Ezra 1; 3–7; Nihimaia 2; 4–6; 8

• Riiti kōn lan̄lōn̄ eo Rijew ro rekar en̄jake ilo iien eo tampeļ eo aer ekar ekkal emaron̄ jipan̄ ro uwaak kūlaaj eo en̄jake eļapļo̧k kam̧m̧oolol kōn tampeļ ko rainin. Bōlen komaron̄ karuwaineneik ro uwaan kūlaaj eo n̄an kakeememej Ezra 3:8–13 im 6:16–22 innām kōmeļeļe jet iaan wāween ko Rijew ro rekar kam̧ōņōņōik er ilo aer kar kalōk im kōjeraam̧m̧an tampeļ eo. Etke ekkal tampeļ ko im ta eo ej kōm̧m̧an n̄an kam̧ōņōņō ki? Komaron̄ karuwaineneik ro uwaan kūlaaj eo n̄an kwaļo̧k ewi wāween an tampeļ, im im jerbal ko jeje kōm̧m̧ani ie, bōktok lan̄lōn̄. Ennaan in “Bar Kein Jipan̄ Ko Jet” emaron̄ kōketak ro uwaak kūlaaj eo n̄an en̄jake lan̄lōn̄ eo an jerbal in tampeļ.

  

• Bok in Ezra and Nihimaia rej kōmeļeļeik tōprak in jerbal ko relukkun aorōk an armej ro jekdo̧o̧n menin kabweerer ko jān rikōjdat ro aer. N̄an jinoe juon kōmeļeļe, komaron̄ kajjitōk ippen ro uwaak kūlaaj eo ta “jerbal eo em̧m̧an” an Nihimaia (Nihimaia 6:3) emaron̄ keidi n̄ane n̄an mour kein ad. Ta jerbal eo aorōk Anij eaar letok n̄an kōj? Innām komaron̄ riiti Ezra 4:4 im kōmeļeļeik ewi wāween an Satan kajjieon̄ kam̧ōjņo peid im kainepata kōj ilo ad kōm̧m̧ane jerbal in an Anij. Ta eo jej ekkatak jen Nehemiah im ro jeran ilo jerbal Nihimaia 2:18–20; 4:6–9; im 6:1–3? Ta meļeļe in n̄an wōr “juon kōļmenļo̧kijen ilo jerbal” ilo jerbal in an Rilo̧mo̧o̧r eo? (Nihimaia 4:6). Ļōmņak n̄an kwaļo̧k jidikin ennaan eo an Būreejtōn Dieter F. Uchtdorf “Kōm Ej Kōm̧m̧ane Juōn Jerbal Em̧m̧an im Ejjab Maron̄ Wanlaļwaj” (Liaona, Māe 2009, 59–62), eļaptata ilo jākjen kaņe ruo āliktata.

• Komaron̄ en̄jake tōl n̄an kōmeļeļeik an Zerubbabel ikūdelel n̄an bar kalōk tampeļ eo n̄an kijejeto ko ad make n̄an pād ilo tampeļ im kōm̧m̧an jerbal in kōjparok ko ijeņ. N̄an waanjon̄ak, komaron̄ jei ruo ennaan ilōn̄in boot eo: Zerubbabel im Kōj. Ium̧in Zerubbabel, ro uwaan kūlaaj eo remaron̄ jei ta “kabwerer ko an Judah im Benjamin” (Ezra 4:1) kar waļok kajjeon̄ kabōjrak Zerubbabel im riJew ro jen aer bar kalōk tampeļ eo (lale Ezra 4). Ium̧win Kōj, ro uwaan kūlaaj eo remaron̄ kōllaajraki ta ko rinana eo emaron̄ kajjieon̄ n̄an kabōjrak kōj jān ad etal n̄an tampeļ. Innem remaron̄ kwaļo̧k naan in jipan̄ ko n̄an doon kōn ewi ad maron̄ pukot jipan̄ an Irooj n̄an eļļā jen menin kabwerer in.

• Bōlen ro uwaan kūlaaj eo remaron̄ riiti Nihimaia 8:1–12 ippān doon im kōmmeļeļe ewi wāween an Ezra im armej ro an en̄jake kōn Anij im naan ko An. Rōjan̄ ro uwaan kūlaaj eo n̄an lale kajjojo eoon im ej kwaļo̧k en̄jake ko aer. Karuwaineneik ro uwaan kūlaaj eo n̄an kwaļo̧k ewi wāween aer en̄jake kōn naan ko an Anij. Ewi wāween ad kōļapļo̧k ad maron̄ n̄an ekkatak naan ko an Anij?

Būreejtōn Russell M. Nelson ekar katakin:

“Jemaron̄ bōk im̧we ko aolepen raan eņ kōn tampeļ im en̄jake ko ro jet kōn menmenbwij an baam̧le. Bōtaab jej aikuj in kōm̧m̧ane juon men n̄an kanooj en̄jake lan̄lōn̄ eo kōn kōj make. Ikōņaan lewaj juon idajon̄jon̄ n̄an kajjojo iaad bwe en̄jake eo eaiboojoj an jerbal in emaron̄ wōnm̧aanļo̧k wōt im em̧ool ļapļo̧k. Ij karuwaineneik kom̧ n̄an lukkuun ļōmņak kōn ta kain kaarmejete eo—emaron̄ juon kaarmejete an iien—komaron̄ kōm̧mane n̄an am̧ maron̄ kōm̧m̧an eļapļo̧k jerbal in tampeļ im menmenbwij an baam̧le iiō in.

“Jej bōk kuņaad ilo jerbal in an Anij Ekajoor Pōtata. E ej mour. Jisōs ej RiKraist eo. En̄in ej Kabun̄ eo An. Jej jej ajri in bujen ro Nejin. Emaron̄ likūt an kōjatdikdik iood” (Russell M. Nelson im Wendy W. Nelson, “Open the Heavens through Temple and Family History Work,” Ensign, Okt. 2017, 39).