Ri Ekajet Ro 2–4; 6–8; 13–16

• Etale wāween an Riisrael ro kar jum̧ae, en̄taan, ukweļo̧k, im iaļen anjo̧ emaron̄ jipan̄ ro uwaan kūlaaj eo kūle kajoor an Anij ilo an lomo̧oren er ilo mour ko aer make. Ro uwaan kūlaaj eo remaron̄ jerbal ilo juon kumi jidikdik n̄an pukōt wāween an kōmeļeļe ilo Ri Ekajet 2:11–19; 3:5–12. Ewi wāween an kar ajri in Israel ro diwōjļo̧k jān aer jerawiwi im en̄taan? Ta eo jeje ekkatak jān bok in Ri Ekajet kōn ewi wāween ad maron̄ ko jān jerawiwi im en̄taan? Ta jet iaan wāween ko Anij ej kadiwōjļo̧k kōj jene? Komaron̄ bar karuwaineneik ro uwaak kūlaaj eo n̄an bukot im kwaļo̧k eoon ko rej kam̧ool ke Irooj ej ad Rilo̧mo̧o̧r im Ripinmuur (n̄an waan jon̄ake, 2 Samuel 22:1–3; Sam Ko 40:16–17; 1 Nipai 1:19–20; Mosaia 23:21–23; Katak im Bujen Ko 138:23).

• Ri Ekajet Ro 2:19 je bwe riIsrael ro elōn̄ kattōn aer eļļo̧k jān Anij n̄an ekjab. Bōlen ro uwaan kūlaaj eo remaron̄ k0meļeļeik eoon in ilo juon jōkjōk in kakkōl n̄an er make. Ilo wāween ta jej jet iien “badikdik” n̄an “bar jet anij”? Ewi wāween an Irooj maron̄ jipan̄ kōj jān “an pen būruwōd”?

• N̄an jino kōmeļeļe eo kōn ewi an Debora im Barak kadiwōjļo̧k riIsrael jān armej in Canaanite ro, komaron̄ kajjitōk ippān ro uwaan kūlaaj eo n̄an kōmeļeļeik bwebwenato n̄an kūlaaj eo (emaron̄ jipan̄ n̄an tōpar ro uwaan kūlaaj eo jejjo raan m̧oktaļo̧k bwe er ren maron̄ pojak). Ro uwaan kūlaaj eo remaron̄ kōnono kōn tōbrak ko Deborah ekar kōm̧m̧an aer bwilōn̄. Ewi wāween an Debora im̧we ro nejin Israel n̄an ļoor Irooj? Bōlen remaron̄ riit ippān doon Ri Ekajet Ro 4:14 im kōnono kōn meļeļein ennan in tōmak an Debora: “Jeova ear jab diwōjḷọk iṃaaṃ ke?” Ewi wāween an Irooj etal im̧aam̧? (bar lale Katak in Bujen Ko 84:87–88).

• Ekkatak kōn kūr eo an Gideon n̄an ilo̧k im jerbal emaron̄ jipan̄ ro uwaak kūlaaj eo ilo jerbal ko aer make. Komaron̄ kajjitok ippāer n̄an riit im kōnono Ri Ekajet Ro 6:11–16. Ta eo jemaron̄ ekkatak jān en̄jake in? N̄an jipan̄ er ekkatak jān Ri Ekajet Ro 7, komaron̄ karuwaineneik juōn ak elōn̄ļok jān ro uwaan kūlaaj eo āinwōt n̄e er ritariņae ro an Gideon im bwebwenato n̄an kūle ko an ritariņae ro. Ro jet uwaan kūlaaj eo remaron̄ kajjitōk ippāer kajjitōk ko kōn en̄jake ko an ritariņae ro. Ta lain eo jej loe ikōtaan bwebwenato eo im ta eo ej bōk jikin ilo mour ko ad? Ta eo jej ekkatak kōn Irooj jān bwebwenato in?

• Ewi wāween am̧ jipan̄ ro uwaan kūlaaj eo loe jim̧or loe im̧we in m̧ool im aorōkin kakkōl ko jān bwebwenato in an Samson? Juōn jōkjōk ej karuwaineneik jimettan in kūlaaj eo n̄an etale Ri Ekajet Ro 14–16 pukot eoon ko rej kwaļo̧k ke Irooj ekar pād ippān Samson. Jimettan eo juōn remaron̄ bukot eoon ko jet im rej kwaļo̧k ke Samson ekar jab lukkun leļok an n̄an Irooj. Kajjitōk ippān ro uwaan kūlaaj eo n̄an kwaļo̧k ta eo raar loe. Ta eo mour eo an Samson ej katakin kōj kōn kōjbarok bujen ko jej kōm̧m̧ani ippen Anij? Ennaan eo jān Sister Ann M. Dibb in “Kein Jipan̄ ko Jet” remaron̄ jipan̄.

  

Sister Ann M. Dibb ekar katakin: “Samson ekar ļotak kōn maron̄ eļap. Kar kallimur jinen, ‘Enaaj jino in lọmọọren Israel jān pein ro ri Pilistia.’ [Ri Ekajet Ro 13:5]. Bōtaab ilo an Samson rittoļo̧k, ekar reilok ilo kabo ko an laļin jān iiaļ ko an Anij. Ekar kōm̧m̧ani kāālet ko kōnke rej ‘kam̧ōņōņōik [e] aet’ [Ri Ekajet Ro 14:3] eļapļo̧k kōnke kāālet ko rekar jim̧we. Bar āliji, jeje ko rekwojarjar rej kōjerbal naan in ‘im ekar wōnlaļļo̧k’ [Ri Ekajet Ro 14:7] ilo aer kar kōnono kōn em̧akūtkūt ko an Samson, m̧akūtkūt, im kāālet ko. Ijello̧kin an jutak im wōnm̧anļo̧k ilo meram n̄an kam̧ool lukkun jerbal ko an, Samson ekar bo ilo men ko an laļin, ekar luuji kajoor eo an Anij kar leļo̧k, im ekar mij ilo juon wāween ekabūlōn̄lōn̄, m̧ōkaj an mij” (“Arise and Shine Forth,” Liahona, May 2012, 118).