Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 42: Doktrina e Besëlidhje 27:15–18: “Merrni mbi Vete Gjithë Armatimin Tim”

“Doktrina e Besëlidhje 27:15–18: ‘Merrni mbi Vete Gjithë Armatimin Tim’”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 27:15–18”, Manuali i Mësuesit të Seminarit për Doktrinën e Besëlidhjet

Mësimi 42: Doktrina e Besëlidhje 27–28

Doktrina e Besëlidhje 27:15–18

“Merrni mbi Vete Gjithë Armatimin Tim”

Si pjesë e mesazhit që mori Jozefi nga një engjëll i Perëndisë, Jozefit iu mësua se si shenjtorët mund të ftonin mbrojtje më të madhe nga Jezu Krishti. Ky mësim ka për qëllim t’i ndihmojë nxënësit të kuptojnë se si mund të na mbrojë Shpëtimtari nga mënyrat se si Satani përpiqet të na tundojë dhe shkurajojë.

Veprimtari të Mundshme të të Mësuarit

Sulmet e kundërshtarit

Jepini çdo nxënësi një fletë të vogël letre. Ftojini nxënësit të shkruajnë në letër një mënyrë se si kundërshtari e tundon ose përpiqet ta shkurajojë rininë. Më pas ftojini ata ta bëjnë shuk letrën si një top. Ftojeni një nxënës/e përpara klasës dhe vëreni atë të përpiqet të shmanget ose të mënjanohet ndërsa nxënësit e tjerë i hedhin topat prej letre në drejtim të tij ose saj.

Ftojini nxënësit të dalin përpara klasës, t’i hapin letrat dhe të tregojnë atë që qe shkruar në to. Kërkojini klasës të përcaktojë mënyra se si i shohin këto tundime ose sulme sot.

Çfarë mund të bësh për t’u vetëmbrojtur nga këto sulme?

Kërko udhërrëfimin e Frymës së Shenjtë ndërsa i përsiat tundimet dhe shkurajimet me të cilat përballesh. Përsiati mënyrat se si Zoti të ka ndihmuar t’i kapërcesh ato. Në çfarë mënyrash po has ende vështirësi dhe të nevojitet ndihma e Shpëtimtarit? Ndërsa studion te Doktrina e Besëlidhje 27, kërko të vërtetat dhe frymëzimin që mund të të ndihmojë.

I gjithë armatimi i Perëndisë

Pas fjalëve të Tij drejtuar Jozef Smithit rreth sakramentit (shih te Doktrina e Besëlidhje 27:1–4), Shpëtimtari premtoi se Ai do të rikthehej në tokë dhe ta merrte sakramentin me ndjekësit e Tij (shih te Doktrina e Besëlidhje 27:5–14). Shpëtimtari më pas dha mësim se si shenjtorët mund të mbroheshin shpirtërisht nga fuqitë e Satanit “derisa unë të vij, dhe ju do të rrëmbeheni lart, sepse aty ku unë jam, ju do të jeni gjithashtu” (Doktrina e Besëlidhje 27:18).

Lexo te Doktrina e Besëlidhje 27:15–18, duke kërkuar se si mund të marrësh mbrojtjen e Shpëtimtarit kundrejt kundërshtarit.

Ftojini nxënësit të tregojnë atë që gjetën. Nëse është e nevojshme, ndihmojini ata të përcaktojnë se nëse e marrim mbi vete gjithë armatimin e Shpëtimtarit, do të forcohemi për t’i bërë ballë të keqes. Ndihmojini nxënësit ta analizojnë këtë të vërtetë. Mund ta bëni këtë duke u drejtuar disa nga pyetjet vijuese.

Si mendoni, pse Shpëtimtari e krahason ndihmën dhe mbrojtjen e Tij me një armatim?
Si mendoni, çfarë do të thotë të “qëndroni”? (Shih vargjet 15–16)
Si mendoni, pse Zoti e thekson “gjithë” armatimin e Tij?

Merreni parasysh t’i ftoni nxënësit të shenjojnë frazën “gjithë armatimin tim” te vargu 15. Nxënësit mund të imagjinojë se iu desh të shkonin të luftonin në një luftë, por nuk kishin armatim. Dikush që kishte luftuar dhe kishte pasur sukses në shumë luftëra më pas u dha atyre armatim për t’i mbrojtur dhe qe i gatshëm të luftonte me ta.
Si do të ndiheshe kundrejt këtij personi?
Ku mund të ngjasojë kjo situatë me atë që Shpëtimtari bën për ne?

Mbrojtjet dhe ndihma e Shpëtimtarit

Apostulli Pal shkroi: “Vishuni me Zotin Jezu Krisht” (Romakëve 13:14). Pjesët e ndryshme të armatimit që përmenden te Doktrina e Besëlidhje 27 (shih edhe tek Efesianëve 6:11–18) mund të përfaqësojnë mënyrat se si Shpëtimtari mund të na mbrojë nga mashtrimi, ligësia, trazirat dhe dyshimi që na rrethojnë. Ai na e ofron këtë mbrojtje ndërsa vijmë tek Ai.

