2 Samuel 5–7; 11–12; 1 Kiin̄ Ro 3; 8; 11

• Komaron̄ kajjitōk ippern ro uwaan kūlaaj eo n̄an riiti 2 Samuel 6:1–8 im ļōmņak kōn ta kakkōl ko ewōr ilo bwebwenato in n̄an kōj rainin. Ennaan eo jān Brigham Young ilo “Kein Jipan̄ ko Jet” emaron̄ jipan̄. Ta jet iaan jōkjōk ko jemaron̄ kajjeon̄ kōm̧m̧ani n̄an kōm̧m̧ane jerbal eo an Anij ilo jet jōkjōk ijelo̧kkūn An kakien? Etke menin ekauwōtata? Bōlen ro uwaan kūlaaj remaron̄ kwaļo̧k en̄jake ko im rej ekkatak n̄an lōke iaļ ko Irooj ej leļo̧k n̄an kadedeik jerbal eo An.

• Ekkatak jān jōkjōkin an David kāālet ilo 2 Samuel 11 emaron̄ jipan̄ kōj jeorļo̧k jen ejja bōd kein. Bōlen kūlaaj eo remaron̄ riit ippān doon 2 Samuel 11:1–17 im kalikkar kāālet eo David ekar kōm̧m̧ane im ekar tōlļo̧k e n̄an jerawiwi. Ta eo David enkar kōm̧m̧ane eoktakļo̧k? Komaron̄ bar kajjitōk ippen ro uwaan kūlaaj eo n̄an jei juon jentōj eo im emaron̄ jipan̄ im̧we juon armej n̄an etal jen jerawiwi, ekkar n̄an ta eo rej ekkatak jāne 2 Samuel 11. Kajjitōk ippān jejjo ro uwaan kūlaaj eo bwe ren kwaļo̧k ļōmņak ko aer.

• Komaron̄ kōjerbal 2 Samuel 11 n̄an kōmeļeļeik nana eo ekauwōtata jen pija ko renana im bar jerawiwi ko jet. N̄an kōm̧m̧an wāween in, kūlaaj eo ej aikuj bar etale ippen doon jidikin ennan eo an Elder L. Whitney Clayton “Blessed Are All the Pure in Heart” (Liahona, Nov. 2007, 51–53). Ta naan in kōketak eo Elder Clayton ekar letok jān jorrāān ko an pija ko renana? Kom̧ maron̄ barāinwōt alooje pija eo “To Look Upon” (ChurchofJesusChrist.org). Ekōjkan an Rilo̧mo̧o̧r eo jipan̄ kōj anjo̧ ioon kapo kein im m̧wil kein?

  

  4:18

  Bōlen ro uwaan kūlaaj eo remaron̄ kwaļo̧k jet ļōmņak ko raar loe an jipan̄ ilo aer kajjieon̄ n̄an kōjparok baam̧le ko aer jen pija nana ko ak eļļā jān jorrāān ko an pija nana. Ennan eo an Sister Linda S. Reeves’s “Protection from Pornography—a Christ-Focused Home” emaron̄ jipan̄ (Liahona, Māe 2014, 15–17; see also “Kein Jipan̄ Ko Jet”).

• 1 Kiin̄ Ro 8 ej kameļeļeik kōjeram̧m̧an ko Solomon ekar kajjitōk n̄an armij ro an ilo an tampeļ eo dedeļo̧k. Komaron̄ kōjenolo̧k eoon kein 22–61 ilubwilijin ro uwaan kūlaaj eo im kajjitōk ippāer n̄an kwaļo̧k jet men rekar loi ilo eoon ko rej im̧we er ilo iien aer nōbar ilo tampeļ. Ro uwaan kūlaaj eo remaron̄ kwaļo̧k ekōjkan an nebar im̧weo im̧ōn Irooj ej kōjeram̧m̧an e mour ko aer.

• Ta meļeļe in n̄an “kōtļo̧k [ad] bōro … bwe en jim̧we ippen Irooj”? (1 Kiin̄ Ro 8:61). Ej ke oktak jān m̧akūtkūt ko ad rej jim̧we? Ewi wāween? Ilo an ro uwaan kūlaaj eo kōļmenļo̧kjen kōn kajjitōk kein, remaron̄ riiti 1 Kiin̄ Ro 11:1–11 im kūle ta eo Irooj ej ba kōn būru eo an Solomon. Ewi wāween ad maron̄ etal jen jorrān eo ekar kōm̧m̧ane?

Būreejitōn Brigham Young ekar katakin: “Kōtļo̧k bwe Aelon̄ eo make, bwe Irooj en dāpij wa eo, im eļan̄e enaj em̧akūtkūt, im ej waļok bwe ej aikuj dāpdep, im eļan̄e jōkjōk eo ej wōtlo̧k jet iien, im ej waļo̧k ke kamijak ej eļļāioon, ekkōl ilo am̧ eļļo̧ke peim n̄an dāpiji; jenjab lukkun illu ilo jum̧ae ippen men ko rejjab menin inepata n̄an kōj; kōtļo̧k bwe en make, en̄in ej jerbal eo an Irooj ” (Discourses of Brigham Young, sel. John A. Widtsoe [1954], 66).

Sister Linda S. Reeves eaar katakin: “Ewi wāween ad kōjparok ajri ro nejid im jodikdik ro? Filters rej kein jerbal ko rej jipan̄, bōtaab filter eo em̧m̧antata ilo laļin, eo ej make wōt im enaj lukkun jerbal, internal filter eo am̧ make im ej itok jān tum̧ūlaļ im dāpdep ilo kam̧ool eo kōn iakwe eo an Jemed Ilan̄ im en̄taan eo an ad Rilo̧mo̧o̧r n̄an kōjwōj kajojo” (“Protection from Pornography—a Christ-Focused Home,” Liahona, May 2014, 16; see also Joy D. Jones, “Addressing Pornography: Protect, Respond, and Heal,” Ensign, Okt. 2019, 22–27).