1 Kiin̄ Ro 17–19

• Juon waanjon̄ak kōn juon eo ejjeļo̧k pāleen ilo Zarephath eo emaron̄ kōketak ro uwaak kūlaaj eo am̧ ilo iien ko tōmak ko aer rej malijjon̄. Komaron̄ jino jān kajjitōk ippāer n̄an kōllaajraki kāālet ko aer im rej aikuj n̄an tōmak ilo Jisōs Kraist. Innem remaron̄ riiti ļook ko ilo 1 Kiin̄ Ro 17:8–16 im kōnono kōn bwebwenato eo ej katakin er kōn kōmoururi tōmak ko. Kōketak ro uwaan kūlaaj eo n̄an kwaļo̧k en̄jake ko aer kōn eo ejjeļo̧k pāleen im ewi wāween an waanjon̄ak eo an kadeel er n̄an kōmourur tōmak ko aer. Ewi wāween an tōmak eo an einļo̧k wōt tōmak eo an Elisha ekar kwaļo̧ke ilo 1 Kiin̄ Ro 19:19–21? Bōlen ro uwaan kūlaaj eo remaron̄ kōņaan kwaļo̧k kaarmijete ko rekar kōm̧m̧ani n̄an Irooj im ewi wāween An kōjeraam̧m̧an er.

• Bwebwenato in eo ejjeļo̧k pāleen ilo Zarephath emaron̄ bar katakin kōj kōn kōjeraam̧m̧an ko rej itok jān kaarmejete. Komaron̄ kajjitōk ippān ro uwaan kūlaaj eo n̄an lukkuun ļōmņak kake ewi wāween aer maron̄ uwaak n̄an ennaan rot in: “Ijjab maron̄ kōļļā juon mōttan jon̄oul” ak “Ilukkun boub n̄an bōk jerbal n̄an jerbal n̄an ro jet.” Ta eo 1 Kiin̄ 17:8–16 ej katakin kōj im emaron̄ jejjet n̄an ennaan in? Ewi wāween an jeļāļo̧kjeņ eo ad kōn Rilo̧mo̧o̧r jipan̄ kōj n̄e jej kajjitōk n̄an kōm̧m̧an kaarmejete ko? Ennaan ko an Elder Lynn G. Robbins ilo “Kein Jipan̄ Ko Jet” remaron̄ bar maron̄ jipan̄.

• Juon ekōnono jān 1 Kiin̄ 18:17–39 emaron̄ jipan̄ ro uwaan kūlaaj eo ļapļo̧k aer leļo̧k aer n̄an ļoor Jisōs Kraist im lōke E. Ālkin am etale bwebwenato in ippān kūlaaj eo, komaron̄ jei ilo board eo kajjitōk eo Elijah ekar kajjitōk ippān armej in Israel ro: “Ewi aetok in an bōjrak am ilo ikōtaan ruo kāālet?” (eoon 21). Kōtļo̧k bwe ro uwaan kūlaaj eo ren kwaļo̧k ta en̄jake ko aer kōn kajjitōk in. Ta jet iian wūn ko armej remaon̄ ka “dāpdep (eo emaron̄ meļeļein mijak, ekkōl, ak ajukukkuk) ikōtaan ļoor Irooj im ļoor Baal? Etke jet iien jej mijak in ļoor jisōs Kraist? Ro uwaan kūlaaj eo remaron̄ kwaļo̧k en̄jake ko me rekar jipan̄ er kāālet n̄an ļoor Rilo̧mo̧o̧r eo.

1 Kiin̄ Ro 19:1–12

Irooj ej kōnono jet iien ilo unojdikdik, wāween ko repidodo.

• Elōn̄ armej rej en̄taan n̄an kūle n̄āāt eo Irooj ej kōnono ippāer. N̄an jipan̄ ro uwaan kūlaaj eo kūle ainikien Irooj, komaron̄ karuwaineneik er n̄an riiti 1 Kiin̄ Ro 19:1–12 iim kwaļo̧k ta Elijah ekar ekkatak. Bōlen ro uwaan kūlaaj eo remaron̄ in kwaļo̧k en̄jake ko me rekar katakin er jōkjōk ko roktak an Irooj kōnono n̄an er. Komaron̄ kōņaan kwaļo̧k video in “How Can I Feel the Holy Ghost More Often?” (jān “Jelm̧ae Doon eo ippān Būreejtōn Eyring im Elder Holland” [worldwide youth broadcast, Mar. 4, 2017], ChurchofJesusChrist.org).

• N̄an jipan̄ im̧we kōnono eo kōn eoon in “juon ainikien edik,” komaron̄ kwaļo̧k jet men (ak pija ko ilo men kein) im emaron̄ jipan̄ ro uwaan kūlaaj eo ļōmņak e ennaan in. Ro uwaan kūlaaj eo remaron̄ keidi waanjon̄ak kein. Etke naan ko “ejja” im “edik” ej juōn jōkjōk eo ejejjet n̄an kōmeļeļeik Jetōb eo? N̄an kōmeļeļe ko jet, ro uwaan kūlaaj eo remaron̄ riiti eoon kein āinwōt Hilamōn 5:30; 3 Nipai 11:3–7; Katak im Bujen Ko 6:22–23; 8:2–3; 9:8–9; 11:12–14; 36:2. Renaaj maron̄ kwaļo̧k jet eoon ko kōn kūle Jetōb. Ta kein eoon kein rej keidi n̄an ta eo jej aikuj kōm̧m̧ane n̄an ad ron̄ ainikien Irooj? Video in “Feeling the Holy Ghost” ak “Voice of the Spirit” emaron̄ jipan̄ (ChurchofJesusChrist.org).

  

  3:18

  

  3:55

Elder Lynn G. Robbins eaar ba: “Elijah ekar meļeļe katak ko ej itok kōjeraam̧m̧an jani ālkin mālijon̄e tōmak ko aer [lale Ether 12:6; Katak im Bujen Ko 132:5]. Ekar jab ļōmņak kōn e make. Āinwōt rijerbal an Irooj, Elijah ekar pād ijeņ n̄an leļo̧k, ekar jab n̄an bōke [lale 1 Kiin̄ Ro 17:13–16]. … Juon iaan wūn ko Irooj ekar keidi katak ko ippān men ko reppen ej n̄an joļo̧k jekpen ņae ko. Eļan̄n̄e Irooj ek kūle jekdo̧o̧n n̄e eo ejjeļo̧k pāleen n̄an kōļļā ijo koņaan, ia eo ej likūt ro jet ro rej loe ejjab aikuj pidodo ak pidodo n̄an kaarmejete?” (“Juōn M̧ōttan Jon̄oul—juon Kien Aaet n̄an Ejjeļo̧k Ippān,” Liahona, Māe 2005, 35).