“Merrni mbi vete gjithë armatimin tim” (Doktrina e Besëlidhje 27:15)

Për secilën nga pjesët e armatimit më poshtë, lexo fragmentet e shkrimeve të shenjta, duke kërkuar se ku ngjan Shpëtimtari me armatimin. Pastaj përgjigju për pyetjet vijuese:

Çfarë idesh të vijnë rreth Shpëtimtarit nga bërja e këtij krahasimi?
Pse mund të të bëjë kjo të dëshirosh të vish tek Ai për mbrojtje pikërisht tani në jetën tënde?

“Në ije brezin e së vërtetës” (Doktrina e Besëlidhje 27:16)

Gjoni 14:6

Doktrina e Besëlidhje 88:6

Moisiu 1:6

“Parzmoren e drejtësisë” (Doktrina e Besëlidhje 27:16)

Isaia 59:16–17 (ndërhyrës i referohet dikujt që bën atë që të tjerët nuk mund ta bëjnë për veten e tyre)

2 Nefi 4:33

Filipianëve 3:9

“Duke mbathur këmbët me gatishmërinë e ungjillit të paqes” (Doktrina e Besëlidhje 27:16)

Isaia 9:6

Mosia 15:18

“Mburojën e besimit” (Doktrina e Besëlidhje 27:17)

Moroni 7:33

Psalmeve 28:7

“Përkrenaren e shpëtimit” (Doktrina e Besëlidhje 27:18)

Mosia 3:17

Hebrenjve 5:9

“Shpatën e Shpirtit”, që është fjala e Perëndisë (Doktrina e Besëlidhje 27:18)

1 Nefi 15:24

Helamani 3:29–30

Kur nxënësit të mbarojnë, vërini të japin mendime rreth mënyrave të ndryshme se si Shpëtimtari mund t’i ndihmojë dhe mbrojë ata dhe përvojat e tyre me këtë. Merreni parasysh të jepni mendimet dhe përvojat tuaja gjithashtu.

Veshja e gjithë armatimit të Tij

Merreni parasysh t’u kujtoni nxënësve që kjo zbulesë filloi me një lajmëtar qiellor që parashtroi mësimet e Shpëtimtarit mbi sakramentin dhe premtimin e Shpëtimtarit për t’u rikthyer në tokë dhe për ta marrë sakramentin me ndjekësit e Tij (shihni te Doktrina e Besëlidhje 27:1–14). Kjo sugjeron që të kujtuarit e Shpëtimtarit dhe bërja e besëlidhjeve me Të nëpërmjet sakramentit mund të jetë një mënyrë e fuqishme se si Zoti na ka përgatitur për ta veshur gjithë armatimin e Tij dhe për të “[qenë] besnikë derisa [Ai] të vij[ë]” (Doktrina e Besëlidhje 27:18).

Në ç’mënyrë mund të jetë sakramenti një mënyrë e fuqishme për ta ftuar ndihmën dhe mbrojtjen e Shpëtimtarit (gjithë armatimin e Tij) në jetën tonë?

Kthehuni te letrat që u bënë shuk dhe u hodhën në fillim të orës mësimore. Lexojini pak prej tyre dhe ftojini nxënësit të tregojnë, nisur nga ajo që mësuan sot, si mund ta ndihmojë Shpëtimtari dikë që po përballet me tundim ose shkurajim. Ata mund të tregojnë edhe se si dikush mund t’i drejtohet Zotit për ta ftuar ndihmën e Tij në jetën e vet.

Burime Shtesë

Cilat janë [disa] mënyra se si mund ta veshim armatimin e Shpëtimtarit?

Plaku J. Devn Kornish, i Të Shtatëdhjetëve, përcaktoi se si lutja mund të na ndihmojë ta veshim armatimin e Perëndisë:

“Në lutjet tona ne mund të fillojmë me procesin mbrojtës të veshjes së gjithë armatimit të Perëndisë (shih [tek] Efesianëve 6:11; DeB 27:15) duke parë përpara te dita që vjen dhe duke kërkuar për ndihmë për gjëra ndonjëherë frikësuese që mund të ndeshim. Ju lutem, miq të mi, mos harroni t’i kërkoni Zotit t’ju mbrojë dhe të jetë me ju.” (J. Devn Kornish, “Privilegji i Lutjes”, Liahona, nëntor 2011, f. 102)

Plaku L. Uitni Klejton, i Të Shtatëdhjetëve, dha idetë vijuese:

“Zhvillimi i besimit te Zoti Jezu Krisht është një proces hap pas hapi, rresht pas rreshti dhe parim pas parimi. Ne e nxitim procesin e forcimit të besimit tonë kur bëjmë atë që është e drejtë – besimi më i madh gjithnjë vjen si pasojë. Nëse e ushtrojmë besimin tonë çdo ditë me lutje, studim dhe bindje, Shpëtimtari e ndihmon mosbesimin tonë dhe besimi ynë bëhet një mburojë për të ‘shua[r] të gjitha shigjetat e zjarrta të të ligut’ [Doktrina e Besëlidhje 27:17]. Alma dha mësim se ne mund t’i ‘bëj[m]ë ballë çdo tundimi të djallit, me besimin [tonë] në Zotin Jezu Krisht’ [Alma 37:33]. Sidoqoftë, ne nuk mundemi as t’i shpërfillim, as t’i hedhim poshtë përbërësit thelbësorë të besimit dhe më pas të presim të mbledhim të korra të bollshme.” (L. Whitney Clayton, “Help Thou Mine Unbelief”, nëntor 2001, f. 29)

