënien pre të mashtrimit?

Në bisedën e tij “Një Strukturë për Zbulesë Vetjake”, Plaku Dejll G. Renland, i Kuorumit të Dymbëdhjetë Apostujve, dha disa ide rreth procesit të marrjes së zbulesës:

1. “Ne marrim zbulesë vetjake vetëm brenda fushëveprimit tonë [ose shtrirjes së ndikimit tonë] dhe jo brenda kujdestarisë [të drejtës ose privilegjit] [t]ë të tjerëve. …”

2. “Doktrina, urdhërimet dhe zbulesat për Kishën janë kujdestaria e profetit të gjallë, i cili i merr ato nga Zoti Jezu Krisht [shih te Doktrina e Besëlidhje 21:4–5]. …”

3. “Zbulesa vetjake do të jetë në harmoni me urdhërimet e Perëndisë dhe besëlidhjet që kemi bërë me Të. …”

4. “Kur kërkojmë zbulesë rreth diçkaje për të cilën Perëndia e ka dhënë tashmë drejtimin e qartë, ne bëhemi të cenueshëm nga keqinterpretimi i ndjenjave tona dhe nga dëgjimi i asaj që duam të dëgjojmë” (Liahona, nëntor 2022, f. 16, 17).

Lexoji situatat vijuese dhe gjej një varg ose frazë nga fjalët e Zotit që i studiove te Doktrina e Besëlidhje 28 prej të cilave mësohet a mund të jenë zbulesa të vërteta.

• Profeti e inkurajon gjithë Kishën që të frekuentojë tempullin.

• Një grup i shqetësuar anëtarësh jep mësim me guxim se Perëndia do që Kisha të bëjë ndryshime në doktrinë ose të ndryshojë një rregullore rreth një çështjeje të vështirë.

• Një anëtar beson se Zoti i ka zbuluar atij atë që duhet të bëjë peshkopi në lagjen e tyre.

• Nëna e një të reje i thotë vajzës se nuk ndihet mirë për një zgjedhje të caktuar që e reja po bën.

• Ndërkohë që del në takime në kolegj, një i ri në moshë madhore thotë se ka marrë zbulesë që një e re e caktuar duhet të martohet me të.

  Mund të jetë me vlerë të shpjegoni se është e përshtatshme t’ua shprehim me dashuri shqetësimet ose idetë atyre që kryesojnë mbi ne ose dikujt jashtë kujdestarisë sonë, por duhet ta pranojmë me respekt të drejtën e tyre për zbulesë mbi çështjen. Për shembull, një i ri mund të ndihet i frymëzuar që Zoti e miraton që ai t’i kërkojë një të reje të martohet me të, por ajo ka të drejtën të marrë vetë zbulesë rreth asaj që është më e mira për të.

  Për një shembull nga jeta reale e dikujt që mendoi se mori zbulesë jashtë këtyre parimeve, shiko materialin filmik “Një Strukturë për Zbulesë Vetjake” nga kodi kohor 4:14 deri në 5:07, në dispozicion në ChurchofJesusChrist.org.

  

  12:41

• Si mund të na largojë nga Shpëtimtari të besuarit tek imitimet e Satanit në çdonjërën prej situatave jo të sakta më sipër?

  Për t’i ndihmuar nxënësit të ndiejnë rëndësinë e zbulesës së dhënë nga Zoti sipas mënyrës së Tij dhe sipas rendit të Tij, ftojini ata të përgjigjen për të paktën dy prej pyetjeve vijuese në ditarët e tyre të studimit:

• Si mund të jetë një bekim për ty të kuptuarit e rendit që përdor Zoti për zbulesat e Tij?

• Kur të ka bekuar Zoti ty ose dikë që e njeh nëpërmjet zbulesës ndaj një profeti, një udhëheqësi të kunjit ose lagjes, ose një prindi?

• Kur ke marrë ti ose dikush që e njeh zbulesë nga Zoti për të bekuar ata të cilëve u thirre për t’iu dhënë shërbesë ose për t’iu shërbyer?

• Kur je bekuar me anë të zbulesës nga Zoti posaçërisht për ty?

Oliver Kaudëri e pranoi zbulesën dhe pas shumë përpjekjesh për t’i bindur, Hajrëm Peixhi dhe të tjerët hoqën dorë nga zbulesat e pasakta.