Esther

• Ro uwaan kūlaaj eo remaron̄ bar bukot wāween ko Irooj ekar kōm̧m̧an bwe Esther en maron̄ kōjparok Rijew ro, āinwōt an elmakote ilo laajrak in katak eo an wiik in ilo Itok, Ļoor Eō—N̄an Kajjojo Armej im Baam̧le ko. Karuwaineneik er n̄an kwaļo̧k ta eo rekar loi. Ak komaron̄ lale jet waan jon̄ak kein ippāer (lale Esther 2:21–23; 3:10–14; 4:14–16). Ta eo jemaron̄ kōm̧m̧ane n̄an kūle pein Anij ilo mour ko ad? Ennaan eo jen Elder Neil L. Andersen ilo “Kein Jipan̄ ko Jet” ewōr uwaak ko n̄an kajjitōk in.

• N̄an jipan̄ ro uwaan kūlaaj eo eo am ļōmņak kōn ewi wāween an Irooj kar kōpooj er “n̄an iien āinwōt in” (Esther 4:14), kawuwaineneik er n̄an riit Esther 4:10–17. Ewi an naan ko an Mordecai n̄an Esther kar jipan̄ e kōm̧m̧an kālet n̄an bōbrae armej ro an? Āinwōt an kar Anij likūt Esther ilo juon wāween eo im emaron̄ kōjparok armej in Jew ro, Ta jet iaan men ko Ej likūt kōj n̄ane bwe jān maron̄ kōjeraam̧m̧an ro jet? Ekōjkan ad maron̄ jet kein jerbal ko rem̧m̧an ilo Pein? Riiti ennan eo jen Sister Virginia U. Jensen in “Kein Jipan̄ ko Jet” emaron̄ jipan̄ ro uwaan kūlaaj eo ļōmņak kōn iien ko remaron̄ kar en̄jake ke rekar kein jerbal n̄an Irooj. Kajjitōk ippāer n̄an kwaļo̧k en̄jake ko aer, ilo an tōl jen Jetōb.

• Komaron̄ kōjerbal Esther 4 n̄an kōmeļeļe ki kōjeraam̧m̧an ko rej itok jen jitlo̧k. Komaron̄ kūle juōn ro uwaan kūlaaj eo n̄an an etale m̧akūtkūt ko rekar tōlļo̧k Esther im riJew ro jet n̄an jitlo̧k. Etke raar kāālet n̄an jitlo̧k? Etke jej kāālet n̄an jitlo̧k? Kwonaaj kōņan bar lale ippān doon jet eoon in kakobaba kōn jitlo̧k, āinwōt Aiseia 58:6–12 im Matu 4:1–4; 17:14–21 (lale also Guide to the Scriptures, “Fast, Fasting,” scriptures.ChurchofJesusChrist.org). Bōlen komaron̄ ak jet uwaan kūlaaj eo remaron̄ kwaļo̧k kōn en̄jaake ko rej kwaļo̧k ekōjkan an jitlo̧k bōktok kajoor eo an Irooj n̄an mour ko aer.

• Jeje ko kōn Mordecai im Esther kōn peran im jutak kōn jim̧we ko remaron̄ kōkajoor ro uwaan kūlaaj eo n̄an wōr aer peran n̄an kōm̧m̧an men ko rejim̧we. Komaron̄ karuwainene jimettan in ro ilo kūlaaj eo n̄an riit kōn Mordecai (lale Esther 3:1–11) im jimettan eo juon n̄an riit kōn Esther (lale Esther 4:10–17; 5:1–4). Eļan̄n̄e ren kar ped ijin rainin, ta eo Mordecai im Esther renaaj ba n̄an kōperan kōj n̄e epen n̄an kōm̧m̧ane men ko rejim̧we? Ro uwaan kūlaaj eo remaron̄ barāinwōt kwaļo̧k wāween ko rekar iooni ilo aer kar kwaļo̧k aer peran. Komaron̄ kwaļo̧k video in “Courage” (ChurchofJesusChrist.org) ak karuwaineneik kūlaaj eo n̄an al ak riiti naan kein ilo al in kōn jutak kon m̧ool eo, āinwōt “Do What Is Right” (Hymns, no. 237). Innem kōmeļeļeik ta in video ak al in ej katakin kōn peran.

  

Elder Neil L. Andersen ekar katakin:

“Jet iien jemaron̄ loe pein Irooj ilo mour ko an ro jet ak jej būlōn̄, ‘Ewi wāween Aō maron̄ loe Pein ilo mour e aō make?’ …

“Ilo am̧ kōjparok kien ko im jar ilo tōmak n̄an loe pein Irooj ilo mour eo am̧, I kallim̧ur n̄an kwe ke Enaj kōpeļļo̧k im kōdepakpakļo̧k mour in jetōn n̄e am̧, im enaaj erreo am̧ loe bwe kwojjab make iaam̧” (“Thy Kingdom Come,” Liahona, Māe 2015, 121–22).

Sister Virginia U. Jensen ekar katakin: “Ijjab tōmak bwe kwe im n̄a jej pād ijin ilo iien in em̧m̧an ilo jaje kake. Ij tōmak bwe, āinwōt Esther eo m̧okta, jej ‘itok n̄an aelōn̄ eo an n̄an juōn iien āinwōt in’ [Esther 4:14], n̄e im̧we ko ad, ad waan jon̄ak, ad kajoor, im ad tōmak remaron̄ jutak āinwōt bulwark n̄ae wanlōn̄tak ko an nana me rej kaamijak n̄an bōk m̧oko m̧ōd, baam̧le ko ad, im ro jej iakwe er” (“Creating Places of Security,” Ensign, Nob. 1997, 89).