2 Kiin̄ Ro 17–25

• M̧ool eo ilo 2 Kiin̄ Ro 18–19 emaron̄ jipan̄ kōj ewi wāween ad uwaak ilo iien ko tōmak kein ad rej ioon mālijjon̄. Ewi wāween am̧ naaj jipan̄ ro uwaan kūlaaj eo loi m̧ool kein? Komaron̄ karuwaineneik ro uwaak kūlaaj eo kwaļo̧k jet wūn ko etke rej tōmak ilo Anij im karōk eo An. Innem remaron̄ bukot ilo 2 Kiin̄ Ro 18:28–35, pukot wūn ko im Assyrian ro raar leļo̧k n̄an armej in Jerusalem bwe ren jab lōke Irooj. Ewi wāween an Setan kajjieon̄ kaboik kōj n̄an ad pere tōmak eo ippād rainin? Ro uwaan kūlaaj eo remaron̄ kapukōt 2 Kings Ro 19:1–7, 14–19 n̄an ta ko maron̄ katak jen Hezekiah kōn ewi waween n̄an uwaak eļan̄n̄e tōmak ko ad rej ioon apan̄ ko. Ewi waween an Irooj jipan̄ kōj anjo jen en̄taan ko ad n̄an tōmak ko ad? Ta jet iaan meļeļe ko ro uwaan kūlaaj eo ewōr ippāer n̄an kōkāāl tōmak eo ippāer n̄an lōke ilo Irooj?

• Komaron̄ karuwaineneik ro uwaan kūlaaj eo n̄an pojak n̄an kwaļo̧k kōnono eo an RiAssyrian ro ippān Hezekiah’s official ro turin wall eo an (lale 2 Kiin̄ Ro 18:17–36). M̧okta jān aer ba bwebwenato eo, karuwaineneik ro uwaan kūlaaj eo n̄an pijaikļo̧k ke er rej armej in Jerusalem ro rej ron̄jake kōnono kein. Ta ļōmņak ko ak en̄jake ko ewōr ippāer? Ta eo remaron̄ kōm̧m̧ane? Komaron̄ leļo̧k n̄an ro uwaan kūlaaj eo jidikin ennan eo an Elder David A. Bednar “Therefore They Hushed Their Fears” (Liahona, May 2015, 46–49) im karuwaineneik er n̄an pukot kōketak ko im remaon̄ kaenōm̧an er ilo iien mijak im ebbweer. Ewi wāween an tōmak ko an Jisōs Kraist kaenōm̧m̧an kōj ilo iien ko reppen?

• Kōnono kōn kajoor in naan ko an Anij ilo mour ko an Kiin̄ Josaia im armej ro an emaron̄ im̧we ro uwaan kūlaaj eo n̄an pukot ejja kajoor in wōt ilo mour ko aer make. Komaron̄ jino iien ekōnono eo ilo am̧ karuwaineneik ro uwaan kūlaaj eo n̄an pijaikļo̧k ewi wāween an mour ko aer oktak eļan̄n̄e en kar ejjeļo̧k jeje ko rekwojarjar ippāer. Innām remaron̄ pukot ilo 2 Kiin̄ Ro 22:8–11; 23:1–6, 21, 24 n̄an pukot ewi wāween an Josaia im armej ro an oktak ilo iien eo raar ron̄ naan ko an Anij jān jeje ko rekwojarjar im rej kab loi ilo tampeļ eo. Ewi an jeje ko rekwojarjar jipan̄ kōj epaakeļo̧k Jemedwōj Ilan̄ im Jisōs Kraist?

• Oktak ko em̧okaj ilo naan eo an Anij ippen Josiah im elōn̄ armej ro ilo laļ eo an remaron̄ im̧we ro uwaan kūlaaj eo am̧ n̄an pukot ejja oktak kein ilo mour ko aer. Ālkin kōmeļeļeik oktak kein (lale 2 Kiin̄ Ro 23:1–6, 21, 24), ro uwaan kūlaaj eo remaron̄ kwaļo̧k en̄jake ko aer ilo an eoon ko ilo jeje ko rekwojarjar ak ļo̧o̧k ko kōm̧m̧an oktak ilo mour ko aer. Bōlen remaron̄ kōnnaan kōn etke eaar pidodo n̄an aer bōk ennaan ko ilo eoon kein ilo iien eo ilo mour ko aer. Ennan eo ilo “Kein Jipan̄ Ko Jet” remaron̄ bar kakobaik n̄an kāālet ko am̧.

  

Būreejtōn Spencer W. Kimball ekar ba:

“Ij errā bwe kōjwōj kajjojo, ilo jet iien ilo mour ko ad, jej aikuj loi jeje ko rekwojarjar n̄an kōj make—im jab baj loi wōt alen juon, bōtaab bar etali alen juon alen im juon alen. …

“Ij en̄jake kajoor eo bwe jej aikuj jepļaak n̄an jeje ko rekwojarjar āinwōt an Kiin̄ Josaia kar kōm̧m̧ane im kōtļo̧k bwe ren jerbal em̧m̧an ippād, kōm̧an bwe ren jerbal ilo kajoor ilo kōj, kōketak kōj n̄an pen ilo kōttōbar n̄an jerbal n̄an Irooj. …

“Ij loe bwe ilo aō kōjatdikdik ippnān jemjerā eo aō ippān ijo ilōn̄ im ilo an āinwōt ejjeļo̧k ej lojinin̄in n̄an ron̄jake im ejjeļo̧k ainikien n̄an kōnono, Ij ettoļo̧k, ettoļo̧kļo̧k. Eļan̄n̄e ij leļok aō ñan jeje ko rekwōjarjar kōtaan eo ej dikļok im bwe jetōb eo bar jeplaaktok. Ij lo elapļok iakwe ilo ña ñan ro ij aikuj iakwe er kōn aolepān buruō im aō ļōmņak im aō kajoor, im iaō iakwe er. im eļapļo̧k aō iakwe er, Ij loe bwe ipidodoļo̧k ilo kōkkapilōklōk ” (Teachings of Presidents of the Church: Spencer W. Kimball [2006], 62–63, 67).