2 Kiin̄ Ro 2–7

• Ilo am kōnono kōn menin bwilōn ko ilo 2 Kiin̄ Ro 2–6, emaron̄ jipan̄ n̄an kajjitōk ippān ro uwaan kūlaaj eo n̄an kōmeļeļeiki naan in kabwilōn̄lōn̄. Komaron̄ kwaļo̧k ennaan in jān Būreejtōn Howard W. Hunter: “[Kabwilōn̄lōn̄ ko] rej kwaļo̧k kōn kajoor eo an [Anij] eo im jejjab maron̄ kōmeļeļeik ak lukkuun meļeļe. … Kōkaļļe kein im aibojooj kein rej menin kam̧ool ko ilo mour im jerbal in kwaļo̧k eo an Jisōs Kraist, eo nejin Anij emake. Bōtaan bwilōn̄ im ļōmņak-rej deļon̄ āinwōt rekar, menin kabwilōn̄lōn̄ ko rellōn̄ jān Kraist rej annan̄in menin bwilōn̄ ko Jemen ekar kwaļo̧ki im̧aan mejen im ej wōnm̧aanļo̧k wōt kwaļo̧ki ippād aolep. … Aolep iien ej lōn̄ menin kabwilōn̄lōn̄ ko eļan̄n̄e ewōr mejed n̄an loi im lojin̄id n̄an ron̄” (“The God That Doest Wonders,” Ensign, Māe 1989, 15–16). Ekōjkan an en̄jake kein jipan̄ kōj loe pein Anij ilo mour ko ad?

• Ļōmņak n̄an kajjitōk ippān ro uwaak kūlaaj eo n̄an jei jet ian menin bwilōn̄ ko rej kōmeļeļe kaki ilo 2 Kiin̄ Ro 2–6. Ta eo jej ekkatak kōn Rilo̧mo̧o̧r eo jān menin kabwilōn̄lōn̄ kein? Ro uwaan kūlaaj eo remaron̄ bar kōņan kōnono kōn menin bwilōn̄ kein—kūllep ak iddik—im er ak ro uwaan baam̧le ko aer rekar en̄jake. Ewi wāween an ļapļo̧k ad kūle menin bwilōn̄ ko an Anij ilo mour ko ad—ekoba ko jekar jab kōtmene ke ren kar jab oktak jen eo jekar kōjatdikdik kake?

• Ro uwaan kūlaaj eo remaron̄ en̄jake im keidi jet iaan menin kabwilōn̄lōn̄ ko Ilaija ekar kōm̧m̧ani ippān ko im Jisōs Kraist ekar kōm̧m̧ani (lale 2 Kiin̄ Ro 4:8–37 im Luk 7:11–16; 2 Kiin̄ Ro 4:42–44 im Jon 6:1–13; 2 Kiin̄ Ro 5:1–15 im Luk 17:11–19). Ta meļeļein kabwilōn̄lōn̄ kein rej katakin kōj kōn Rilo̧mo̧o̧r eo im rikanaan ro An?

• Juōn ekkatak jemaron̄ ekkatak n̄an kōmour eo an Naaman jān lepa ko an ej aorōk n̄an ettā. N̄an jinoe juōn kōnono, Komaron̄ jei ioon boot eo Uteej eo an Naaman im Ettā eo an Naaman. Ro uwaan kūlaaj eo remaron̄ lale 2 Kiin̄ Ro 5:1–19 im jei ioon boot eo naan ko rej ļōmņak kōn uteej ak ettā eo an Naaman. Ewi wāween ad jet iien āinwōt Naaman? Ewi wāween ad jet iien āinwōt rijerbal ro an? Elmen ad kar itok n̄an jeļā ta eo Naaman ekar jeļā?

• Juōn ekkatak jemaron̄ ekkatak n̄an bwebwenato in ej aorōk in pokake Anij ilo aolep men ro reddik. Komaron̄ jino ilo am̧ riiti 2 Kiin̄ Ro 5:9–12 im kajjitōk ippān ro uwaan kūlaaj eo kōn ļōmņak ko aer kōn etke Naaman “ekar ilo̧k ilo inepata” (eoon 12). Etke jet iien jej kōņan kōm̧m̧an “jet men ko reļļap” Anij ekar kajjitōk ippād, ijelo̧kin wōt men ko reddik? (eoon 13). Ta men eo aorōk ilo ad kōm̧m̧ani men ko reddik?

• Kōjwōj aolep ewōr iien ko jej en̄jake ad make iaad im mijak. Ļōmņak ewi an kōnono kōn naan kein ilo ļo̧o̧k in 2 Kiin̄ Ro 6:8–23 maron̄ jipan̄ ro uwaak kūlaaj eo rej en̄jake rot in. Komaron̄ jinoe ilo kajjitōk ippān ro uwaan kūlaaj eo ta eo ekar im̧we er kōn eoon kein. Remaron̄ bar kwaļo̧k en̄jake ko aer ilo iien eo “Irooj ekar kōpeļļo̧k [mejer] ” (eoon 17) im jipan̄ er loe ke rekar jab make iaer (bar lale “Jipan̄ Ko Jet”). Ekōjkan ad maron̄ jipan̄ doon n̄an “jab mijak”? (eoon 16).

Kōnono kōn bwebwenato ko ilo 2 Kiin̄ Ro 6:8–23, Elder Ronald A. Rasband ekar ba:

“Jemaron̄ ak jemaron̄ jab wōr ad jariot in kijeek ej jilikintok n̄an joļo̧k ad mijak im eļlā ioon tim̧ōn ko ad, bōtaab ekkatak eo ej pidodo n̄an loe. Irooj ej pād ippād, ļōmņak kōn kōj im kōjeraam̧m̧an kōj ilo wāween ko E wōt emaron̄ kōm̧m̧ani. Jar emaron̄ kūr tok kajoor im revelesōn ko me jej aikuj n̄an likūti iolap in ļōmņak ko ilo Jisōs Kraist im katok in pinmuur eo An. Irooj ejeļā bwe ilo jet iien jenaaj en̄jake mijak. Emōj aō ped ijeņ im barāinwōt kwe. … Ilo Kabun̄ in jemaron̄ iiet ilo oran ko ilo wāween an laļ in bwine, bōtaab eļan̄n̄e jenaaj kōpeļļo̧k mejen jetōb ko ad, ‘ro rej pād ippād renaaj lōn̄ļo̧k jān ro rej pād ippāer.’ [2 Kiin̄ Ro 6:16]” (“Be Not Troubled,” Liahona, Nob. 2018, 18–19).