Manuali i Mësuesit të Seminarit për Doktrinën e Besëlidhjet

Përmbajtja
Faqja e Titullit
Hyrje në Manualin e Mësuesit të Seminarit për Doktrinën e Besëlidhjet
Mësimet nga Doktrina e Besëlidhje
- Proklamata mbi Rivendosjen
- Doktrina e Besëlidhje 1
- Joseph Smith – Historia 1:1–26
- Doktrina e Besëlidhje 2; Joseph Smith – Historia 1:27–65
- Doktrina e Besëlidhje 3–5
- Doktrina e Besëlidhje 6–9
- Doktrina e Besëlidhje 10–11
- Doktrina e Besëlidhje 12–17; Joseph Smith – Historia 1:66–75
- Doktrina e Besëlidhje 18
- Doktrina e Besëlidhje 19
- Doktrina e Besëlidhje 20–22
- Doktrina e Besëlidhje 23–26
- Doktrina e Besëlidhje 27–28
- Doktrina e Besëlidhje 29
- Doktrina e Besëlidhje 30–36
- Doktrina e Besëlidhje 37–40
- Doktrina e Besëlidhje 41–44
- Doktrina e Besëlidhje 45
- Doktrina e Besëlidhje 46–48
- Doktrina e Besëlidhje 49–50
- Doktrina e Besëlidhje 51–57
- Doktrina e Besëlidhje 58–59
- Doktrina e Besëlidhje 60–63
- Doktrina e Besëlidhje 64–66
- Doktrina e Besëlidhje 67–70
- Doktrina e Besëlidhje 71–75
- Doktrina e Besëlidhje 76
- Doktrina e Besëlidhje 77–80
- Doktrina e Besëlidhje 81–83
- Doktrina e Besëlidhje 84
- Doktrina e Besëlidhje 85–87
- Doktrina e Besëlidhje 88
- Doktrina e Besëlidhje 89–92
- Doktrina e Besëlidhje 93
- Doktrina e Besëlidhje 94–97
- Doktrina e Besëlidhje 98–101
- Doktrina e Besëlidhje 102–105
- Doktrina e Besëlidhje 106–108
- Doktrina e Besëlidhje 109–110
- Doktrina e Besëlidhje 111–114
- Doktrina e Besëlidhje 115–120
- Doktrina e Besëlidhje 121–123
- Doktrina e Besëlidhje 124
- Doktrina e Besëlidhje 125–128
- Doktrina e Besëlidhje 129–132
- Doktrina e Besëlidhje 133–134
- Doktrina e Besëlidhje 135–136
- Doktrina e Besëlidhje 137–138
- Nenet e Besimit dhe Deklaratat Zyrtare 1 dhe 2
- Familja: Një Proklamatë drejtuar Botës
- Krishti i Gjallë
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Për Forcën e Rinisë: Bërja e Zgjedhjeve
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Mësimi 12 – Doktrina e Besëlidhje 2: Zemrat Tona do të Kthehen te Paraardhësit Tanë

“Mësimi 12 – Doktrina e Besëlidhje 2: Zemrat Tona do të Kthehen te Paraardhësit Tanë”, Manuali i Mësuesit të Seminarit për Doktrinën e Besëlidhjet (2025)

“Doktrina e Besëlidhje 2: Zemrat Tona do të Kthehen te Paraardhësit Tanë”, Manuali i Mësuesit të Seminarit për Doktrinën e Besëlidhjet

Mësimi 12: Doktrina e Besëlidhje 2; Joseph Smith – Historia 1:27–65

Doktrina e Besëlidhje 2; Joseph Smith – Historia 1:27–65

Zemrat Tona do të Kthehen te Paraardhësit Tanë

Kur engjëll Moroni, një profet i Librit të Mormonit, iu shfaq Jozef Smithit, ai citoi disa profeci nga shkrimet e shenjta. Njëra ishte deklarata e Malakias që profeti Elija do të kthehej dhe “zemrat e fëmijëve do të kthehen tek etërit e tyre” (Joseph Smith – Historia 1:38–39). Ky mësim mund t’i ndihmojë nxënësit të marrin pjesë në profecinë e Zotit për t’i kthyer zemrat e tyre te paraardhësit e tyre.

Veprimtari të Mundshme të të Mësuarit

Familja ime

Për t’i ndihmuar nxënësit të mendojnë për paraardhësit e tyre dhe arsyen pse e bëjmë historinë familjare, merreni parasysh t’i ftoni nxënësit të bëjnë veprimtarinë vijuese.