Shiko materialin filmik “Yes, We Can and Will Win!” [“Po, Ne Mund dhe Do Të Fitojmë!”] nga kodi kohor 6:56 deri në 7:52 për ta parë Plakun Ulises Soares, të Kuorumit të Dymbëdhjetë Apostujve, të shpjegojë se si dëshmia mund të jetë një mënyrë për ta veshur armatimin e Shpëtimtarit.

11:60

Veprimtari Plotësuese të të Mësuarit

Fillim alternativ i mësimit

Shfaqni figura të një zënke me ujë, një ndeshjeje boksi dhe një lufte. Ftojini nxënësit të tregojnë se si do të përgatiteshin për secilin nga këto dyluftime ndryshe dhe pse. Cilat janë sfidat me të cilat mund të përballen te secila? Çfarë shqetësimesh do të kishin ata?

Më pas ftojini të marrin parasysh paralelizmat shpirtërore me luftën.

Cila është lufta ku jemi të gjithë të përfshirë? Me çfarë sfidash po përballen nxënësit? Çfarë shqetësimesh kanë ata? Informojini ata se në këtë mësim fjalët e Shpëtimtarit do t’u mësojnë si t’iu bëjnë ballë betejave me të keqen. Kërkoni të vërteta dhe këshilla që mund t’ju ndihmojnë në betejat tuaja shpirtërore kundër Satanit.

Si mund ta veshim gjithë armatimin

Për të kuptuar se si ta veshin gjithë armatimin e Shpëtimtarit, nxënësit mund të lexojnë vargjet te Doktrina e Besëlidhje 27:15–18 dhe të vizatojnë dhe emërtojnë çdo pjesë të armatimit. Nxënësit mund të përsiatin atë që përfaqëson secila pjesë. Për shembull, përkrenarja mund të përfaqësojë mbrojtjen e mendimeve tona. Nxënësit më pas mund të përzgjedhin një ose dy pjesë të armatimit dhe të përdorin shkrimet e shenjta që u janë dhënë, për të gjetur mënyra se si ta veshin atë pjesë të armatimit të Shpëtimtarit.

Përkrenarja e shpëtimit: mendimet tona – Filipianëve 4:8; 2 Nefi 9:39; Mosia 4:30; Doktrina e Besëlidhje 6:36
Parzmorja e drejtësisë: zemra jonë – Mateu 22:37–39; 2 Nefi 31:13; Alma 5:14
Mbathja e këmbëve: synimet ose drejtimi ynë në jetë – Abraham 3:25; 2 Nefi 31:20; 3 Nefi 27:27; Moroni 7:47–48; Doktrina e Besëlidhje 11:20
Brezi i së vërtetës në ije: virtyti – 1 Korintasve 6:18–20; Alma 39:9; Doktrina e Besëlidhje 63:16; Nenet e Besimit 1:13
Mburoja e besimit – 2 Nefi 9:23; Ethëri 12:6; Moroni 7:26
Shpata e Shpirtit: fjala e Perëndisë – 2 Nefi 31:20; 32:3; Alma 32:28–29; Doktrina e Besëlidhje 84:44–45

Pas studimit të tyre, nxënësit mund të tregojnë se si veprimet që zbuluan i kanë ndihmuar ose mund t’i ndihmojnë ata të qëndrojnë pranë Shpëtimtarit dhe të veshin armatimin e Tij.

Veprimtaria e zbatimit

Për t’i ndihmuar nxënësit të shohin se si t’i zbatojnë të vërtetat që kanë përcaktuar rreth armatimit të Perëndisë, ftojini ata t’i marrin parasysh skenarët vijues (ose skenarë të tjerë ku të rinjtë e të rejat mund të përballen me tundime). Ftojini nxënësit të diskutojnë mënyra specifike në të cilat secili prej këtyre të rinjve mund të jetë në gjendje ta veshë gjithë armatimin e Shpëtimtarit. Si mund t’i ndihmojë bërja e kësaj që të forcohen nga Jezu Krishti?

Stela është herë pas here nën trysninë e moshatarëve të saj për të përdorur drogë dhe alkool.

Francin shpesh e tallin dhe ngacmojnë ngaqë ai i bindet ligjit të dëlirësisë. Ai nganjëherë pyet veten a ia vlen të vazhdojë të jetë besnik.

Prej detyrave të shkollës, Nedës i duhet të shpenzojë periudha të gjata kohore në kompjuter. Shpesh ajo e gjen veten duke i çuar orët dëm në mediat shoqërore, duke luajtur lojëra dhe duke parë pornografi në pajisjen e saj.