Doktrina e Besëlidhje 27:1–14

Shoku ose shoqja të thotë: “Çdokush thotë se sakramenti është shumë i rëndësishëm, por në të vërtetë mua nuk më duket ndonjë gjë me aq rëndësi. Çfarë po më shpëton?”

• Çfarë pyetjesh mund të bësh?

• Çfarë mund t’i tregoje?

Përsiati përvojat e tua të kohëve të fundit me marrjen e sakramentit. A janë kuptimplota përvojat e tua me sakramentin? Përse po ose përse jo?

Ndërsa studion te Doktrina e Besëlidhje 27, kërko të vërteta që mund të të udhërrëfejnë ty dhe të tjerë që të keni përvoja më kuptimplota dhe të fuqishme nëpërmjet sakramentit.

Në gusht të vitit 1830, Njull dhe Selli Najti udhëtuan nga Kollsvilli i Nju-Jorkut, për të vizituar Profetin Jozef Smith dhe bashkëshorten e tij, Emën, në Harmoni të Pensilvanisë. Të dyja, Ema dhe Selli, qenë pagëzuar më parë, por për shkak të përndjekjes nga një turmë, asnjëra nuk qe konfirmuar si anëtare e Kishës dhe nuk e kishte marrë dhuratën e Frymës së Shenjtë. Përpara se çifti Najt të kthehej në shtëpi, Jozefi dhe miqtë e tij vendosën të merrnin sakramentin së bashku dhe të kryenin konfirmimet.

Me këtë historik në mendje, lexoje kreun e kapitullit Doktrina e Besëlidhje 27 për të parë se si u mor kjo zbulesë.

Lexo te Doktrina e Besëlidhje 27:1–2, duke kërkuar atë që mësoi Jozefi rreth sakramentit.

• Çfarë të bëri përshtypje? Përse?

  Ftojini disa nxënës të japin mendimet e tyre. Kërkoni mënyra për të treguar që i vlerësoni përgjigjet e tyre.

  Nëse nxënësit nuk tregojnë natyrshëm të vërteta, merreni parasysh të bëni pyetjen: “Çfarë mësoni nga këto vargje rreth mënyrës se si duhet ta marrim sakramentin?” Teksa nxënësit përgjigjen, përdorini fjalët e tyre për të shkruar një parim në tabelë. Ai mund të jetë i ngjashëm me sa vijon: Ne duhet ta marrim sakramentin me syrin drejtuar te lavdia e Perëndisë, duke kujtuar Jezu Krishtin dhe Shlyerjen e Tij për ne.

  Nëse është e dobishme, merreni parasysh t’i pyesni nxënësit se cilat fraza nga këto vargje do të donin të përsiatnin ose t’i kuptonin më mirë. Materiali vijues mund të ndihmojë:

• “Çfarë mendoni se do të thotë ta marrësh sakramentin me syrin drejtuar te lavdia e Perëndisë?

Engjëlli zbuloi mesazhin e Shpëtimtarit për të kujtuar që trupi i Shpëtimtarit “u dha për ju” dhe që gjaku i tij “u derdh për heqjen e mëkateve tuaja” (Doktrina e Besëlidhje 27:2; theksimi i shtuar).

• Si mendon, çfarë do të thotë të kujtosh flijimin e Shpëtimtarit “për [ty]” personalisht dhe për “mëkate[t e tua]” ndërsa merr sakramentin?

13:40

Për ta theksuar mësimdhënien e Tij, Zoti profetizoi se Ai do ta administronte sakramentin në të ardhmen. Lexo te Doktrina e Besëlidhje 27:5 për të parë profecinë. (Shih edhe te Lluka 22:18.)

Hidh një sy të shpejtë te Doktrina e Besëlidhje 27:6–14 për të parë se kush tjetër do të rikthehet.

• Si mund të ndikojë të qenit me Shpëtimtarin ndërkohë që e merr sakramentin?

Bëj dy ose tri nga veprimtaritë vijuese që të të ndihmojnë të përgatitesh për ta marrë sakramentin me syrin drejtuar te lavdia e Perëndisë.

1. Rendit të vërteta rreth Shpëtimtarit që mendon se do të ishin të fuqishme për t’u kujtuar gjatë sakramentit.

2. Shëno në ditarin tënd përvoja kur Shpëtimtari të ka ndihmuar ty ose dikë që e njeh. Shpjego pse mund të jetë e dobishme t’i kujtosh përvoja si këto gjatë sakramentit.

3. Rendit shkrime të shenjta ose himne rreth Shpëtimtarit dhe flijimit të Tij për ty që ndien se do të ishin të dobishme t’i përsiatje gjatë sakramentit. Merr parasysh të përfshish rreshta ose fraza të caktuara që të duken veçanërisht të dobishme dhe arsyen pse.

4. Reflekto për nevojën tënde vetjake për flijimin e Shpëtimtarit. Kjo mund të përfshijë përsiatjen e besëlidhjeve të tua me Zotin dhe çdo mëkat kryerjeje (kur bëjmë atë që nuk duhet) ose moskryerjeje (kur nuk bëjmë atë që duhet) për të cilin duhet pendim.

5. Rendit shpërqendrime të mundshme që nevojitet t’i shmangësh gjatë sakramentit dhe arsyet ose ndien se duhet t’i shmangësh ato për të pasur një përvojë më kuptimplotë me sakramentin.

6. Rendit mënyra të tjera se si mund të përqendrohesh te Shpëtimtari gjatë sakramentit dhe arsyet pse ato mund të jenë të dobishme.

Zgjidh plot lutje atë që do të bësh për ta marrë sakramentin me syrin drejtuar te lavdia e Perëndisë këtë të diel që vjen. Bëj një plan për mënyrën se si ta vësh në zbatim atë veprim. Merr parasysh se si bërja e kësaj gjatë disa mbledhjeve të ardhshme të sakramentit mund të ndikojë tek ti dhe te marrëdhënia jote me Atin Qiellor dhe Jezu Krishtin. Kërko ndihmën e Tyre ndërsa përpiqesh fort ta çosh deri në fund planin tënd.