Shënim: Disa nxënës përjetojnë rrethana sfiduese familjare. Jini të ndjeshëm ndaj atyre që mund të kenë shqetësime, të tilla si të qenit përjetësisht të lidhur me familjet e tyre ose mosnjohja e familjeve të tyre biologjike.

Mund të jetë e dobishme të tregoni te Burime Shtesë pjesën “Si mund të ndihmojë puna në tempull dhe për historinë familjare për të shëruar marrëdhëniet familjare?”

Shkruaj sa më shumë njerëz në pemën tënde familjare që mund të mbash mend. Shih se sa shumë breza mund të përfshish.

Si është ndikuar jeta jote nga këta individë?
Cila është një përvojë kuptimplotë që mund të tregosh për njërin nga këta pjesëtarë të familjes?

Ndihmojini nxënësit të kuptojnë se pjesëmarrja në punën në tempull dhe për historinë familjare është një mënyrë se si ata mund të ndihmojnë për të bërë të ndodhë plani i Atit Qiellor për t’i bashkuar fëmijët e Tij përjetësisht. Për t’i ndihmuar nxënësit të vlerësojnë se si ndihen aktualisht rreth pjesëmarrjes në historinë familjare, merreni parasysh të përdorni pyetjet vijuese.

Cili nga këto pohime e pasqyron më mirë se si ndihesh rreth historisë familjare?

Më pëlqen pa masë të bëj historinë familjare dhe shoh një arsye të qartë për ta bërë atë.
E di se historia familjare është e rëndësishme, por nuk shpenzoj shumë kohë duke e bërë.
E di se historia familjare është e rëndësishme, por lë pjesëtarë të tjerë të familjes të merren me të.
Nuk shoh një arsye të qartë për ta bërë historinë familjare.

Rikthimi i profetit Elija

i riu Jozef Smith duke studiuar shkrimet e shenjta

Për të dhënë kontekstin për seksionin Doktrina e Besëlidhje 2, mund të paraqitni një figurë të engjëllit Moroni duke iu shfaqur Jozefit dhe t’i ftoni nxënësit të tregojnë se çfarë mbajnë mend rreth vizitës së tij. Përndryshe, mund t’i tregoni paragrafët vijues me vetë fjalët tuaja ose të ftoni një nxënës t’i lexojë ato me zë të lartë.

Kur engjëll Moroni iu shfaq 17‑vjeçarit Jozef Smith, Moroni citoi disa profeci të lashta të shënuara në Bibël. Këto profeci zbuluan më shumë rreth punës së Jozefit në të ardhmen dhe përfshinin ngjarje që do të ndodhnin përpara dhe pas Ardhjes së Dytë të Shpëtimtarit.

Një profeci nga Dhiata e Vjetër që citoi Moroni, është te Malakia 4:5–6. Fjalët e Moronit shënohen te Joseph Smith – Historia 1:38–39 dhe Doktrina e Besëlidhje 2, duke zbuluar se profeti Elija do të rikthehej në tokë përpara Ardhjes së Dytë të Shpëtimtarit.

Nxënësit mund të jenë të interesuar të dinë se rikthimit të Elijas i referohet secila nga veprat standarde (shihni te Malakia 4:5–6; 3 Nefi 25:5–6; Doktrina e Besëlidhje 2; Joseph Smith – Historia 1:38–39). Ndërsa nxënësit i lexojnë vargjet vijuese, ndihmojini ata të përkufizojnë ndonjë fjalë dhe frazë që mund të mos e kuptojnë.

Lexo te Doktrina e Besëlidhje 2 dhe kërko arsyen pse rikthimi i Elijas është i rëndësishme për fëmijët e Atit Qiellor (shih edhe te Doktrina e Besëlidhje 128:17–19).

Çfarë pyetjesh ke për këto vargje?
Sa vijon mund të ndihmojë për t’u dhënë përgjigje pyetjeve të nxënësve në lidhje me Doktrina e Besëlidhje 2:
- “Priftërinë, nëpërmjet dorës së Elija[s]” (vargu 1) i referohet fuqisë vulosëse që Elija rivendosi në Tempullin e Kirtlandit më 3 prill 1836 (shihni edhe te Doktrina e Besëlidhje 110:13–16).
- “Ditës së madhe dhe të tmerrshme të Zotit” (vargu 1) i referohet Ardhjes së Dytë të Shpëtimtarit.
- “Premtimet e bëra etërve” (vargu 2) mund t’i referohet besëlidhjes abrahamike dhe premtimeve të bëra ndaj Abrahamit, Isakut dhe Jakobit (shihni edhe te Doktrina e Besëlidhje 27:9–10).
- Një mënyrë se si zemrat e fëmijëve kthehen tek etërit e tyre është nëpërmjet punës në tempull dhe për historinë familjare.
- Pa vulosjen e familjeve, qëllimet e tokës nuk do të arriheshin; toka do të “shkatërrohej tërësisht” (vargu 3; shihni edhe te Doktrina e Besëlidhje 128:17–19).
Si mund të ketë ndikuar rikthimi i Elijas te familjet?
Çfarë të vërtetash mund të përcaktosh te Doktrina e Besëlidhje 2?

