Doktrina e Besëlidhje 17

Dëshmitarët luajnë një rol të rëndësishëm në planin e Atit Qiellor për shpëtimin. Lexo te Doktrina e Besëlidhje 6:28, duke kërkuar atë që Zoti dha mësim rreth dëshmitarëve (shih edhe te 2 Korintasve 13:1).

• Cilët janë disa shembuj dëshmitarësh në Kishë?

• Si mendon, pse Shpëtimtari siguron dëshmitarë të shumtë për punën e Tij?

Jozef Smithi e dinte nëpërmjet Librit të Mormonit dhe zbulesave, që Zoti do t’u lejonte individëve të tjerë t’i shihnin fletët e arta. Ai e dinte se tre nga dëshmitarët do t’i shihnin ato nëpërmjet fuqisë së Perëndisë (shih te 2 Nefi 27:12–13; Ethëri 5:2–4; Doktrina e Besëlidhje 5:11–15). Që të gjithë, Oliver Kaudëri, Dejvid Uitmeri dhe Martin Harrisi kishin një dëshirë të frymëzuar për të qenë njëri nga dëshmitarët. Secili luajti një rol të rëndësishëm në daljen në dritë të Librit të Mormonit.

Përkoje secilin nga Tre Dëshmitarët me hollësinë e saktë nga jeta e vet.

1. Oliver Kaudëri

2. Dejvid Uitmeri

3. Martin Harrisi

1. Siguroi financimin për shtypjen e Librit të Mormonit

2. Shërbeu si shkruesi kryesor për pjesën më të madhe të përkthimit të Librit të Mormonit

3. E ftoi Jozef Smithin ta përfundonte përkthimin e Librit të Mormonit në shtëpinë e familjes së tij

Lexo te Doktrina e Besëlidhje 17:1–2, duke kërkuar atë që Zoti u tha Tre Dëshmitarëve se do të shihnin.

• Çfarë di për secilin nga këto objekte?

• Çfarë kërkoi Zoti nga këta burra që ata t’i shihnin këto objekte?

Lexo te Doktrina e Besëlidhje 17:3–9 duke kërkuar përgjegjësinë që do të kishin Tre Dëshmitarët pasi t’i shihnin fletët.

Çfarë përgjegjësie kemi ne kur Zoti na jep dëshmi për të vërtetat hyjnore?

Si mendon, pse është domethënëse që Shpëtimtari dha dëshminë e Tij për Librin e Mormonit?

Lexo pjesën “Dëshmia e Tre Dëshmitarëve”, që ndodhet në faqet e parathënies së Librit të Mormonit, duke kërkuar për çfarë dhanë dëshmi ata.

• Çfarë ndien se është domethënëse në dëshminë e tyre?

23:10

• Çfarë mund të mësojmë nga Tre Dëshmitarët rreth marrjes së dëshmisë sonë vetjake që Libri i Mormonit është i vërtetë?

Presidenti Henri B. Ajring, i Presidencës së Parë, dëshmoi për fuqinë e dëshmisë së tyre. Lexo thënien vijuese ose shiko materialin filmik “An Enduring Testimony of the Mission of the Prophet Joseph” [“Një Dëshmi që Zgjat për Misionin e Profetit Jozef”] (17:32; shiko nga kodi kohor 4:18 deri në 5:43).

17:36

“Ata që doni, mund të kenë më shumë sesa provën fizike që iu dha atyre dëshmitarëve me anë të asaj që panë dhe dëgjuan. Ata Tre Dëshmitarë patën diçka më shumë, diçka që na nevojitet të gjithëve. Fryma e Shenjtë i dha dëshmi mendjes dhe zemrës së tyre se ajo që panë dhe dëgjuan, ishte e vërtetë. Shpirti u tha se engjëlli ishte nga Perëndia dhe se zëri ishte ai i Zotit Jezu Krisht. Ajo dëshmi e Shpirtit iu dha atyre dhe shumë vetave që nuk ishin aty. Ajo është një dëshmi që mundet, nëse kualifikohemi për shoqërimin e Frymës së Shenjtë, të jetë e jona dhe të qëndrojë me ne përgjithmonë.

Tre Dëshmitarët kurrë nuk e mohuan dëshminë e tyre për Librin e Mormonit. Ata nuk mundeshin sepse ata e dinin se ishte e vërtetë. Ata bënë sakrifica dhe u përballën me vështirësi përtej asaj që kanë njohur ndonjëherë shumica e njerëzve. Oliver Kaudëri dha të njëjtën dëshmi rreth origjinës hyjnore të Librit të Mormonit ndërsa ishte duke vdekur. Por në kohë sprove, ata u lëkundën në besimin e tyre që Jozefi ishte ende profeti i Perëndisë dhe që e vetmja mënyrë për të ardhur te Shpëtimtari qe nëpërmjet Kishës së Tij të rivendosur. [Fakti] që ata vazhduan ta pohojnë atë që panë dhe dëgjuan në atë përvojë të mrekullueshme, gjatë periudhave të gjata të largimit nga Kisha dhe nga Jozefi, e bën dëshminë e tyre më të fuqishme.” (Henry B. Eyring, “An Enduring Testimony of the Mission of the Prophet Joseph”, Liahona, nëntor 2003, f. 90)

• Si ndikon “Dëshmia e Tre Dëshmitarëve” te dëshmia jote vetjake për Librin e Mormonit? për Jezu Krishtin?

• Cilat janë disa mënyra se si mund të japim dëshminë tonë për Shpëtimtarin dhe për Librin e Mormonit?