Joseph Smith – Historia 1:27–50

Për t’i përgatitur nxënësit që të mësojnë rreth përvojave të Jozef Smithit në rininë e tij, merreni parasysh t’i ftoni ata të thonë fjalë që përshkruajnë adoleshentët. Një mundësi tjetër është t’i paraqitni në tabelë fjalët dhe frazat që e përshkruajnë Jozef Smithin në rininë e tij. Për shembull: “Unë shpesh u ndjeva i ndëshkuar për dobësinë dhe papërsosmëritë e mia”. Nxënësit mund të vendosin një shenjë përzgjedhjeje në krah të atyre tek të cilat e gjejnë veten.

Nëse dëshironi, mund t’i inkurajoni nxënësit t’i kërkojnë përkufizimet e fjalëve në fragmentin vijues të shkrimit të shenjtë që nuk i kuptojnë. Kjo veçori është në dispozicion në programin Gospel Library [Biblioteka e Ungjillit]. Theksojeni një fjalë dhe përzgjidhni mundësinë “define” [“përkufizoje”].

Grupi tjetër i vargjeve është një bllok më i madh teksti për t’u lexuar. Merrini parasysh nevojat dhe aftësitë e nxënësve tuaj kur përzgjidhni një metodë leximi. Mund të lexoni si klasë (duke i ndërruar nxënësit që lexojnë), t’i vini nxënësit të lexojnë në dyshe ose të vini variantin zanor të leximit dhe t’i ftoni nxënësit ta ndjekin atë në shkrimet e tyre të shenjta.

Pas pyetjes së parë, nëse dëshironi, mund të ndaleni dhe të diskutoni atë që gjetën nxënësit, që mund t’i ndihmojë ata në përvojat e tyre si adoleshent ose adoleshente.

Nxënësit mund të përcaktojnë një larmi të vërtetash, përfshirë thirrjen e Jozef Smithit nga Perëndia për të bërë punën e Tij. Mund t’u vini në dukje nxënësve se, ndërkohë që Jozef Smithi ndihej i ndëshkuar nga gabimet dhe mëkatet e veta, ai sinqerisht kërkoi falje dhe Perëndia e thirri në punën e Tij.

Për t’i ndihmuar nxënësit të shohin shembuj të punës që Perëndia do të kryente nëpërmjet Jozef Smithit, mund t’i ndani mes anëtarëve të klasës profecitë vijuese që citoi Moroni. Ftojini nxënësit t’i lexojnë fragmentet, duke kërkuar mënyrën se si e gjejnë veten te puna që u thirr të bënte Jozefi.

Tërhiqeni vëmendjen e nxënësve te profecia e Moronit rreth emrit të Jozef Smithit te Joseph Smith Historia – 1:33. Diskutoni se si mund të jetë ndier Jozefi rreth profecisë dhe mënyrat se si po përmbushet ajo sot. Ndihmojini nxënësit të kuptojnë se përmbushja e profecisë është provë për thirrjen e Jozef Smithit si një profet i Perëndisë.

Për t’i ndihmuar nxënësit të shohin shembuj të mënyrës se si Shpëtimtari foli mirë për Jozef Smithin, mund t’i ndani referencat vijuese të shkrimeve të shenjta mes nxënësve: Doktrina e Besëlidhje 1:17; 35:17; 112:15; 136:37–38. Kërkojuni disa nxënësve të tregojnë se çfarë tha Shpëtimtari për Jozef Smithin.

Ftojini nxënësit të bëjnë diçka në klasë që të ndihmojnë të përmbushen fjalët profetike të Moronit për të folurit mirë për Jozef Smithin. Për shembull, ata mund të tregojnë se si Jozefi i ka ndihmuar ata të dinë rreth Jezu Krishtit ose mënyra të tjera se si Jozef Smithi ka ndikuar në jetën e tyre për mirë. Nxënësit mund t’i ftoni gjithashtu që t’i dërgojnë një mesazh në celular ose mediat shoqërore dikujt jashtë klasës.