Nxënësit mund t’i shënojnë në tabelë të vërtetat që gjejnë. Mes të tjerash, këto të vërteta mund të përfshijnë: Perëndia premtoi të dërgonte Elijan për të rivendosur fuqinë vulosëse të priftërisë në tokë përpara Ardhjes së Dytë (shihni vargun 1). Zemrat tona mund të kthehen te paraardhësit tanë dhe ne mund të kryejmë ordinanca për ta në tempuj (shihni vargun 2). Pa fuqinë për t’i bashkuar familjet për përjetësinë, qëllimet pse u krijua toka nuk do të përmbusheshin (shihni vargun 3).

Zemrat tona do të kthehen tek etërit tanë

Fraza “zemrat [tona] … do të kthehen tek etërit [tanë]” (Doktrina e Besëlidhje 2:2) mund t’u referohet posaçërisht Abrahamit, Isakut dhe Jakobit, “etër[ve]” të Shtëpisë së Izraelit. Sot kjo frazë përdoret vazhdimisht për t’iu referuar të gjithë paraardhësve tanë: nënave, etërve dhe familjeve tona në tërësi nëpër të gjithë brezat.

Cilat përvoja me tempullin dhe historinë familjare të kanë ndihmuar ta kthesh zemrën te familja jote?
Si mund të na ndihmojë kthimi i zemrave te familjet tona që t’i kthejmë zemrat tona te Shpëtimtari?

Për t’i ndihmuar nxënësit të mendojnë për mënyrat se si mund ta kthejnë zemrën e tyre, merreni parasysh t’i ftoni të përmendin mënyra se si mund të marrin pjesë ose kanë marrë tashmë pjesë në punën në tempull dhe për historinë familjare. Mund t’i renditni sugjerimet e tyre në tabelë, duke shtuar idetë vijuese nëse është e nevojshme. Jepuni kohë nxënësve gjatë orës mësimore që të fillojnë të punojnë për veprimtarinë që zgjodhën.

Zgjidh me lutje një veprimtari që do të të ndihmojë ta përmbushësh profecinë e Zotit për kthimin e zemrës sate te pjesëtarët e familjes. Disa ide përfshijnë:

Përgatit pyetje që mund t’ia bësh një pjesëtari më në moshë të familjes rreth rinisë së vet ose rreth asaj që ka mësuar gjatë përvojave të jetës së vet. Më pas regjistro një intervistë me pjesëtarin e familjes sate.
Shkruaj ose trego një histori kuptimplotë nga historia jote familjare. Për shembull, mund të shënosh se si iu bashkua Kishës anëtari i parë i familjes sate.
Përdor faqen FamilySearch.org ose programin Pema Familjare që:
- Të eksplorosh pemën tënde familjare dhe të mësosh se çfarë lidhjesh familjare ke me paraardhësit e tu.
- Të ngarkosh fotografi familjare, përfshirë emrat e individëve në secilën figurë.
- Të shënosh ndodhi ose kujtime të parapëlqyera për pjesëtarët e familjes.
- Të përcaktosh pjesëtarët e vdekur të familjes që mund të marrin ordinanca tempulli. (Përzgjidh veçorinë Tempulli, pastaj Ordinancat Gati.)
Planifiko një kohë që familja jote, grupi i shokëve ose grupi i rinisë të frekuentojë tempullin. Punoni së bashku për të gjetur emra të pjesëtarëve të vdekur të familjes që kanë nevojë të marrin ordinanca tempulli. Ftoji pjesëtarët e familjes t’i shërbejnë Zotit duke ndihmuar të kryhen këto ordinanca të shenjta.

Inkurajojini nxënësit që ta çojnë deri në fund veprimtarinë që kanë zgjedhur. Nëse dëshirojnë, ata mund të përfshijnë pjesëtarë të familjes ose shokë të ngushtë të tyre në këtë proces. Nëse dëshironi, mund të planifikoni një afat kohor që nxënësit t’ia raportojnë përparimin e tyre ose t’ia tregojnë përvojat e tyre klasës.

Burime Shtesë

Doktrina e Besëlidhje 2:3. Çfarë do të thotë që “gjithë toka do të shkatërrohej tërësisht”?

Fraza shkatërrohej tërësisht do të thotë “rrënohej plotësisht ose të mos shërbente për asgjë” (“Line Upon Line: Joseph Smith—History 1:39”, New Era, tetor 2014, f. 11).

Presidenti Jozef Filding Smith (1876–1972) dha mësim:

“Po të mos kishte ardhur Elija do mund të besonim se gjithë puna e epokave të kaluara do të kish vlejtur pak, sepse Zoti tha që e gjithë toka, në kushte të tilla, do të shkatërrohej tërësisht me ardhjen e Tij. … Nëse kjo fuqi vulosëse nuk do të ishte në tokë, atëherë do të mbretëronte çoroditja dhe rrëmuja do të zinte vendin e rregullit në atë ditë kur Zoti do të vijë, dhe, sigurisht, kjo nuk mund të ndodhë, sepse të gjitha gjërat sundohen dhe kontrollohen nga ligji i përsosur i mbretërisë së Perëndisë.

Përse do të shkatërrohej toka? Thjesht sepse nëse nuk ka një lidhje të pandashme midis etërve dhe fëmijëve – që është puna për të vdekurit – atëherë ne të gjithë do jemi të flakur; e gjithë puna e Perëndisë do të dështojë dhe do të shkatërrohet tërësisht. Një gjendje e tillë, sigurisht, nuk do të ndodhë.” (Mësime të Presidentëve të Kishës: Jozef Filding Smith [2013], f. 224)

Doktrina e Besëlidhje 2:2. Cilët janë “etërit” dhe çfarë premtimesh u bëri Zoti atyre?

Presidenti Rasëll M. Nelson shpjegoi:

“Në tekstin përmbyllës të Dhiatës së Vjetër, ne lexojmë për premtimin e Malakias se Eli[j]a do të “bëjë që zemra e etërve t’u kthehet bijve dhe zemra e bijve etërve” (Malakia 4:6). Në Izraelin e lashtë një referencë e tillë ndaj etërve do të ketë përfshirë etërit Abraham, Isak dhe Jakob. [Shih te Doktrina e Besëlidhje 27:9–10.]” (Rasëll M. Nelson, “Besëlidhja e Përjetshme”, Liahona, tetor 2022, f. 6–7)

“Abrahami, Isaku dhe Jakobi janë paraardhësit tanë. Ne jemi të Izraelit. Ne kemi të drejtën të marrim ungjillin, bekimet e priftërisë dhe jetën e përjetshme. … Fara e drejtpërdrejtë e Abrahamit dhe të atyre që janë mbledhur në familjen e tij nëpërmjet birësimit, i marrin këto bekime të premtuara – bazuar në pranimin e Zotit dhe bindjes ndaj urdhërimeve të Tij.” (Russell M. Nelson, “Children of the Covenant”, Ensign, maj 1995, f. 33)

Përse duhet të marr pjesë në punën për historinë familjare?

Plaku Dejvid A. Bednar, i Kuorumit të Dymbëdhjetë Apostujve, këshilloi:

15:55

“Nuk është rastësi që FamilySearch dhe instrumente të tjera kanë dalë në një kohë kur të rinjtë janë kaq të familjarizuar me një gamë të gjerë teknologjish të informacionit dhe të komunikimit. Gishtërinjtë tuaj janë stërvitur në shkrim e dërgim teksti për të përshpejtuar e çuar më përpara punën e Zotit – jo thjesht për të komunikuar shpejt me miqtë tuaj. Aftësitë dhe prirjet e dukshme mes shumë të rinjve të sotëm janë një përgatitje për [të] kontribuar [në] punë[n e] shpëtimit. …

Kur i përgjigjeni me besim kësaj ftese, zemra juaj do të kthehet drejt etërve. Premtimet që iu bënë Abrahamit, Isakut dhe Jakobit, do të nguliten në zemrën tuaj. Bekimi juaj patriarkal, me shpalljen prej tij të linjës së prejardhjes, do t’ju lidhë te këta etër e do të jetë për ju më kuptimplotë. Dashuria dhe mirënjohja për paraardhësit tuaj do të shtohet. Dëshmia juaj për kthimin në besim tek Shpëtimtari, do të bëhet e thellë dhe e qëndrueshme. Dhe unë ju premtoj se ju do të jeni të mbrojtur ndaj ndikimit në rritje të kundërshtarit. Ndërsa merrni pjesë dhe e doni këtë punë të shenjtë, ju do të mbroheni në rini dhe gjatë gjithë jetës suaj.” (Dejvid A. Bednar, “Zemrat e Fëmijëve Do të Kthehen”, Liahona, nëntor 2011, f. 26–27)

Si mund të ndihmojë puna në tempull dhe për historinë familjare për të shëruar marrëdhëniet familjare?

Plaku Dejll G. Renland, i Kuorumit të Dymbëdhjetë Apostujve, dëshmoi për fuqinë e Jezu Krishtit për t’i shëruar marrëdhëniet tona të prishura familjare (shihni te “Historia Familjare dhe Puna në Tempull: Vulosja dhe Shërimi”, Liahona, maj 2018, f. 46–49).

Në materialin filmik “ From the Head to the Heart” [“Nga Mendja në Zemër ”] (2:56), Vëllai Stiven W. Ouen, ish-President i Përgjithshëm i Të Rinjve, tregon se si Shpëtimtari mund të na e ndryshojë zemrën ndërsa marrim pjesë në historinë familjare dhe punën në tempull.

2:56

Veprimtari Plotësuese të të Mësuarit

Material filmik: “Familja përbëhet nga …”

Për t’i ndihmuar nxënësit të ndiejnë rëndësinë e lidhjeve familjare, mund të merrni parasysh të shfaqni materialin filmik të hapjes së konferencës RootsTech 2019 (2:44). Ky material filmik përshkruan imazhe dhe fjalë që ilustrojnë marrëdhëniet familjare. (Nëse dëshironi, mund të shpjegoni se RootsTech-u është një konferencë e përvitshme e financuar nga Kisha për historinë familjare që kremton lidhjet familjare.) Ftojini nxënësit të mendojnë për mënyrën se si i kanë bekuar dhe njëkohësisht i kanë sfiduar lidhjet e tyre familjare.

2:44

Pse është e rëndësishme ta dimë vlerën e marrëdhënieve tona familjare edhe kur ato mund të jenë sfiduese?
Cilat janë disa mënyra se si mund ta forcojmë vlerësimin dhe dashurinë tonë për pjesëtarët e familjes?

Përdorimi i programit Pema Familjare

Merreni parasysh ta ftoni një nxënës të dëftojë se si duhet përdorur programi Pema Familjare. Nëse dëshironi, mund të vini në dukje se të rinjtë dhe të rejat mund të thirren të shërbejnë si këshillues për historinë familjare në bashkësitë e tyre vendore.

Nxënësit mund të marrin pjesë në një ose më shumë veprimtari që gjenden në programin Pema Familjare për të mësuar më shumë rreth familjeve të tyre ose të fillojnë t’i shënojnë historitë e tyre vetjake. Në program, përzgjidhni Veprimtaritë për Historinë Familjare (klikoni te nënndarja Më Shumë ose tërhiqni shiritin anësor). Rrëshqiteni kursorin te Veprimtari që Bëhen në Shtëpi dhe inkurajojini nxënësit të përzgjedhin një veprimtari nga pjesët Rreth Meje ose Familja Ime. Mund t’u sugjeroni nxënësve ta rrëshqasin kursorin te Regjistro Historinë Time në faqen Veprimtari për Historinë Familjare për të rishikuar pyetjet që mund t’i përdorin për të regjistruar historitë e tyre ose të të afërmve të tjerë. Jepuni kohë nxënësve për të mësuar rreth veprimtarisë që zgjodhën.

Për një përvojë si klasë, nëse dëshironi, mund të përzgjidhni veçorinë Lojë me Pyetësorë si Familje në pjesën Familja Ime. Ndajeni klasën në grupe më të vogla “familjesh” dhe ftojini grupet të përgjigjen dhe t’i diskutojnë pyetjet së bashku.

Kthimi i zemrave tona

Ftojini nxënësit të mendojnë rreth mënyrës se si mund të forcohen duke mësuar më shumë rreth individëve në historitë e tyre familjare. Merreni parasysh të shfaqni materialin filmik “ Discover Your Family History: Discover Your Story” [“Zbulo Historinë Tënde Familjare: Zbulo Historinë Tënde ”] (2:42), i cili paraqet figura të një familjeje të lidhur nëpër disa breza.

2:42